Levítico 25:6 - Qullan Arunaca

⁶ Cuntejj orakejj jan yapuchatäcasina achcani, uca samaraña maranacapanjja, ucasti jumanacan mank'añataquïniwa, uywatanacamana, sirvirinacamana, uqhamarac cawquïri jakenacatejj jaya marcat jutasin jumanac taypin jacapcani ucanacataquiraquïniwa;

Aymar Bibliia 1986

⁶ Cuntejj orakejj jan yapuchatäcasina achcani, uca samaraña maranacapanjja, ucasti jumanacan mank'añataquïniwa, uywatanacamana, sirvirinacamana, uqhamarac cawquïri jakenacatejj jaya marcat jutasin jumanac taypin jacapcani ucanacataquiraquïniwa;

Qullan Arunaka DC

⁶ Kunatix uka samarañ maran uka uraqin jupapachpa achkani ukax jumanakana, uywatanakamana, luqtirinakamana, jumanak taypin jakapki uka yaqha markat jutirinakan manq'apxañapatakïniwa;

Levítico 25:6 Jak'a apnaqawi uñst'ayäwi

2 Reyes 19:29

Isaiasasti Ezequiasarojj sänwa: “Acäniwa mä chimpojja jutir urunacana cunatejj pascani ucanacjjata: Aca marasa jutiri marasa jumanacajj mank'apjjätawa jupa pachpa achur trigota, ucampis quimsïr marajja yapuchapjjätawa, apthapipjjaraquïtawa, uva alinacsa ayrupjjätawa, uqhamarac achunacapsa mank'apjjaraquïta.

Éxodo 23:11

Ucampis pakallköri maranjja janiw yapuchätati, jan ucasti jaytätawa samarañapataqui, uqhamata marcamancqui uca pobre jakenacasa, pampa animalanacasa yapun jilt'qui ucanaca mank'asipjjañapataqui. Uca quipcaraquiquiw luraraquïta uva yapunacamampisa, uqhamarac olivo sat aceituna achur kokanacampisa.

Levítico 25:20

“Inas jumanacajj sapjjaraquisma: ¿Uqhamasti cunraqui pakallko mara purinjjani ucapachasti mank'añänisti, jan yapuchcañäni, janiraqui cosecha apthapcañäniti ucapachasti? —sasa.

Levítico 25:21

Nayaw jumanacarojj sojjtïri maräqui ucanjja bendicionanac apayasinipcäma, ucapachasti cosechjja jilarquiri quimsa marataquiw apthapipjjaraquïta;

Levítico 25:5

janiraqui yawthapipjjamti jupapacha alcani uca trigonacjja; khepa cosecha apthapitatjja, janiraqui jan qhuchhurat uva alinacatsa uvanacjja apthapipjjamti, orakejja marpacha samarañapapuniwa.

Levítico 25:7

uqhamarac uywanacamataquisa, uca quipcaraqui montenquiri animalanacataquisa. Cuntejj orakejj achcani ucajj jumanacan mank'añataquïniwa.

Hechos 2:44

Take qhitinacatejj Jesusar iyawsapcän ucanacajja, mayaquïpjjänwa. Take yänacapasa takenincaraquïnwa.

Hechos 4:32

Diosar iyawsirinacasti waljanïnwa. Jupanacasti mä chuymaquïpjjänwa, mä amtañaniquiraqui. Cunanacapatejj utjcäna ucanacatjja janiraquiw qhitis siscänti: “Nayanquituwa” sasajja, jan ucasti take cunanacapas takenincänwa.