Levítico 19:10 - Qullan Arunaca Uva yapumatsti janiw takpacha apthapïtati, janiraquiw cuna uvanacatejj willirtqui ucanacsa k'ala pallthapisïtati; ucanacjja pobrenacataqui, uqhamarac jaya marcat jutiri jakenacataquiw jilt'ayäta. Nayätwa jumanacan Tatitu Diosamajja. Aymar Bibliia 1986 Uva yapumatsti janiw takpacha apthapïtati, janiraquiw cuna uvanacatejj willirtqui ucanacsa k'ala pallthapisïtati; ucanacjja pobrenacataqui, uqhamarac jaya marcat jutiri jakenacataquiw jilt'ayäta. Nayätwa jumanacan Tatitu Diosamajja. Qullan Arunaka DC Uva yapumatsti janiw taqpach apthapïtati, willirtki uka uvanaksa janirakiw pallthapisïtati; ukanakax t'aqhin jakirinakatakiwa, ukhamarak jaya markat jutirinakataki. Nayätwa jumanakan Tatit Diosamaxa. |
cawqhantejj mä kawkha jilt'irinacaqui armt'atäquejj uqhama; jan ucajj cunjämtejj olivos kokajj thalsutäqui, ucatsti mä kawkha aceitunanacaqui jilt'jjejja uqhama, jan ucajj mä pusi jan ucajj mä pheska aceitunanacaqui jilt'jjejj uqhama.” Uqham siwa Israelan Tatitu Diosapajja.
Uqhamaraquïniwa aca oraken utjiri take marcanacampejja, cunjämatejj thalsuta aceitunanacajj williratajj uqhama, jan ucajj uva k'ala thaksutajja uqhama, cunapachatejj cosechajj tucusjje ucqhajja.
Cunapachatejj uvajj apthapisi ucapachajj, yakhepa uva wayunacajj kheparayataraquiwa; cunapachatejj arumajj lunthatanacajj purinipjje ucapachasti, cunatejj munasqui ucacwa apasipjjaraquejja.
nayätwa jumanacan Tatitu Diosamajja. Jumanacasti k'omachasipjjañamawa, ucatsti kollanäpjjañamaraquiwa, nayasti kollanätwa uca laycu. Cawquïri animalanacatejj orakenjam katatnaktqui ucanacampisti janipuni k'añuchasipjjamti.
“Jan lunthatasipjjamti, janiraqui c'arisipjjamti, janiraqui jumanaccamasa maynit maynicama engañasipjjamti.
pheska mara purinjjepansti jumanacajj uca achunacatjja mank'jjapjjaraquïtawa. Uqhamatwa uca kokajj juc'ampi jumanacataquejj achuraquini. Nayätwa jumanacan Tatitu Diosamajja.
“Cunapachatejj yapumana cosecha apthapcäta ucapachasti janiw thiyanacamppacha yawthapïtati, janiraquiw cuna grano puyanacatejj willirtqui ucanacsa chhajjmthapïtati.
“Cunapachatejj cosecha horasajj purinjjani ucapachasti yapumatjja jan trigjja jan mayani apthapisimti, janiraqui k'ala chhajjmthapisimti trigo puyanaca jalaktirinacjja. Ucanacajja pobrenacataqui, uqhamarac jaya marcat jutiri jakenacataquiw jilt'ayäta. Nayätwa jumanacana Tatitu Diosamajja.”
Cuntejj orakejj jan yapuchatäcasina achcani, uca samaraña maranacapanjja, ucasti jumanacan mank'añataquïniwa, uywatanacamana, sirvirinacamana, uqhamarac cawquïri jakenacatejj jaya marcat jutasin jumanac taypin jacapcani ucanacataquiraquïniwa;
“Lunthatanacatejj arum jutasin lunthatsupjjeristamjja, janiw takpach apasipcaspati; uva apthapirinacatejj juman ucar jutapjjaspajja, yakhep uva achunacjja jilt'ayasiwayapcaspawa. Ucampis juman uñisirinacamajj k'alpunwa tucjapjjtamjja.
“¡Ay cunaquïcan! nayataquejja cosech apthapitat jilt'anaca thakasirjamätwa, janiraquiw cunsa jicjjatcti, ni uva ni higo, uva achunaca mank'añ munasina.
“Cunapachatejj jumanacajj yapunacama apthapisipcäta ucqhajj, mä pichu trigo pachparu jaytawayapjjäta, ucatsti jan uc aptirejj cuttapjjamti, jaytapjjam cawquïri jaya marcat jutir jaketejj jumanac taypin jacasqui ucan aptasiñapataqui, uqhamaraqui cawquïri wajchanacasa jan ucajj viuda warminacasa, uqhamat Diosamajj jumaru bendiciñapataqui take luräwinacamana.
“Cunapachatejj aceitonanac olivonacamat apthapipjjät ucqhajj, jan mayampi uca alinac thaksupjjamti, cawquïri aceitunanacatejj kheparani ucanacjja, jaya marcat jutir jaketaqui, wajchataqui, viudataqui ucanacjja jaytapjjam.
“Uqhamaraqui cunapachatejj uva yapuman uvanac apthapiscät ucqhajj jan mayampi thakherejj sarapjjamti, cawquïri achunacatejj kheparani ucanacjja, jaytapjjam jaya marcat jutir jaketaqui, wajchataqui, uqhamaraqui viuda warmitaqui.
Ucampis Gedeonajj saraquïnwa: —¿Janiti jumanacajj amuyasipcta cuntejj lurapcta ucajj, nayan luratajjatsa juc'ampïtapa? Jumanacana juc'aqui luratanacamajj wali asquiwa nanacana walja luratanacajjat sipansa.
Mä urusti Rut warmejj Noemí taycch'iparojj sänwa: —Pampar sarä, inach qhitis ‘Khepajj arcanita cebada apthapisa’ sasa sitani. —Ucatsti taycch'ipajj —Saramay, wawa —saraquïnwa.