Qhitinacatejj bendicipjjätam ucanacarojj nayaw bendiciraquï, maldicipcätam ucanacarusti nayaw maldiciraquï; juma tokeraquiw take familianacas aca orakenjja bendicitäpjjani” sasa.
Juan 5:46 - Qullan Arunaca Jumanacatejj Moisesan arsutapar iyawsapjjasma ucajja, nayarojj iyawsapjjaraquitasmawa, Moisesasti nayatwa kellkawayaraqui. Aymar Bibliia 1986 Jumanacatejj Moisesan arsutapar iyawsapjjasma ucajja, nayarojj iyawsapjjaraquitasmawa, Moisesasti nayatwa kellkawayaraqui. Qullan Arunaka DC Jumanakatix Moisesan arsutapar iyawsapxasma ukax, nayarux iyawsapxarakitasmawa, Moisesan nayat qillqatap layku. |
Qhitinacatejj bendicipjjätam ucanacarojj nayaw bendiciraquï, maldicipcätam ucanacarusti nayaw maldiciraquï; juma tokeraquiw take familianacas aca orakenjja bendicitäpjjani” sasa.
niyaquejjay jupajj mä jach'a ch'amani marcan awquipächinejja. Jupa toke take marcanacar bendiciñataquiw arsuractjja.
Wawanacamasti lak'a polvor uñtata sinti waljapunïniwa, ucatsti amstaru, aynacharu, inti jalanta tokeru, inti jalsu tokeruw saratatapjjaraquini, aca oraken take familianacasti juma toke, uqhamarac wawanacam tokew bendición catokapjjani.
Warmimpi jumampsti enemigo tucuyapjjäma, uqhamaraqui uca warmin wawanacapampi, wawanacamampisa enemigonïpjjaraquiniwa. Warmin wawapasti p'eket takjjatätam, jumasti cayut achjaraquïta —sasa.
Janiw qhitis Judärojj ch'amapjja apakañ puedcaniti, cuna varatejj amparapancqui ucsa janiw apakcaraquispati, uca varan dueñopa jutañapcama, qhitirutejj marcanacajj jaysapcani ucqhacama.
Ucatwa amuyt'ayañ kallti jupa toket take kellkatanacajj parlqui ucanacata, Moisesan libropat kalltasina, profetanacan take kellkatanacapat yatjjatasa.
Felipesti Natanael thakeriw saräna, ucatsti saraquïnwa: —Uñjapjjtwa cawquïri chachjjattejj Moisesajj ley libropanjj kellkcänjja, uqhamarac qhitjjattejj profetanacas kellkcänjja uca chacharu. Ucasti Jesusawa, Nazaret marcanquiri Josean yokapa —sasa.
Ucampis jupan kellkatapar jan iyawsapcsta ucajja, ¿cunjämsa iyawsapjjäta nayan arsutajjarojja?”
Ucampis Diosan yanapapampejj jichhacamaw juparojj jan pächasisa arcascta. Diosan arunacap takenir yatiyasa, jisc'arus jach'arusa. Janiw cunapachas yakha arunacjja parlcti, cuntejj profetanacajj uqhamarac Moisesas arsupcäna, uqhamarac cunatï khepa urunacan phokhasiñapäcäna ucanacatjja:
Cristow Moisesan leyipjja tucuyawayjje, ucatsti take qhititejj jupar iyawsqui ucanacajj Dios nayrakatan catokatäñapataqui.
Ley tokenjja nayajj jiwatjamäjjtwa; uca pachpa leyiraquiw jiwayitu, Diosatac jacañajjataqui.
Qhitinacatejj Moisesan leyiparu catuyasipqui ucanacajja maldicitäpjjewa. Kellkatansti aqham siwa: “Take qhitinacatejj ley libron kellkatäqui ucanacarjama janipun phokcchi ucajja, maldicitäpjjewa.”
Cristojj leyin maldicionapatwa khespiyistu, jupajj juchanacas laycu maldicitaraquïnwa, Kellkatanjja aqham siwa: “Maldicitäpan take qhititejj mä lawaru warccatatäqui ucajja” sasa.
Uqhamajj leyejj mä wawa uywirjamänwa. Mä wawarjamaw uywawayistu Criston jutañapcama, jupar iyawsasinjja Diosampi catokatäñasataqui.
“Tatitu Diosamasti jumanac taypitjja mä nayjam profeta sayt'ayaraquini, ucarusti ist'apjjañamawa.