Jeremías 46:6 - Qullan Arunaca

⁶ ¡Wali jalirinacajj janiw jaltjjañataquejj ch'amanïpquiti, janiraquiw jaltañataquejj chamanïpquiti jan ajjsariri jakenacasa! Amsta tokenwa, Eufrates jawir jac'ana lanctasipjje, liwirtapjjaraqui.

Aymar Bibliia 1986

⁶ ¡Wali jalirinacajj janiw jaltjjañataquejj ch'amanïpquiti, janiraquiw jaltañataquejj chamanïpquiti jan ajjsariri jakenacasa! Amsta tokenwa, Eufrates jawir jac'ana lanctasipjje, liwirtapjjaraqui.

Qullan Arunaka DC

⁶ ¡Janiw wali jaltirinakasa jaltxañatakix ch'amanïpkiti, janirakiw jan axsariri jaqinakas jaltxañatakix ch'amanïpkiti! Amsta tuqina, Éufrates jawir jak'an lanktasisaw liwisipxi.

Jeremías 46:6 Jak'a apnaqawi uñst'ayäwi

2 Reyes 23:29

Jupan urunacapansti Egiptonquir faraón Necao sat reyejja, Eufrates sat jawiraruwa saräna Asiria marcanquir reyiru yanapañataqui. Josías reyisti jupar jicjjatiriw mistüna, ucampis Meguido sat chekanwa Necao sat faraonajj jupar uñjasinjja jiwayäna.

2 Reyes 24:7

Ucat ucsarusti Egiptonquir reyejj janiw wastatampi orakepata mistuncjjänti, Babilonianquir reyiwa take orake catuntasjjäna, Egipto jawirata, Eufrates jawircama uca laycu.

Salmos 27:2

Ñankha lurir jakenacasa, timanacajjas mayachthapisipjjewa, nayar chhucjjatasin jiwayañataqui; ucampis jupanacaquiw lanctasjjapjje, tincjjapjjaraqui.

Eclesiastés 9:11

Aca orakenjja yakhampwa uñjta, t'ijuñanjja janiw wali t'ijurinacapuniti atipt'apquejja, jan ajjsaririnacapunisa nuwasïwina atipjapquejja; janiw yatiñanïpqui ucanacapuniti t'ant'anïpquejja, ch'iqhinacapuniti kamirïpquejja, suma yatichatanacapunisa suma catokatäpquejja; jan ucasti horasajj jan walt'añajj takeniruw puri.

Isaías 8:15

Waljaniw liwisipjjani, tincupjjani, jiwapjjaraquini. Waljaniw uca sipitarojj jalt'apjjani, uca sipitan catuntataraquiw uñjasipjjaraquini.”

Jeremías 1:14

Ucat Tatitojj saraquituwa: “Amsta toketpachwa jan walt'añanacajj aca marcan utjir jakenacjjarojj wartasini.

Jeremías 20:11

Ucampisa, Tata, jumajj nayampïsctawa, jan atipjcaya guerran nuwasir jakjama; nayar arcnakerinacasti liwisipjjaniwa, janiw atipjañatac ch'amanïpcaniti, aynacht'apjjaniwa, mä p'enkaw uñjasipjjaraquini, wiñayataqui mä jach'a p'enkachjäwimpi imjjatata.

Jeremías 25:9

Jichhajj amsta tokenquir take marcanacaruw jawsayä, uqhamaraqui Nabucodonosor sirvirejjarusa, jupasti Babilonia oraken reyipawa, jupanacajj jutasin aca marcaru nuwjapjjañapataqui, take jakenacaru uqhamaraqui take jac'anquir marcanacarusa. Ucanacarusti k'alpunwa t'unjäjja. Jupanacarusti wiñayataqui t'unjataruw tucuyä, sustjascaña, ajjsarcañwa tucuyaraquëjja.

Jeremías 4:6

Wiphaljja Sión toker uñtata aytapjjam; ¡imantasiñ chekanac thaktapjjam, jan suyapjjamti! Jichhasti amsta toketwa jach'a t'akhesiñanacampi, tucjatäñampi apayanëjja uca laycu.

Jeremías 46:10

Aca urusti take ch'amani Tatitun urupawa, aca urunsti uñisirinacapatwa phoksusiraquini. Espadasti sist'asiñcamaw chhojjriñchjaraquini, wilampis machjascaspa uqhama. Tatitusti amsta tokenwa jiwarayaraquini, Eufrates jawira jac'ana.

Jeremías 46:12

Marcanacasti jisc'achjatätamjja yatjjapjjaraquiwa, take acapachanwa arnakasitamajj ist'asiraqui; guerran nuwasirinacasti jupanaccamaquiw thokthapisjjapjje, ucatsti mayaquiraquiw oraken korumnakjjapjje.”

Jeremías 46:16

Soldadonacamasti lanctasisin liwirtapjje, maynit maynicamaw sasipjjaraqui: ‘¡Acat sarjjañäni, marcasaru cuttjjañäni, cawqhantejj nasctan uca orakeru! ¡Guerran nuwasiñanacatsti jaltawayjjaraquiñäni!’ sasa.

Jeremías 50:32

Ñankha marca, lanctasisinjja liwisiraquïtawa, janiw qhitis waytcaraquïtamti. Take marcanacamsti ninampiw phichcataraquï, uca ninasti take uca jumar muytata chekanacwa k'ala naqhantaraquini.”

Jeremías 6:1

¡Benjamín token utjir jakenaca! ¡Imantasiñ thaktapjjam, Jerusalenat jaltjjapjjam! Tecoa chekansti trompeta phust'apjjam, Bet-haquerem chekansti mä chimpu sayt'ayapjjam, mä jach'a jan walt'añampi, mä jach'a aynacht'añampiw, amsta toket ajjsarañapa churasinqui.

Daniel (hebreo) 11:19

Ucqhatwa reyejj marcapan utanacaparu sarjjaraquini, ucampisa mä jan walt'añampiw jiquintasini, ucansti jiwayataw uñjasiraquini, ucatsti uca reyitjja janiw mayampsa ist'ascjjaniti.

Daniel (hebreo) 11:22

Qhitinacatejj jupataqui sayt'apcani ucanacarusti k'alwa t'unjaraquini, arust'äwiru mantatäcän ucan jilïriparusa jiwayaraquiniwa.