Juan 7:1 - Qullan Arunaca

¹ Uca pasatatsti, Jesusajj Galilea tokenacanwa sarnakascäna, janiw Judeancañ muncänti ucanjj judionacajj jiwayañ munapjjatap laycu.

Aymar Bibliia 1986

¹ Uca pasatatsti, Jesusajj Galilea tokenacanwa sarnakascäna, janiw Judeancañ muncänti ucanjj judionacajj jiwayañ munapjjatap laycu.

Qullan Arunaka DC

¹ Uka qhipatsti, Jesusax Galilea tuqinakan sarnaqäna. Janiw Judeankañ munkänti ukan judionakan jiwayañ munapxatap layku.

Juan 7:1 Jak'a apnaqawi uñst'ayäwi

Mateo 10:23

Cunapachatejj mä marcanjja uñisisa arcnakapjjätam ucqhajja, yakha marcaru jaltjjapjjam. Jichhasti khanacwa sapjjsma, janïra take Israel marcanac muytapcätas ucqhaw Jaken Yokapajj jutani.

Mateo 21:38

Yokapar uñjasasti yapuchirinacajj aqham sapjjänwa: ‘Acajjay herencia catokerejja. Jupajjay aca yapu herenciat catokchinejja. Jiwayapjjañäni ucat jiwasanac yap catusjjañäni’ sasa.

Marcos 11:18

Jilïr sacerdotenacampi, ley yatichirinacampisti, ucanac ist'asinjja jiwayañ munapjjäna. Jesusarusti ajjsarapjjänwa, jupan yatichäwipata jakenacan muspharapjjatap uñjasina.

Juan 1:19

Jerusalenanquir judionacajj qhitapjjänwa sacerdotenacampiru levitanacampiru Juanan ucaru, qhitïpachasa uc jisct'añataqui.

Juan 4:3

Uc yatisinjja Jesusajj Judeat Galilearuw cuttawayjjäna.

Juan 4:54

Acampejj Jesusajj pä cutiw milagro lurjjäna, cunapachatejj Judeat Galilearu cutt'ancäna ucqhajja.

Juan 6:1

Uca pasatatsti Jesusajj sarawayjjänwa Galilea kotat mayscataru, uca kotasti Tiberias sataraquiwa.

Juan 7:11

Judionacajj thakapjjänwa: —¿Cawquincaracpacha uca jakejja? —sasa.

Juan 7:13

Ucampis judionacar ajjsarañatjja janiw qhitis Jesusjjat khan parlcänti.

Juan 7:19

Chekpachansa Moisesaw ley churapjjtamjja. Ucampis janiw jumanacatjja maynis uca leyjj phokhapctati. ¿Cunats jiwayañ munapjjesta? sasa.

Juan 7:25

Ucatsti Jerusalenan yakhep utjasirinacaw parlaquipasiñ kalltapjjäna: —¿Janit acäqui jiwayañatac thakapqui ucajja?

Juan 7:35

Uc ist'asinsti judionacajj jupanac puraw jisct'asiñ kalltapjjäna: —¿Cawquïrurac sarjjpachänisti jiwasanacan jan jicjjatañataquisti? ¿Griegonaca taypincqui uca mayni judionacan ucarut sarpachäni griego jakenacar yatichiri?

Juan 8:37

Nayajj yattwa jumanacajj Abrahaman wawanacapäpjjatama, ucampis jumanacajj jiwayañ munapjjesta, arunacajj jan catokapjjatam laycu.

Juan 8:40

Cuntejj Diosajj nayaru yatichquitu ucaracwa jumanacarojj sapjjsma, jumanacasti uc satajjatacwa jiwayañ munapjjesta. ¡Abrahamajj janiw cunapachas uqham lurcänti!

Hechos 10:38

Yatipjjaractawa cunjämtejj Diosajj Nazaretanquir Jesusar Kollan Ajaysa, uqhamarac ch'amsa churcäna ucjja. Uqhamaraquiw yatipjjtajja cunjämtï jupajj sarnakcäna, asquinac lurasa, usutanacar c'umarachasa, uqhamarac supayan munañapan t'akhesiyatäcän ucanac c'umarachasaraqui. Tatit Jesusajj Diosampïtap laycuw take ucanacjja luräna.