Levítico 19:10 - Qullan Arunaka DC

¹⁰ Uva yapumatsti janiw taqpach apthapïtati, willirtki uka uvanaksa janirakiw pallthapisïtati; ukanakax t'aqhin jakirinakatakiwa, ukhamarak jaya markat jutirinakataki. Nayätwa jumanakan Tatit Diosamaxa.

Aymar Bibliia 1986

¹⁰ Uva yapumatsti janiw takpacha apthapïtati, janiraquiw cuna uvanacatejj willirtqui ucanacsa k'ala pallthapisïtati; ucanacjja pobrenacataqui, uqhamarac jaya marcat jutiri jakenacataquiw jilt'ayäta. Nayätwa jumanacan Tatitu Diosamajja.

Qullan Arunaca

¹⁰ Uva yapumatsti janiw takpacha apthapïtati, janiraquiw cuna uvanacatejj willirtqui ucanacsa k'ala pallthapisïtati; ucanacjja pobrenacataqui, uqhamarac jaya marcat jutiri jakenacataquiw jilt'ayäta. Nayätwa jumanacan Tatitu Diosamajja.

Levítico 19:10 Jak'a apnaqawi uñst'ayäwi

Isaías 17:6

jan ukax kunjämtix olivo quqax thalsutaxa, mä qawqha achunakapak pachpa quqan jilt'kixa, ukhamäpxaniwa. Ukham siw Israelan Tatitu Diosapaxa.

Isaías 24:13

Aka uraqin utjir taqi markanakanxa ukhamarakïniwa, kunjämatix aceitunanakax thalsutax willirtanix ukhama, jan ukax uva apthapiñ tukutatxa, pallsuñsa munasipkaki ukhama.

Jeremías 49:9

Uva achunak apthapirinakax, mä qawqha uva wayunakxa jan kunaninakatakix jaytawäpxapuniwa. Arum tuqiru mantiri lunthatanakax, kuntix munapki ukak apasipxaraki.

Levítico 11:44

Nayätwa jumanakan Tatit Diosamaxa. Jumanakasti q'umachasipxañamawa, ukatsti qullanäpxañamarakiwa, nayan qullanätax layku. Janipuniw jumanakax kawkïri laq'unakatix uraqinjam qatatnaqtapki ukanakampix q'añuchayasipxätati.

Levítico 19:11

“Jan lunthatasipxamti. Jan k'arisipxamsa, jumanakkamas janirak sallqjasipxamti.

Levítico 19:25

phisqa mara purinxipan jumanakax uka achunak manq'xapxäta. Ukhamat uka quqax juk'ampi achunakanïni. Nayätwa jumanakan Tatit Diosamaxa.

Levítico 19:9

“Kunapachatix trigo yapuman achunakap apthapkäta ukkhasti, janiw taqpach yawthapïtati, jalaqtki uka puyanaksa janirakiw pallthapisïtati.

Levítico 23:22

“Kunapachatix achunak apthapkäta ukkhasti, trigo yapumatxa janipun jan mayan apthapisimti, trigo puyanak jalaqtirinaksa janirak pallthapisimti. Ukanakxa t'aqhin sarnaqirinakataki, jaya markat jutirinakatakiw jilt'ayäta. Nayätwa jumanakan Tatit Diosamaxa.”

Levítico 25:6

Kunatix uka samarañ maran uka uraqin jupapachpa achkani ukax jumanakana, uywatanakamana, luqtirinakamana, jumanak taypin jakapki uka yaqha markat jutirinakan manq'apxañapatakïniwa;

Abdías 1:5

“Lunthatanakatix arum jutasin lunthatsupxiristamxa, janiw taqpach apasipkaspati; uva apthapirinakatix juman ukar jutapxaspaxa, yaqhip uva wayunak jilt'ayawayapxaspawa. Ukampis juman uñisirinakamax q'alpun tukjawayapxtam.

Miqueas 7:1

¡Ay kunakïkan nayatakixa! Achunak apthapitat jilt'anak thaqhasir jaqjamätwa, uva, higo achunak manq'añ munasa, janiw kunsa jikxatkti, q'al apthapiwayxapxatayna.

Deuteronomio 24:19

“Jumanakax yapunakamat apthapisipkät ukapachatix, mä pichu trigo aptawayañ armasipxäta ukaxa, janiw uka pichu aptir kuttapxätati; pachparuw jaytawayapxäta, pist'añan sarnaqir jaqinakataki, jumanak taypin jakasir jaya markat jutir jaqinakataki, wajchanakataki, ijma warminakataki, jupanakaw ukanak apthapisiskani; Tatit Diosamasti taqi lurañanakaman askimpiw phuqt'apxätam.

Deuteronomio 24:20

“Olivo yapunakamat aceitunanak apthapipkät ukapachaxa, janiw layminakap taypi mayamp thaqsupxätati; qhiparkani uka achunakxa, jaya markat jutir jaqitaki, wajchataki, ijma warmitakiw jaytapxäta.

Deuteronomio 24:21

“Uva yapumat uvanak apthapisipkät ukapachaxa, janiw layminakap taypi mayampi thaqsupxätati; qhiparkani uka uva achunakxa, jaya markat jutir jaqitaki, wajchataki, ijma warmitakiw jaytapxäta.

Jueces 8:2

Ukampis Gedeonax sänwa: —¿Janit jumanakax amuyasipkta kuntix lurapkta ukax, nayan lurataxatsa juk'ampïtapsti? Jumanakan juk'a luratanakamax, nanakan walja luratanakaxat sipan wali askiwa.

Rut 2:2

Mä urusti, Rut warmix Noemí taykch'iparuw säna: —Pampar sarä, inach khitis “cebada puyanak apthapis qhipax arkanita” sitani —sasa. Ukatsti taykch'ipax: —Saramay wawa —sarakïnwa.