Levítico 19:12 - Qullan Arunaka DC

¹² “K'ari arsüwinak nayan sutixar jan luramti, ukham lurasax Tatit Diosaman sutip ñanqhachtaxa. Nayätwa Tatituxa.

Aymar Bibliia 1986

¹² “Jan c'ari arsüwinac nayan sutejjaru luramti, uqham lurasajj Tatitu Diosaman sutipwa ñankhachtajja. Nayätwa Tatitojja.

Qullan Arunaca

¹² “Jan c'ari arsüwinac nayan sutejjaru luramti, uqham lurasajj Tatitu Diosaman sutipwa ñankhachtajja. Nayätwa Tatitojja.

Levítico 19:12 Jak'a apnaqawi uñst'ayäwi

Salmos 15:4

khititix ñanqha lurañarux jisk'achki uka, Tatitur axsartirirus jach'añchki uka; khititix jan walir purkasas arsutap phuqki uka;

Éxodo 20:7

“Janiw Tatit Diosaman sutip inamayatak aytasïtati, jupasti inamay sutip aytasirirux mutuyaniwa.

Isaías 48:1

“Jacobun wila masipa, aka arunak ist'apxam, jumax Israel suti aptaxa, Judá chachat saraqirïtawa; Tatitun sutipxaruw juramento lurtaxa; Israelan Diosaparuw art'astaxa, ukampis janiw chiqa chuymamax utjkiti, janirakiw askïktasa;

Jeremías 34:16

Ukampis jichhax qhiparuw kuttasipxtaxa, janiw uka arust'äwirux phuqhapktati, jan ukasti nayan sutixsa takisipxtawa, kawkïr t'aqhisiyatanakarutix jumanakax antutnukupkta ukanakarux wasitat t'aqhisitar tukuyas taqi kun lurayasipxtaxa.

Jeremías 4:2

Kunapachatix nayan sutixar juramento luräta ukkhasti, nayampisa, taqinimpisa chiqa chuymampi luram. Ukhamat jumar munatax layku, taqi markanakarux askinakax churarakï, uka markanakasti nayaruw yupaychapxarakitani” sasa.

Jeremías 5:2

Yaqhipanakax Tatitun sutipxaruw juramento lurasipki, ukampis uka juramento luratanakaparux janiw phuqhapkiti” sasa.

Jeremías 7:9

Lunthatapxta, jaqi jiwayapxta, wachuqa juchan sarnaqapxta, k'ari juramentonak lurapxta, Baal diosar inciensonak luqtasipxta, ukatsti yaqha diosanakaruw yupaychapxaraktaxa, ukanakampix janiw kuna lurañanakamas utjkiti,

Levítico 18:21

“Wawanakamsti janipun Moloc sat diosarux wilañchat luqtamti. Janirak ukham lurasax Diosan sutipsa ñanqhachamti. Nayakïtwa Tatituxa.

Levítico 20:3

Nayasti uka jaqir mutuyañatakiw sayt'ä, ukatsti markap taypitsa apanukurakïwa, nayan qullana utax q'añuchatapata, ukhamarak nayan qullana sutixarus Moloc sat diosar wawap luqtatapampi takisitap layku.

Levítico 6:3

3 (22) jan ukax, mä kuna jikxatasas jan arsutap layku, jan ukax, k'ari juramento luratap laykusa, taqi uka juchanak luratap laykux

Zacarías 5:3

Ukat sarakitu: “Ukan taqi aka uraqpacharu purinkani uka ñanqhachäwinakaw qillqata. Purapäxan qillqatäki ukarjamaxa, khiti lunthatanakasa, k'ari juramento luririsa taqiniw mutuyatäpxani.

Zacarías 5:4

Taqi ch'amani Tatituw arsu: ‘Nayaw aka ñanqhachäwi apayanta, lunthataskis ukan utaparu, ukhamaraki k'ari juramento nayan sutix aytasis lurki ukan utapampir mantañapataki. Uka ñanqhachäwisti ukankaniwa jan mä lawasa, mä qalas qhiparañapkama.’ ”

Malaquías 3:5

Taqi ch'aman Tatitux siwa: “Nayaw jumanakar taripir jutä. Ukhamarus nayax uñjkta ukanak arsü khitinakatix layqasipki, yaqha warminakamp sarnaqapki, k'ari juramento lurapki, irnaqirinakarus sallqjapki, ijmanakarusa, wajchanakarus jachayapki, yaqha markat jutir jaqinakarus jan wal uñjapki, nayarus jan axsarapkituti ukanakatakiw arsurakï.

Deuteronomio 5:11

“ ‘Janiw Tatit Diosaman sutip inamayatak aytasïtati. Jupasti inamay sutip aytasirinakarux mutuyaniwa.

Santiago 5:12

Ukampis jilatanaka, juramento jan lurapxamti: alaxpach laykusa, akapach laykusa, janirak yaqhanak laykusa. “Jïsa” sapkät ukkhax ukhamapunïpan; “janiw” sapkät ukkhasti, ukhamarakïpan, ukhamat Diosax jumanakar jan juchañchaskañapataki.