Juan 18:20 - Qullan Arunaca

²⁰ Jesusasti juparojj sänwa: —Nayajj jakenacarojj takenin uñjcataw parläyäta, sinagoganacan yatichasa, uqhamarac templonsa; uqhamajj janiw cuns nayajj jamasan yatichcti.

Aymar Bibliia 1986

²⁰ Jesusasti juparojj sänwa: —Nayajj jakenacarojj takenin uñjcataw parläyäta, sinagoganacan yatichasa, uqhamarac templonsa; uqhamajj janiw cuns nayajj jamasan yatichcti.

Qullan Arunaka DC

²⁰ Jesusasti juparux sänwa: —Nayax taqinin uñjkataw parläyäta, sinagoganakana, Tatitun utapan yatichasa; janiw nayax kuns jamasat yatichkti.

Juan 18:20 Jak'a apnaqawi uñst'ayäwi

Salmos 22:22

Nayasti jilanacajjaruw jumat yatiyä, tantachasïwinacapan jach'ar aptäma.

Salmos 40:9

Marcam taypin khespiyäwimat yatiyta; Tatay, jumaquiw yattajja, janiw amuct'atajjajj utjquiti.

Isaías 45:19

Nayajj janiw cunsa jamasat parlcti, janiraquiw ch'amac c'uchunacansa parlcti. Janiraquiw Jacobon wawanacaparojj siscti: ‘Cawqhantejj jan cunas utjqui uca chekan thakapjjeta’ sasa. Naya Tatitojj, chekacpunwa parltjja, cunatejj chekapäqui uca arsuractjja.

Isaías 48:16

Jac'achasinipjjam nayan ucaru, ucat ist'apjjeta: Kalltatpach nayajj janipuniw cunsa jamasat parlcti; cunapachatejj take acanacajj lurascän uqhasti nayajj ucancascäyätwa. Jichhasti naya Tatituw ch'amajj churta, nayaraquiw qhitta.”

Mateo 24:26

Jumanacarutejj sapjjätamjja: ‘Cristojj wasaranquiwa’ sasajja, jan sarapjjamti, jan ucajja: ‘Aca uta mankhenquiw’ sasa, ucarojj jan iyawsapjjamti.

Mateo 26:55

Jesusasti jakenacarojj saraquïnwa: —¿Jumanacajj espadanacampi, lawanacampiti nayar catuntirejj jutapjjtajja, nayajj wali jach'a lunthatäquirist uqhama? Take urunacawa nayajj jumanacampi kont'atäsquirïta templo mankhana yatichasa, janiw cunapachas preso catuntapquistati.

Mateo 26:65

Sacerdotenacan jilïripasti mayjt'asiñatjja isip ch'iyanokasïna, saraquïnwa: —Aca jakejj Diosaruw jisc'achi uca arsutapampejja. ¿Cunat juc'amps jupat yakha testigonacajj khanañchaspa? Jumanacajj ist'apjjtawa uca ñankha arunacjja.

Mateo 4:23

Jesusasti ucürunacanjja, Galilea tokenacanwa sinagoganacan Diosan khespiyasiñ arunacap yatiyasa sarnakäna, uqhamarac jakenacarus take usutanacapat c'umaraptayasa.

Mateo 9:35

Jesusasti ucapachajj take uca marcana, jisc'a marcanacansa yatichasaw sarnakäna, uqhamarac sinagoganacansa sapa chekana Diosan khespiyasiña arunacapat khanañchasaraqui, take casta usutanacsa c'umarachasaraqui.

Marcos 8:32

Ucsti Jesusajj khanpach arsüna. Ucatsti Pedrojj yakhawjar irptasinwa juparojj tokenokäna.

Lucas 21:37

Jesusajj sapa uruw templon yatichirïna, arumasti Olivos sat kolluruw sarjjerïna ucan khantatiñataqui.

Lucas 4:15

Sapa marcansa sinagoganacanwa yatichäna. Takeniraquiwa juparojj yupaychapjjäna.

Juan 18:21

¿Cunatsa nayaru jisct'ista? Jisct'amay qhitinacatejj nayaru ist'quitu ucanacaru, jupanacay sapjjpan cuntejj yatichcäyät uca. Jupanacajj yatipjjewa cuntejj parlcäyäta ucjja —sasa.

Juan 6:59

Jesusajj acanacjja jakenacarojj Capernaum sinagoganwa yatichäna.

Juan 7:14

Chica fiestancjjapjjänwa, uqhamaruw Jesusajj templor mantäna, ucatsti yaticharaquïnwa.

Juan 7:26

Acajjay jakenacan uñjcataw parlasqui, janiraquiw qhitis cuns sisquiti; jan ucajj ¿autoridadanacajj chekacha aca jakerojj Cristötapa iyawsapjjpachajja?

Juan 7:28

Ucanac ist'asajj Jesusajj templon yatichcasinjja, jach'atwa arsüna: —¡Uqhamajj uñt'apjjestawa, yatipjjaractawa cawquit jutatajjsa! Ucampis janiw nayan munañajjat jutcti, jan ucasti nayajj juttwa chekpachansa maynin qhitanita, ucarusti jumanacajj janiw uñt'apctati.

Juan 7:4

Maynitejj uñt'ayasiñ munchejja, janiw jamasanacan cunanacs lurquiti. Acanactejj lurstajja, take jakenacan nayrakatan luram.

Juan 8:2

Khepürusti wali albat temploru cutt'anïna. Puripansti take jakenacaw jupar jac'achasipjjäna, Jesusasti kont'asisinwa yatichañ kalltäna.

Juan 8:26

Walja yakha sañanacajjaw utjasquitu, uqhamarac jumanacar juchañchañajjasa, ucampis qhititejj qhitanquitu ucajj chekac arsusquejja, nayajj cuntejj sisctjja acapacharu ucjja jupat ist'tjja —sasa.

Hechos 26:26

Acancascaraquiw rey Agripasa. Jupasti acanacjja asquiraquiw yatiscaraqui. Ucatwa jupan nayrakatapan jan ajjsaras acanacjja parlta. Yatiractwa jupan take acanacjja sum yatiscatapa, acanacasti janiw cawqui jamas c'uchunsa lurasquiti.