Juan 5:46 - Qullan Arunaka DC

⁴⁶ Jumanakatix Moisesan arsutapar iyawsapxasma ukax, nayarux iyawsapxarakitasmawa, Moisesan nayat qillqatap layku.

Aymar Bibliia 1986

⁴⁶ Jumanacatejj Moisesan arsutapar iyawsapjjasma ucajja, nayarojj iyawsapjjaraquitasmawa, Moisesasti nayatwa kellkawayaraqui.

Qullan Arunaca

⁴⁶ Jumanacatejj Moisesan arsutapar iyawsapjjasma ucajja, nayarojj iyawsapjjaraquitasmawa, Moisesasti nayatwa kellkawayaraqui.

Juan 5:46 Jak'a apnaqawi uñst'ayäwi

Génesis 12:3

Jumar jach'añchirinakarux, jach'añcharakïwa, jumar ñanqhachirinakarusti, ñanqhacharakïwa; juma tuqiw aka uraqin utjir wila masinakax jach'añchat uñjasipxani” sasa.

Génesis 18:18

niyakixay jupax mä jach'a ch'amani markan awkipächinixa. Jupa tuqiw taqi markanakar aski waxt'äwinak churañatak arsurakta.

Génesis 22:18

aka uraqinkir taqi markanakarakiw jupanak tuqi aski waxt'äwinak katuqani, nayar ist'atamata” —sasa.

Génesis 28:14

Jumat saraqir wawanakamasti uraq laq'ar uñtata sinti waljapunïniwa, jupanakasti amstaru, aynacharu, inti jalanta tuqiru, inti jalsu tuqiruw saratatani, uka uraqin utjir wila masinakasti juma tuqiwa, wawanakam tuqirakiw aski waxt'äwinak katuqani.

Génesis 3:15

Warmimpi jumampisti wiñayaw timasipxäta, uka warmin wawanakapampi, juman wawanakamampis timasipxarakiniwa. Warmin wawapasti p'iqit takxatätam, jumasti kayu wintut achjarakïta —sasa.

Génesis 49:10

Janiw khitis Judá markarux ch'amanïñ kankañap apaqkaniti, janirakiw khitis jilïr kankañ thujrupsa amparapat apaqkaniti, aka uraqpachar apnaqkani uka chiqpach reyin jutañapkama.

Lucas 24:27

Ukatsti kawkha chiqanakantix Qillqatanakan jupa tuqit parlkän uk jupanakar qhanañchäna, Moisesan qillqatapat qalltasina, profetanakan qillqatapar puriñkama.

Juan 1:45

Felipesti Natanaelar thaqhiriw saräna, ukat sarakïna: —Moisesax khitittix kamachin qillqkäna, profetanakas qillqkarakïna juparuw jikxatapxta. Ukasti Nazaret markankir Josean yuqap Jesusawa, —sasa.

Juan 5:47

Ukampis janitix Moisesan qillqatapar iyawsapksta ukaxa, ¿kamisarak nayan arunakaxar iyawsapxasmasti?” sasa.

Hechos 26:22

Ukampis Diosan yanapapampix jichhakamaw juparux jan pächasis arkaskta, Diosan arunakap jisk'arus jach'arus, taqinir yatiyasa. Janiw kunapachas yaqha arunak parlkti, jan ukasti, kunanaktix profetanakax yatiyapkäna, Moisesas yatiykarakïna qhipa urunakan phuqhasiñapäki ukanakxat yatiyarakta:

Romanos 10:4

Kamachisti Cristompiw tukusxi, ukhamat taqinis iyawsäwi tuqi aski jaqit katuqatäpxani.

Gálatas 2:19

Kamachi tuqinxa, uka pachpa kamachi laykuw jiwatäxta, Diosatak jakañaxataki.

Gálatas 3:10

Ukampis kamachin luräwipar alkatirinakax, ñanqhachatäpxiwa. Qillqatansti akham siwa: “Kamachin qillqatäki uka arunakarjam jan phuqhirinakax, ñanqhachatäpan” sasa.

Gálatas 3:13

Cristow kamachin ñanqhachäwipat qhispiyistu, jupax juchanakas laykuw ñanqhachäwi katuqi, Qillqatan akham siwa: “Taqi khititix mä lawaru warkkatat jiwki ukax, ñanqhachatäpan” sasa.

Gálatas 3:24

Ukhamasti kamachix yatichirir uñtataw irpawayistu, Cristor irpkatañkama, jupar iyawsatas layku Diosampi katuqatäñasataki.

Deuteronomio 18:15

“Tatit Diosamax jumanak taypit nayjam mä profeta sayt'ayarakini, juparuw jumanakax ist'apxäta.