Génesis 3:15 - Qullan Arunaca

¹⁵ Warmimpi jumampsti enemigo tucuyapjjäma, uqhamaraqui uca warmin wawanacapampi, wawanacamampisa enemigonïpjjaraquiniwa. Warmin wawapasti p'eket takjjatätam, jumasti cayut achjaraquïta —sasa.

Aymar Bibliia 1986

¹⁵ Warmimpi jumampsti enemigo tucuyapjjäma, uqhamaraqui uca warmin wawanacapampi, wawanacamampisa enemigonïpjjaraquiniwa. Warmin wawapasti p'eket takjjatätam, jumasti cayut achjaraquïta —sasa.

Qullan Arunaka DC

¹⁵ Warmimpi jumampisti wiñayaw timasipxäta, uka warmin wawanakapampi, juman wawanakamampis timasipxarakiniwa. Warmin wawapasti p'iqit takxatätam, jumasti kayu wintut achjarakïta —sasa.

Génesis 3:15 Jak'a apnaqawi uñst'ayäwi

Génesis 49:17

Dan ucasti mä catarir uñtatäniwa, thaqui jac'anacan liwisisqui, caballonacan cayupsa achjaraqui, caballon lat'jjatata jakerusa liwektayaraqui, uqhama.

Salmos 132:11

Tatitojj juramentompiw David chacharojj arsüna, uca arsutapatsti janiw may amtcaniti:

Isaías 53:12

Ucatwa Diosajj juparojj jach'a jilïrinac taypir utt'ayani, jach'a jilïri munañaninacampiw atipjäwinjja cusisiraquini, jiwañaru catuyasitap laycu, mä juchan jakëcaspas uqhama, ucampisa walja jakenacan juchanacap jupajj aparaquïna, juchararanacatwa arjjatasiraquïna.

Isaías 7:14

Tatitu quipcaw jumanacarojj mä chimpu churasipcätam: Uñtapjjam, mä tawakow usur jakeptata, mä yokall wawa wawachasiraquini, Emanuel sasaraquiw sutichani.

Jeremías 31:22

¿Cunapachcamas ucsa acsa sarnakäta, saranucut wawar uñtat marca? Naya, Tatitusti, aca orakenjja machakcamaqui lurta mä warmiw mä chacharojj munapayani.”

Daniel (hebreo) 9:26

Sojjta tunca payani semananaca pasatatsti, Tatitur catuyata jach'a jilïriruw jiwayapjjani. Jerusalén marcampi templompisti t'unjataw uñjasiraquini, cawquïri reyitejj jutcani ucanacan jakenacapaw t'unjaraquini. Tucuyäwisti janc'aquiw purinini, walja umanacjama, tucuycamawa nuwasiñanacasa, t'unjatäñasa utjaraquini, cawquïrinacatejj uqhamäñapatac arsutäqui ucanaca.

Amós 9:3

Carmelo kollu patarus imantasisipcpan, ucacamas sararaquiquïwa thakerejja; nayrakatajjattejja kota mankharu imantasipjjanejja, nayasti qhitaraquïwa mä jach'a lak'oru tucjaniñapataqui.

Miqueas 5:3

Jichhasti Tatitojj jupanquirinacarojj apanucuwa, ucampis cawquïr usur jake warmitejj utjqui ucan wawachasiñapcamaquiwa, ucatsti jaya marcar apanucuta israelitanacajj marca masinacapampiw tantacht'asjjapjjani.

Mateo 1:23

“Mä virgen warmiw usur jakeptani. Mä yokall wawa wawachasiraquini, sutipasti Emanuel sataraquïniwa” (ucasti sañ muni: “Diosajj jiwasampiwa”).

Mateo 1:25

Ucampis janiw wawanïñapcamajj chacha warmjam jacapcänti. Wawarusti JESÚS sasaw suticharaquïna.

Mateo 12:34

¡Catari casta jan wali jakenaca! ¿Cunjämsa jumanacajj sum parlapjjasmajj niyaquitejj jumanacajj jan walïpcsta ucajja? Jumanacajj arsupjjtawa cunatï chuymanacaman phokhantatäsqui ucanaca.

Mateo 13:38

yapusti aca orakewa. Suma jathäquis ucajja Diosan ajllit wawaparaquiwa, jan wali jathäqui ucasti supayan wawanacapäquis ucaraquiwa.

Mateo 23:33

“¡Jumanacajj catari casta jan wali jakenacäpjjtawa! ¿Cunjämrac jumanacasti uca infierno mutuyäwitsti jaltapjjätasti?

Mateo 3:7

Cunapachatejj Bautisiri Juanajj uñjcäna fariseonacaru, uqhamarac saduceonacarusa ucqhajj sänwa: “¡Jumanacajj catari casta jakenacäpjjtawa! ¿Qhitiraqui jumanacarusti yatichapjjtamsti Diosan jach'a colerasiñapat jaltañsti?

Marcos 16:18

amparanacaparusti catarinac wayjjarupjjani, venenonac umantasasa janiraquiw camachatäpcanisa. Usutanacarusti c'umaraptayapjjaraquiniwa, amparanacapamp lokjjatasa —sasa.

