Levítico 11:44 - Qullan Arunaca

⁴⁴ nayätwa jumanacan Tatitu Diosamajja. Jumanacasti k'omachasipjjañamawa, ucatsti kollanäpjjañamaraquiwa, nayasti kollanätwa uca laycu. Cawquïri animalanacatejj orakenjam katatnaktqui ucanacampisti janipuni k'añuchasipjjamti.

Aymar Bibliia 1986

⁴⁴ nayätwa jumanacan Tatitu Diosamajja. Jumanacasti k'omachasipjjañamawa, ucatsti kollanäpjjañamaraquiwa, nayasti kollanätwa uca laycu. Cawquïri animalanacatejj orakenjam katatnaktqui ucanacampisti janipuni k'añuchasipjjamti.

Qullan Arunaka DC

⁴⁴ Nayätwa jumanakan Tatit Diosamaxa. Jumanakasti q'umachasipxañamawa, ukatsti qullanäpxañamarakiwa, nayan qullanätax layku. Janipuniw jumanakax kawkïri laq'unakatix uraqinjam qatatnaqtapki ukanakampix q'añuchayasipxätati.

Levítico 11:44 Jak'a apnaqawi uñst'ayäwi

Salmos 99:5

Tatit Diosasar jach'añchapjjam, cayunacap nayrakatar quillt'asipjjam: ¡Tatitojj Kollanawa!

Salmos 99:9

Tatit Diosasar jach'añchapjjam, kollan kollup nayrakatar konkort'asipjjam: ¡Tatit Diosasajj Kollanawa!

Éxodo 16:12

—Nayajj ist'twa israelitanacan jan wali parlapjjatanacapjja. Ucampis jumajj parlam aqham sasa: ‘Acat jayp'urusti jumanacajj aychwa mank'apjjäta, uqhamarac arumanthi alwatasti t'ant'araqui mank'apjjaraquïta sist'asiñcama. Uqhamatwa jumanacajj yatipjjäta nayajj jumanacan Tatitu Diosamätajj-jja.’

Éxodo 19:10

Tatitojj Moisesarojj sascaquïnwa: —Saram, ucatsti marcaru waquichanim jichhüru, kharüru jupanacajj k'omachasipjjpan, uqhamarac isinacapsa t'ajjsusipjjaracpan.

Éxodo 19:6

Jumanacasti nayar sirviri sacerdotenacäpjjätawa, uqhamarac nayaru catuyat suma marcaraqui.’ Take acanac israelitanacar yatiyam —sasa.

Éxodo 20:2

“Nayätwa juman Tatitu Diosamajja, nayaw Egiptotjja apsunsma cawqhantejj sirviñampi t'akhesiscayäta ucqhatjja.

Éxodo 22:30

uca quipcaraquiwa vacanacamana, ovejanacaman nayrïr kallunacapsa nayar catuyjjetäta. Aca uywanacaman kallunacapasti wawachatatjja pakallko uruwa taycapampïscañapa, ucatsti quimsakallko urunwa nayaru churjjetäta.

Éxodo 22:31

“Ucampis jumanacajja nayar loktasit jakenacäpjjätawa, uca laycusti janiw mank'apjjätati pampanquir animalanacan tucjat aychjja, jan ucasti anunacaruw uca aychjja liwjjaruyjjapjjäta.

Éxodo 23:25

Jumasti Tatitu Diosamaruquiw yupaychäta, jupawa jumanacarojj bendicipjjätam t'ant'sa, uqhamarac umsa. “Nayasti take usunacwa jumanacatjja apakapjjäma.

Éxodo 6:7

Jumanacarusti nayan marcajjwa tucuyapjjäma, ucatsti nayawa jumanacan Diosamäyäjja. Uqhamatwa jumanacajj yatipjjäta nayajj jumanacan Tatitu Diosamätajja, uqhamat nayajj egipcionacan wali ch'ama lurañanacampi t'akhesiyapctam ucanacata khespiyätajja.

Isaías 43:3

Nayätwa juman Tatitumajja, khespiyirimajja, Israelan Kollan Diosapätwa. Nayaw jumarojj alasinsa alassma. Egipto, Etiopía, Sabá marcanacata,

Isaías 51:15

“Nayätwa Tatitu Diosamajja, sutejjasti Take Ch'amani Tatitu satawa; nayaw jach'a kotjja onjjtayta, ucat mathapinacas wararipjjaraquiwa,

Levítico 10:3

Ucatsti Moisesajj Aaronarojj saraquïnwa: —Tatitojj acpï sañ munänjja cunapachatejj siscäna: ‘Qhitinacatejj nayaru jac'achasipjjetani ucanacarusti k'oma cancañajjwa uñacht'ayäjja, take israelitanacarusti c'ajquir khanajjwa uñacht'ayaraquëjja’ —sasa. Aaronasti uca arunaca ist'asajj janiw cunsa siscjjänti.

