Juan 11:54 - Qullan Arunaca

Uc yatisin Jesusajj janiw judionac taypin khan sarnakcjjänti, jan ucasti Judeatjj mistuwayjjänwa, ucatsti wasar jac'ancquis uca Efraín sat marcaruw sarawayjjäna. Ucanwa discipulonacapampi kheparapjjäna.

Aymar Bibliia 1986

Uc yatisin Jesusajj janiw judionac taypin khan sarnakcjjänti, jan ucasti Judeatjj mistuwayjjänwa, ucatsti wasar jac'ancquis uca Efraín sat marcaruw sarawayjjäna. Ucanwa discipulonacapampi kheparapjjäna.

Qullan Arunaka DC

Uk yatisin Jesusax janiw judionak taypin qhan sarnaqkxänti, jan ukasti, Judea chiqat wasar jak'ankkis uka Efraín sat markaruw sarxäna. Ukan yatiqirinakapamp qhiparäna.

Juan 11:54 Jak'a apnaqawi uñst'ayäwi

2 Samuel 13:23

Pä mara pasjjatatsti, Absalonan jakenacapan Baal-hazor sisqui uca chekan ovejanacapat t'awra yawisipcäna, ucasti Efraín marca jac'ancaraquïnwa; Absalonasti reyin take wawanacaparuw mank'añataqui jawsayaraquïna.

2 Crónicas 13:19

Abiam reyejj Jeroboam reyirojj arctänwa, ucatsti aparänwa Bet-el, Jesana, Efraín uca marcanaca jisc'a marcanacapamppacha.

Juan 10:40

Ucatsti Jesusajj cutt'awayjjänwa Jordán jawirat inti jalsu tokeru, ucaruraquiw kheparjjäna, cawquintejj Bautisir Juanajj bautiscatayna ucawjaru.

Juan 18:20

Jesusasti juparojj sänwa: —Nayajj jakenacarojj takenin uñjcataw parläyäta, sinagoganacan yatichasa, uqhamarac templonsa; uqhamajj janiw cuns nayajj jamasan yatichcti.

Juan 7:1

Uca pasatatsti, Jesusajj Galilea tokenacanwa sarnakascäna, janiw Judeancañ muncänti ucanjj judionacajj jiwayañ munapjjatap laycu.

Juan 7:10

Jilanacap sarjjepansti, Jesusajj fiestarojj sararaquïnwa, jaken jan uñjcata.

Juan 7:13

Ucampis judionacar ajjsarañatjja janiw qhitis Jesusjjat khan parlcänti.

Juan 7:4

Maynitejj uñt'ayasiñ munchejja, janiw jamasanacan cunanacs lurquiti. Acanactejj lurstajja, take jakenacan nayrakatan luram.