Jeremías 46:5 - Qullan Arunaca

⁵ “¿Ucampisa, cunsa uñjtjja? Wali ajjsarasaw kheparu jittapjje. Guerran nuwasiri jakenacapasti atipjataw chhuqhunucjjapjje, jan khepar uñtasaw jalsuwayjjapjje. ¡Take chekansa ajjsarañaw phokhanti! Naya Tatituw ucjja arsta.

Aymar Bibliia 1986

⁵ “¿Ucampisa, cunsa uñjtjja? Wali ajjsarasaw kheparu jittapjje. Guerran nuwasiri jakenacapasti atipjataw chhuqhunucjjapjje, jan khepar uñtasaw jalsuwayjjapjje. ¡Take chekansa ajjsarañaw phokhanti! Naya Tatituw ucjja arsta.

Qullan Arunaka DC

⁵ “Ukampisa, ¿kunsa uñjtxa? ¡Egipcio soldadonakax qhiparuw jittapxi! Atipjata, axsarañampi phuqhantata, jan qhipar uñtasaw jaltxapxi. ¡Taqi chiqansa axsarañaw phuqhanti! Naya, Tatituw uk arsta.

Jeremías 46:5 Jak'a apnaqawi uñst'ayäwi

Génesis 19:17

Cunapachatejj marca ankäjjancjjapjjän ucqhasti, mä angelaw saraquïna: —¡Jaltjjam, khespiñamataqui! Janipun kheparojj uñtanipjjamti, janirac sayt'apjjamsa aca vallenjja. Kollu tokenacar jaltjjapjjam khespiña munsta ucapachajja —sasa.

Isaías 13:8

wali sustjataw kheparapjjaraquini. Mä jach'a t'akhesiñampi, llaquisiñampiw jupanacarojj jutaraquini, wawachasiri warmjamaw aykoñampi k'ewisipjjaraquini. Jupanaccamaw sustjata uñcatasipjjaraquini, p'enkasiñatsa ajanunacapajj naqharaquiniwa.

Isaías 19:16

Uca urunjja Egipcio jakenacajj warminacjamaw tucjjapjjani, wal ajjsarapjjani qhathatipjjaraquiniwa take ch'amani Tatitur jupanac toke sartir uñjasajja.

Isaías 42:17

Yakha diosanacar alcatasirinacasti, uqhamaraqui uca diosanacar: “Jumanacäpjjtawa nanacan diosajjajj” sirinacasa, p'enkapatjja jayaruw sarjjapjjani.

Isaías 5:25

Ucatwa Tatitojj marcapataquejj k'apisïnjja, amparapsa aytaraquïnjja mutuyañataqui. Kollunacasti qhathatipjjänwa, jake jiwatanacasti callenacan t'unar uñtat jaktatäpjjaraquïnwa. Uqhamäquipansa, Tatitun colerasiñapajj janiw t'akt'quiti; jichhas jupajj arusiscaquiwa.

Jeremías 20:10

Jakenacan jisc'at parlasitanacapsa ist'aractwa: “¡Take chekansa ajjsarañaquiw utjasqui!” “¡Jutapjjam, juchañchapjjañäni!” sapjjaraquiwa. Pachpa amigonacajjas suyt'apjjaraquiw nayan lanctasiñajj-jja. “Inas pantjasicchini; ucapachaw atipjasina juparojj phoksusiraquiñäni” sapjjaraquiwa.

Jeremías 46:15

¿Cunatsa Apis sat orko ajjsarcañ vacamajj jaljjejja? ¿Cunatsa jan sayt'asïnjja? Naya Tatituw juparojj liwinuctjja.

Jeremías 46:21

Pagata soldadonacapasti, pokoyat vaca kallunacjamäpjjaraquiwa, ucampisa jupanacajj jalacamaquiw mistuwayjjapjjani, janiraquiw sayt'asiñataquejj ch'amanïpcaniti, t'unjatäñapa urusti puriniwa, mutuyatäña horasapasa puriniraquiwa.

Jeremías 49:29

Carpanacapsa, uywanacapsa, lonanacapsa take yänacapsa catuntasipjjaraquim. Camellonacapsti anarapjjam, art'apjjaraquim: ‘Take chekansa ajjsarañaquiw utjasqui’ sasa.

Jeremías 49:5

Jichhajj waliquiwa, nayaw jumanacjjarojj jan walt'añanac take toket apayanï. Naya take ch'amani Tatituw ucjja arsta. Jumanacatjja sapa mayniw jalacamaqui mistuwayjjapjjani, janiw jumanacaru qhiti tantachthapiris utjcaraquiniti.

Jeremías 6:25

¡Jan pampa tokeru mistupjjamti. Jan thaquinacaru sarapjjamti! ¡Uñisirisajj wali armantatawa, take chekansa ajjsarañaquiw utji!” sasa.

Ezequiel 32:10

Juma laycusti walja marcanacanwa cunayman ajjsarañanaca sartayaraquëjja; reyinacapas wali mulljataw uñjasipjjaraquini, cunapachatejj nayajj espadajj jupanac nayrakatan qhiwtcä ucapachajja. Cunapachatejj jumajj aynacht'cäta ucapachasti, jupanacajj jiwañar ajjsarasaw qhathatipjjaraquini.

Ezequiel 39:18

Soldadonacan aychanacapwa mank'apjjani, marca apnakerinacan wilapwa umapjjaraquini, oveja aychäcaspas uqhama, jan ucajj Basán sisqui ucsa tokenquir liq'i cabritonacana, orko vacanacan aychapäcaspas uqhama.

Nahúm 2:8

Cunjämatejj uma chacatajj phallejja, uqhamaw Nínive marcan utjirinacajj jaltjjapjje. ‘¡Suyt'apjjam! ¡Cuttanipjjam!’ sasaw art'apjjaraqui, ucampis janiw maynis cuttanquiti.

Nahúm 2:9

¡Kollksa lunthatsupjjam! ¡Korsa lunthatsupjjaraquim! ¡Nínive marcan kamir cancañapasti jan tucusquiriwa!

Sofonías 1:14

“Jac'anquiwa Tatitun qhä jach'a urupajja. ¡Jac'anquiwa uca urojj, janc'aquiw puriniraquini! Tatitun jutäwip urusti wali jachañ urüniwa, jach'a ch'aman jakenacas ajjsarañat wararipjjaniwa.