Jeremías 20:3 - Qullan Arunaca

Mä uru pasatatsti, cuna cepompi catuntatäcäntejj Jeremiasajj uca apakjjapjjañapataquiw qhitäna, ucapachasti Jeremiasajj sänwa: “Tatituw Pasur sutimjja Magor-misabib sat sutiru tucuyjjtam.

Aymar Bibliia 1986

Mä uru pasatatsti, cuna cepompi catuntatäcäntejj Jeremiasajj uca apakjjapjjañapataquiw qhitäna, ucapachasti Jeremiasajj sänwa: “Tatituw Pasur sutimjja Magor-misabib sat sutiru tucuyjjtam.

Qullan Arunaka DC

Mä uru saraqatatsti, Pashur sacerdotex Jeremiasar carcelat apsunipxañapatakiw mayïna, ukapachaw Jeremiasax säna: “Tatituw sutim mayjt'ayani. Pashur sutitxa Magor-misabib satäxätawa.

Jeremías 20:3 Jak'a apnaqawi uñst'ayäwi

Génesis 17:15

Diosasti Abrahamarojj saraquïnwa: —Sarai warmimajj janiw uqham sutinïcjjaniti. Jichhat ucsarojj Sara satäjjaniwa.

Génesis 17:5

janiraquiw Abram satäjjätati. Jichhat ucsarusti Abraham satäjjätawa, walja marcanacan awquipa tucuyäma uca laycu.

Génesis 32:28

Uqhamasti jakejj sänwa: —Janiw jichhajj Jacob satäjjätati. Sutimajj Israel satäjjaniwa, Diosampiw ch'ajjwtajja, uqhamarac jakenacampisa, ucatsti atipjtawa uca laycu —sasa.

Salmos 31:13

Jakenacan c'achhat parlasitanacap ist'twa, take cunaw ajjsarayitu; mayar tuct'asaquiw nayar aynacht'ayañataquejj amuyt'apjje, ¡nayar jiwayañataquiw amtapjjaraqui!

Isaías 8:3

Ucat kheparusti mayni profetisa warmimpiw chicta, jupasti warmejjäjjänwa. Usur jakeptjjaraquïnwa, mä yokall wawa wawachasiraquïna. Tatitusti saraquituwa: “Jichhajj Maher-salal-hasbaz sasa suticham.

Jeremías 19:2

Ucatsti Ben-hinom sisqui uca valleru sararaquim, C'allananac Puncu sisqui uca uñcatasiru, ucansti yatiyaraquim cuna arunactejj nayajj siscäma uca arunaca.

Jeremías 19:6

Ucatpï, jichhajj urunacajj purininejja aca chekajj jan juc'ampi Tofet satäjjañapataqui, ni Ben-hinom satäjjañapataquisa, jan ucasti Jiwarayañ valle satäjjaniwa. Naya Tatituw ucjja arsta.

Jeremías 20:10

Jakenacan jisc'at parlasitanacapsa ist'aractwa: “¡Take chekansa ajjsarañaquiw utjasqui!” “¡Jutapjjam, juchañchapjjañäni!” sapjjaraquiwa. Pachpa amigonacajjas suyt'apjjaraquiw nayan lanctasiñajj-jja. “Inas pantjasicchini; ucapachaw atipjasina juparojj phoksusiraquiñäni” sapjjaraquiwa.

Jeremías 29:29

Sofonías sacerdotesti Jeremías profetataquejj uca cartjja leet'arapiraquïnwa.

Jeremías 46:5

“¿Ucampisa, cunsa uñjtjja? Wali ajjsarasaw kheparu jittapjje. Guerran nuwasiri jakenacapasti atipjataw chhuqhunucjjapjje, jan khepar uñtasaw jalsuwayjjapjje. ¡Take chekansa ajjsarañaw phokhanti! Naya Tatituw ucjja arsta.

Jeremías 6:25

¡Jan pampa tokeru mistupjjamti. Jan thaquinacaru sarapjjamti! ¡Uñisirisajj wali armantatawa, take chekansa ajjsarañaquiw utji!” sasa.

Jeremías 7:32

Ucatwa jichhajj naya Tatitojj arsta, mä uruw purinini, cunapachatejj uca chekarojj janiw Tofet, Valle de Ben-hinom siscjjapjjaniti jan ucasti Jiwarayañ Valle sasaw sisjjapjjani. Tofet chekanwa jiwatanacarojj imjjapjjaraquini, jan juc'ampi orakejj imañataqui utjcjjatapata.

Lamentaciones 2:22

Jan walt'añanacsti ucsata acsatwa apayaniractajja, mä fiestarusa jutapcaspa uqhamaw purintanipjjaraquejja; Tatay, juman colerasiñama urunsti, janiw qhitis khespcaraquiti. Cawquïrinacarutejj nayajj uywcta, yatichcaracta, ucanacarusti uñisirinacaw jiwayawayjjaraqui.

Ezequiel 13:9

Cawquïri profetanacatejj c'ari unañchäwinac uñjapjje, uqhamaraqui c'ari profecía arunacsa parlapjjaraqui ucanac tokew nayajj sayt'ä, jupanacar mutuyañataquisti amparajj aytä. Israel marcajjan tantachasïwinacapansti janiw cuna parlañanacapas utjcaraquiniti. Sutinacapasti janiw israelitanacan listapan kellkatäcaniti, janiw israelitanacan orakenacaparus mantapcaniti. Ucapachaw jumanacajj yatipjjäta nayan Tatitütajja.’

Hechos 16:30

Ucspachaw jupanacar ankar irpsuwayasinjja jisct'asi: —Tatanaca, ¿cuna lurañajjas waquisi nayan khespiyasiñajjataquejja? —sasa.