Juan 11:53 - Qullan Arunaca

⁵³ Uqhamajj ucürutpachawa jilïrinacajj Jesusar jiwayañ amtapjjäna.

Aymar Bibliia 1986

⁵³ Uqhamajj ucürutpachawa jilïrinacajj Jesusar jiwayañ amtapjjäna.

Qullan Arunaka DC

⁵³ Jach'a Tantachäwinkir jilïrinakasti, ukürut Jesusar jiwayañ amtapxäna.

Juan 11:53 Jak'a apnaqawi uñst'ayäwi

Génesis 37:18

Jupanacasti jayat jutquirwa Josearojj uñjapjjäna, ucatsti janïra jac'achasinquipanwa jiwayañ amtapjjäna.

Nehemías 13:21

Nayasti jupanacarojj tokenoktwa jupanacan perka nayräjjana iquipjjatapata, ucatsti saractwa: “Jumanacatejj wasitat uqham lurasipcaquïta ucajja catuntapjjämawa” sasa. Uca urutsti janiw samarañ uruna wasitat jutcjjapjjänti.

Nehemías 4:16

Uca horasata kalltasinjja chicata jakenacajja perka lurañancapjjänwa, uqhamaraqui chicat jakenacasti waquicht'atäsipcaquïnwa lanzanacani, jarc'akasiña escudonacani, flecht'aña arconacani, uqhamarac corazanacani. Jilïrinacasti wali yanapapjjäna Judänquir jakenacarojja,

Salmos 113:2

Tatitun sutipajj jach'ar aptatäpan, jichhasa, wiñayasa:

Salmos 2:2

Acapach reyinacajj mayachthapisipjjewa, jilïr jakenacajj mä amtañaruquiw puripjje: Tatitumpiru, ajllit reyipampir kallcatañataqui.

Salmos 31:13

Jakenacan c'achhat parlasitanacap ist'twa, take cunaw ajjsarayitu; mayar tuct'asaquiw nayar aynacht'ayañataquejj amuyt'apjje, ¡nayar jiwayañataquiw amtapjjaraqui!

Salmos 71:10

Timasirinacajjajj nayjjat parlasipjje, nayar jiwayañ munirinacajj jan walinac amtapjje.

Jeremías 38:15

Jeremiasasti saraquïnwa: —Nayatejj uca jisct'aru arusjjätäjja, ucapachajj reyejj nayarojj jiwayayitaniwa, uqhamaraqui mä cuna ewjja arunacsa churä ucqhasti janiraquiw ucarojj ist'quitaniti —sasa.

Jeremías 38:4

Ucatsti jilïrinacajj reyirojj sapjjaraquïnwa: “Aca jakerojj jiwayañawa, uqham parlatapampejja cawquïri soldadonacatejj marcar kheparapqui, cawquïri jakenacatejj aca marcancapqui ucanacaruw ch'ama thayjtayi. Aca jakejj janiw aca marcan asquipa munquiti jan ucasti aca marcan aynacht'añapwa thake” sasa.

Mateo 12:14

Fariseonacasti ucat mistusinjja sarjjapjjänwa, ucatsti Jesusaru jiwayañataquiraquiw amtapjjäna.

Mateo 16:21

Ucapachatpachwa Jesusajj discipulonacaparojj khanañchañ kalltäna jupan jiwäwipjjata. Saraquïnwa: —Jerusalenar sarañajjaw wact'itu, ucansti chuymani jilïrinacajj, uqhamarac sacerdotenacan jilïrinacapampi, ley yatichirinacampejj wal t'akhesiyapjjetani. Ucatsti jiwayapjjaraquitaniwa, ucampis quimsüru jiwatatsti jactawayjjäwa —sasa.

Mateo 22:46

Ucjjarojj janiw maynis cuna arusjjatañsa, ni mä arsa arscjjapjjänti. Ucürutpachwa jan qhitis juc'amp Jesusarojj jisct'cjjänti.

Mateo 26:4

Ucanwa Jesusar catuntañataquejja amtapjjäna c'arimpi, uqhamat jiwayañataqui.

Mateo 26:59

Sacerdoten jilïrinacapasti, uqhamarac chuyman jilïrinacasa, jach'a autoridadanacasa Jesús contra c'arimpi juchañchañwa thakapjjäna ucat jupar jiwayañataqui.

Marcos 14:1

Israelitanacan Pascua fiestapataquejj pä uruquejjänwa. Uca Pascua urunacansti jan levaduran t'ant'wa mank'apjjerïna. Jilïr sacerdotenacampi, ley yatichirinacampisti, cunjäm toketsa Jesusar catuntañ munapjjäna jupar jiwayañataqui.

Marcos 3:6

Fariseonacasti mistusinjja Herodesan arquirinacapampi parliriw sarapjjäna Jesusarojj cunjämats jiwayañataqui uca arust'iri.

Juan 11:47

Uc yatisinsti fariseonacampi sacerdotenacan jilïrinacapampejj Jach'a Tantachäwiruw jawsthapipjjäna, ucansti sapjjaraquïnwa: —¿Cuns lurañäni? Aca jakejj walja unañchanaca milagronacampwa luri.

Juan 12:10

Ucatsti sacerdotenacan jilïrinacapajj amtapjjaraquïnwa Lazarompir cuna jiwayaña,

Juan 7:1

Uca pasatatsti, Jesusajj Galilea tokenacanwa sarnakascäna, janiw Judeancañ muncänti ucanjj judionacajj jiwayañ munapjjatap laycu.

Hechos 5:33

Uc ist'asinjja, jilïrinacajj wal colerasipjjäna. Apostolonacarusti jiwayañwa munapjjaraquïna.

Hechos 9:23

Walja urunaca khepatsti, judionacajj Saulor jiwayañataquiw arust'apjje.