Lucas 1:76

Jumasti, munat wawa, Tatitun nayrakatap saräta, thac waquichasa, ucatwa alajjpach Diosan profetap satäyätajja,

Lucas 10:19

Nayaw jumanacarojj ch'amjj churapjjsma catarinacjjaru, uqhamarac alacrananacjjaru tacjjatapjjañamataqui, uqhamarac uñisirin take ch'amaparu atipt'apjjañamataqui, janiraquiw cunas camachapcätamti.

Lucas 22:53

Cunapachatï nayajj sapürus templona jumanacampïscäyäta ucqhajja, janiw catuntapquistati, ucampis jichhajj horasanacamawa, cunapachatï ch'amacajj munañanïqui uca horasawa —sasa.

Lucas 24:27

Ucatwa amuyt'ayañ kallti jupa toket take kellkatanacajj parlqui ucanacata, Moisesan libropat kalltasina, profetanacan take kellkatanacapat yatjjatasa.

Juan 8:44

Jumanacan awquimajj Supayawa, jumanacajj Supayancapjjtawa. Cuntejj jupajj munqui ucwa lurapjjaractajja. Supayajj kalltatpacha jake jiwayiriwa. Janiw cunapachas jupajj chek parlquiti, jupajj c'arïtap laycu. Cunapachatejj c'arinac parlqui ucqhajja jupatacwa parlasqui, c'arïtap laycu, uqhamarac c'arin awquipätap laycuraqui.

Hechos 13:10

Ucatsti saraquïnwa: —¡Take sallkjañampi, jan walimpi, phokhantat supayan wawapa, cheka cancañ uñisiriraqui! ¿Cunats jumajj Tatitun suma cheka thaquip k'ewinucuñ munta?

Romanos 16:20

Samarañ churir Diosajja janc'aquiw supayarojj ch'usaru tucuyani, jumanacampi uca supayaru takjjatayasa. Jesús Tatitusajj jumanacarojj bendispan.

Romanos 3:13

Jupanacan mallk'anacapajj jist'arpayatawa sepulturar uñtata. Parlatanacapampejj sallkjapjjewa. Catarin venenopjamaraquiw jupanacan lacanacapanjj utji.

Gálatas 4:4

Ucampis cunapachatejj tiempojj phokhasiwayjjejja, Diosajj Yokapwa qhitani mä warmi toke yurisa, mä judío jakjamaw leyir phokhasa jacaraquïna.

Efesios 4:8

Ucatpï kellkatanjj sejja: “Alajjpacharuw maqhati, presonac irpt'ata, ucatsti churäwinacracwa jakenacarojj churi” sasa.

Colosenses 2:15

Tatit Jesucristo tokew Dios Awquejj take ajayunacan ch'amanacaparojj atipjawayi. Khanpacharacwa mä p'enka jupanacarojj jisc'achjawayi, presöpcaspas uqhama jupan atipjatapampi apasina takenin uñjcata.

Hebreos 2:18

Camistejj jupa pachpa t'akhesiwayi, uqhamarac yant'at uñjasiwayquejja, ucatwa jichhajj yanapt'araquispa qhitinacatejj yant'ar puripqui ucanacarojja.

Hebreos 5:7

Cunapachatï Cristojj oraken jacascän ucqhasti, jach'atwa oracionanacsa wali achict'añampi luräna, Diosaru wali jacht'asisaraqui, qhititejj jiwañat khespiyañataquis ch'amanïcäna ucaru; Diosasti ist'änwa Dios chuymätapata.

1 Juan 3:10

Uqhamatwa yatisi qhitinacas Diosan wawanacapajja, qhitinacaraquis Supayan wawanacapäcaraquis ucajja. Cawquïritejj jan asqui lurquejja, uqhamarac jan jilaparus munasqui ucajja, janiw Diosancquiti.

1 Juan 3:8

Qhititejj juchan sarnakqui ucasti Supayanquiwa, Supayasti juchararawa kalltäwitpacha. Diosan Yokapasti Supayan luratanacap t'unjiriwa jutejja.

1 Juan 5:5

Qhititejj Jesusarojj Diosan wawapata iyawsquejja, ucaquiw acapacharojj atipjaspajja.

Apocalipsis 12:17

Uc uñjasasti dragonajj wal colerasïna, ucatsti warmin mayni wawanacapampi nuwasiriw saräna, qhitinacatejj Diosan camachiparu jaysapqui, uqhamarac Jesucriston arunacaparus jaysapcaraqui ucanac contra.

Apocalipsis 13:7

Diosan wawanacapampi nuwasiñataquis munañanïñajj churataraquïnwa atipjañapcama, uqhamaraquiw take jakenacjjaru, marcanacjjarusa cunayman parlani jakenacjjarus wali munañaniraquïnwa.

Apocalipsis 2:10

Cuna t'akhesiñanacatï jumjjaru jutcani ucanacatjja jan ajjsaramti. Supayasti jumanacat mä yakhepanacarojj carcelaruw apayani, take jumanacasti wali yant'atäpjjaraquïtawa. Tunca ururaquiw t'akhesipjjäta. Ucampis jiwañcamatejj arcascaquïta ucapachasti, nayasti jacañ corona churäma.

Apocalipsis 20:10

Sallkjir Supayasti nina asufre kotaru jakontatänwa, cawqhanccäntï c'ari profetampi uca jach'a ajjsarcañ animalampejj ucaru. Ucanwa uruy aruma t'akhesipjjani wiñayan wiñayapataqui.