Levítico 19:11 - Qullan Arunaka DC

¹¹ “Jan lunthatasipxamti. Jan k'arisipxamsa, jumanakkamas janirak sallqjasipxamti.

Aymar Bibliia 1986

¹¹ “Jan lunthatasipjjamti, janiraqui c'arisipjjamti, janiraqui jumanaccamasa maynit maynicama engañasipjjamti.

Qullan Arunaca

¹¹ “Jan lunthatasipjjamti, janiraqui c'arisipjjamti, janiraqui jumanaccamasa maynit maynicama engañasipjjamti.

Levítico 19:11 Jak'a apnaqawi uñst'ayäwi

2 Samuel 17:20

Absalonan arkirinakapax uka utaru purinipxipansti, warmiruw jiskt'apxäna: —¿Kawkinkapxis Ahimaas jaqimpi Jonatanampixa? —sasa. Warmisti ukxaruw sarakïna: —Aka chiqa sarakipawayasin, jawir tuqiruw sarapxi —sasa. Absalonan arkirinakapasti jank'akiw jupanakar thaqtir sarapxäna, ukampisa jan jikxatxasax, Jerusalenaruw kuttawayxapxäna.

1 Reyes 13:18

Ukampis awki profetax saskakïnwa: —Nayax jumjam profetarakïtwa, mä angelaw Tatitun arupar jaysasin parlitu nayax utaxar irpasina manq'ampi, umampi jumar churañaxataki —sasa. Judá uraqinkir profetax janiw uka awki profetan k'arisitap yatkänti,

Salmos 101:7

Sallqantañampi sarnaqir jaqix janiw utaxan jakkaniti; ¡k'ari jaqinakax janiw nayraqataxankkaniti!

Salmos 116:11

Llakisiñankasax säyätwa: “Jaqinakax k'arikamakiwa” sasa.

Éxodo 20:15

“Janiw lunthatätati.

Éxodo 20:16

“Janiw jaqi masimatak kuna k'ari arunaksa parlätati.

Éxodo 20:17

“Janiw jaqi masimankir utap munapayätati: janirakiw warmipsa, uywatapsa, vacapsa, asnopsa, kunanakapatix utjki ukanaksa munapayätati” sasa.

Éxodo 22:1

1 (37) “Khititix mä vacsa, jan ukax mä ovejsa lunthatasini, ukatsti kharsuni, jan ukax aljanisa, vacanirux mä vacatxa phisqa vaca churxani, mä ovejatsti pusi oveja churxarakini.

Éxodo 22:7

7 (6) “Khititix mayni masiparu qullqipsa, jila alani yänakapsa imarapiñapatak katuyasispa, ukatsti uka masipatix pachpa utapat uka yänak lunthatsuyasispa ukaxa, lunthatar katjapkani ukapachasti mä ukkhamp kutt'ayxañapawa;

Éxodo 23:1

“Janiw k'ari arunak parlätati, janirak k'ari arunak parlir jaqirus arxatasin yanapt'amti.

Proverbios 24:28

Jan amanut masimar k'arintañatak sayt'amti, janirak k'ari arunak qhanañchamti.

Jeremías 6:13

“Taqinisa, jisk'as jach'asa, lunthatasiñampi jikxatañatak lup'isipki; profetanakasa, sacerdotenakasa, taqiniw lunthatasiñar katuyasipxi.

Levítico 19:10

Uva yapumatsti janiw taqpach apthapïtati, willirtki uka uvanaksa janirakiw pallthapisïtati; ukanakax t'aqhin jakirinakatakiwa, ukhamarak jaya markat jutirinakataki. Nayätwa jumanakan Tatit Diosamaxa.

Romanos 3:4

¡Janiw kunäkipansa armaskaspati! Jan ukasti, Diosax chiqaparjamapuniw luri, jaqinakax k'arisisipkpansa; Qillqatasti siwa: “Arunakam laykuw chiqapat uñt'atäyäta. Taripapkätam ukkhasti atipätawa” sasa.

Efesios 4:25

Ukhamasti jichhax jan juk'amp k'ariskxapxamti, jan ukasti sapa maynis chiqapak jaqi masinakamarux parlapxam, taqinis pachpa janchinkirïtas layku.

Efesios 4:28

Lunthatasirix jan juk'ampi lunthataspati, jan ukasti amparapampi irnaqañar uchaspan, ukhamat jan kunaninakar yanapt'añatakis utjarapini.

Deuteronomio 5:19

“ ‘Janiw lunthatasïtati.

Colosenses 3:9

Jumanakpurax jan k'arintasipxamti, jucha luräwin sarnaqañanak apanukxapxatam layku,

1 Timoteo 1:10

wachuq juchan sarnaqirinakataki, chachapur wachuq juchan sarnaqirinakataki, jaq lunthatirinakataki, k'arinakataki, k'ari juramento luririnakataki; mä arunxa, khitinakatix aski yatichäwinak jan phuqhapki ukanakatak uskutawa.

Apocalipsis 21:8

Ukampis axsaririnaka, jan iyawsirinaka, uñisisirinaka, jaqi jiwayirinaka, wachuqa juchan sarnaqirinaka, layqasirinaka, idolonakar yupaychirinaka, k'arisirinakampisti, azufrempi nakhir nina qutar jaquntataw uñjasipxani, ukasti payïri jiwawa” sasa.