Levítico 11:43

Jan jumanacajj k'añuchasipjjamti, ni ajjtascañasa tucupjjaraquimti uca katatnaktiri animalanac mank'asajja,

Levítico 18:2

“Israelitanacarusti aqham saraquim: “Nayätwa Tatitu Diosapajja.

Levítico 19:10

Uva yapumatsti janiw takpacha apthapïtati, janiraquiw cuna uvanacatejj willirtqui ucanacsa k'ala pallthapisïtati; ucanacjja pobrenacataqui, uqhamarac jaya marcat jutiri jakenacataquiw jilt'ayäta. Nayätwa jumanacan Tatitu Diosamajja.

Levítico 19:2

“Israelita jakenacarusti aqham saraquim: Jumanacasti kollanäpjjam, naya Tatitu Diosamasti kollanätwa.

Levítico 19:3

“Sapa maynisa awquiparu uqhamarac taycaparu ajjsarasa sarnakpan. Nayan samaraña urunacajjarusa imapjjaraquim. Nayätwa jumanacan Tatitu Diosamajja.

Levítico 19:4

“Janipun yakha diosanacarojj sarapjjamti, janiraqui diosanacjja cuna casta hierronacat umatatayasas lurasipjjamti. Nayätwa Tatitu Diosamajja.

Levítico 20:26

Jumanacajj nayataquejj yakhachatäpjjañanacamapuniwa, naya jumanacan Tatitu Diosamasti jumanacataquejj yakhachatätwa, ucampisa yakha marcanacat sipansa yakhachapjjaracsmawa, jumanacajj nayancapjjañanacamataqui.

Levítico 20:7

“Nayaru takpach catuyasipjjeta, uqhamarusa kollanäpjjaraquim. Nayätwa jumanacan Tatitu Diosamajja.

Levítico 21:8

Jupanacarusti yakhachatpuni utjayaraquim, jupanacajj Tatitun t'ant'apa loktirïpjjatap laycu. Jupanacasti jumataqui yakhachatäpjjaraquiniwa; naya Tatitusti kollanätwa, nayaraquiw jupanacarojj kollana tucuyaractjja.

Amós 3:3

Mä amtaquïsipqui ucqhaw jakejj panini suma sarnakapjjejja.

Números 15:40

Uqhamatwa take camachinacajjata amtasipjjäta, uqhamarac phokhapjjätasa, naya Diosamar catuyatäjjapjjatam laycu.

Mateo 5:48

Asquïpjjamaya, cunjämatejj alajjpachanquir Awquimajj asquïqui uqhama.

Deuteronomio 14:2

Jumanacasti Diosan k'oma ajllit marcapäpjjatam laycu. Juparaquiwa take marcanacat sipansa jumanacaru ajllisipjjtam jumanacajj jupan marcapäpjjañamataqui.

1 Tesalonicenses 4:7

Diosajj jupar catuyasita k'oman jacañasataquiw jawsistu, janiw juchan jacañasataquiti.

Josué 24:19

Ucampisa Josué chachajj jupanacarojj sänwa: —Jumanacajj janiw Diosarojj sirviñ puedipcasmati, jupasti Kollana Diosawa, janiraquiw jumanacan jan wali sarnakäwinacama ni jucha luratanacamsa inaqui uñjcaniti.

1 Pedro 2:9

Ucampis jumanacajj ajllit jakenacäpjjtawa, reyir sirviri tucuyat sacerdotenacäpjjaractawa; mä k'oma marcäpjjtawa; Diosan ajllisit marcapäpjjaractawa. Acasti lurasiwa, jumanacajj Diosan muspharcañ luräwinacap yatiyapjjañamataqui. Uca Diosaraquiw jumanacarojj ch'amacat irpsusinjjapjjtam, suma muspharcañ khanapar mantjjapjjañamataqui.

Apocalipsis 22:11

Uccañcamasti jan wali jakejja jan walinac lurascacpan, k'añusa k'añunac lurascacpan, ucampis Dios chuyma jakejj asquinac lurascacpan, take chuyma arcascacpan” sasa.

1 Samuel 2:2

¡Janiw jumjam kollanajj qhitis utjquiti, Tatitu! ¡Janiw jumat juc'ampejj qhitis utjquiti!

1 Samuel 6:20

Bet-semes chekanquir jakenacasti sapjjaraquïnwa: “¿Qhitis sayt'aspa aca Kollan Dios Tatitu nayrakatanjja? ¿Jiwasat sarjjasinsti qhiti contrarac sarani?” sasa.