Rut 2:2 - Qullan Arunaca

² Mä urusti Rut warmejj Noemí taycch'iparojj sänwa: —Pampar sarä, inach qhitis ‘Khepajj arcanita cebada apthapisa’ sasa sitani. —Ucatsti taycch'ipajj —Saramay, wawa —saraquïnwa.

Aymar Bibliia 1986

² Mä urusti Rut warmejj Noemí taycch'iparojj sänwa: —Pampar sarä, inach qhitis “Khepajj arcanita cebada apthapisa” sasa sitani. —Ucatsti taycch'ipajj —Saramay, wawa —saraquïnwa.

Qullan Arunaka DC

² Mä urusti, Rut warmix Noemí taykch'iparuw säna: —Pampar sarä, inach khitis “cebada puyanak apthapis qhipax arkanita” sitani —sasa. Ukatsti taykch'ipax: —Saramay wawa —sarakïnwa.

Rut 2:2 Jak'a apnaqawi uñst'ayäwi

Génesis 32:6

Cunapachatejj qhitanacajj cuttjjapjjäna ucqhasti Jacoborojj sapjjänwa: —Esaú jilamar uñjirejj sarapjjtwa, jichhasti jupa quipcaw juti jumar catokañataqui, pusi pataca jakenacampi compañt'ata cuna —sasa.

Levítico 19:10

Uva yapumatsti janiw takpacha apthapïtati, janiraquiw cuna uvanacatejj willirtqui ucanacsa k'ala pallthapisïtati; ucanacjja pobrenacataqui, uqhamarac jaya marcat jutiri jakenacataquiw jilt'ayäta. Nayätwa jumanacan Tatitu Diosamajja.

Levítico 19:16

“Jakenac taypinsti janipuni arunac apnakasa sarnakamti. “Janiraqui jake jiwayañanacansa chicachasimti. Nayätwa Tatitu Diosamajja.

Levítico 19:9

“Cunapachatejj yapumana cosecha apthapcäta ucapachasti janiw thiyanacamppacha yawthapïtati, janiraquiw cuna grano puyanacatejj willirtqui ucanacsa chhajjmthapïtati.

Levítico 23:22

“Cunapachatejj cosecha horasajj purinjjani ucapachasti yapumatjja jan trigjja jan mayani apthapisimti, janiraqui k'ala chhajjmthapisimti trigo puyanaca jalaktirinacjja. Ucanacajja pobrenacataqui, uqhamarac jaya marcat jutiri jakenacataquiw jilt'ayäta. Nayätwa jumanacana Tatitu Diosamajja.”

Rut 2:3

Uqhamaw Rut warmejj pampar saräna; yawthapirinacajj jalaktayapcäna uca cebada puyanac apthapisaw arcäna. Uca yapusti Booz chachancänwa, jupasti Elimelec chachan familiaparaquïnwa.

Rut 2:7

nayaruw jicjjatasin achict'asitu cebada yawirinacan khepapa puyanac apthapisa sarañataqui. Jupasti alwatpacha jichhacamaw apthapisqui jan samart'asa. Jichhaquiw juti aca ch'iwi c'uchuru samart'iri.

1 Samuel 1:18

—Waliquiw, tatay, yuspagarsmawa —sasaw Anajj säna. Ucatsti Anajj cawqhattejj jutcän ucqharuw cuttanjjäna, mank'asiriw sarjjaraqui, janiraquiw mayamps llaquiscjjänti.