Jeremías 20:10 - Qullan Arunaca

¹⁰ Jakenacan jisc'at parlasitanacapsa ist'aractwa: “¡Take chekansa ajjsarañaquiw utjasqui!” “¡Jutapjjam, juchañchapjjañäni!” sapjjaraquiwa. Pachpa amigonacajjas suyt'apjjaraquiw nayan lanctasiñajj-jja. “Inas pantjasicchini; ucapachaw atipjasina juparojj phoksusiraquiñäni” sapjjaraquiwa.

Aymar Bibliia 1986

¹⁰ Jakenacan jisc'at parlasitanacapsa ist'aractwa: “¡Take chekansa ajjsarañaquiw utjasqui!” “¡Jutapjjam, juchañchapjjañäni!” sapjjaraquiwa. Pachpa amigonacajjas suyt'apjjaraquiw nayan lanctasiñajj-jja. “Inas pantjasicchini; ucapachaw atipjasina juparojj phoksusiraquiñäni” sapjjaraquiwa.

Qullan Arunaka DC

¹⁰ Jaqinakan jisk'at parlasitanakapsa ist'araktwa: “¡Taqi chiqansa axsarañakiw utjaski!” sasa. “¡Jutapxam, juchañchapxañäni!” sapxiwa. Pachpa masinakaxas nayan pantjasiñax suyt'apxi. “Inas sallqjayaschini; ukat atipjañäni, jupatsa phuqsusirakiñäni” sapxarakiwa.

Jeremías 20:10 Jak'a apnaqawi uñst'ayäwi

1 Reyes 19:2

Ucatsti Jezabel warmejj mä yatiyirwa Eliasan ucaru qhitäna yatiyaniñapataqui, aqham sasa: “¡Jumatejj Eliasästajja, nayajj Jezabelaraquïtwa! Ucatsti diosanacajj nayarojj walipuni mutuyitpan, kharürojj janitejj aca pachpa horasaru jumar lurcaraquïma, cunjämtï uca profetanacampi lurctajja uqhama ucqhajja” sasa.

1 Reyes 21:20

Acab reyisti Eliasarojj sänwa: —¡Uqhamasti! ¿Juma uñisirejjati nayar jicjjatista? —sasa. Ucjjarusti Eliasajj sänwa —Jïsa, jumarojj jicjjatsmawa. Jumasti jan wali luräwinacacwa Tatitun nayrakatapanjja lurtajja.

1 Reyes 22:27

Sapjjätawa: “Reyejj aqham siwa: ‘Carcelaru uchantapjjam, ucatsti juc'acwa t'ant'sa, umsa churapjjäta, nayan cutt'aniñajjcama sumaqui jan camacht'ata’ ” sasa.

1 Reyes 22:8

Israelan reyipasti Josafat reyirojj sänwa: —Maynimpiw utjasqui, jupa tokewa Tatiturojj jisct'aracsna. Ucasti Micaías satawa, Imla sat chachan yokapa. Ucampis nayajj juparojj uñistwa, jupasti janipuniwa nayarojj sumanacjja yatiyquituti, jan ucasti jan walinacaqui yatiyitu —sasa. Ucatsti Josafat reyejj sänwa: —Jan uqham samti —sasa.

Job 19:19

Wali munata amigonacajjas apanucjjapjjetuwa, cawquïrinacarutejj nayajj wali muncta ucanacas uñisjjapjjetuwa.

Salmos 31:13

Jakenacan c'achhat parlasitanacap ist'twa, take cunaw ajjsarayitu; mayar tuct'asaquiw nayar aynacht'ayañataquejj amuyt'apjje, ¡nayar jiwayañataquiw amtapjjaraqui!

Salmos 31:14

Nayasti, Tatay, jumaruw take chuymamp alcatsma: “Jumaw nayan Diosajjätajja” saracsmawa.

Salmos 41:10

Tatay, nayat qhuyapt'ayasita, sartasiñajjatac yanapt'ita, amtäwinacaparjam nayan phoksuñajjataqui.

Salmos 41:9

Alcatañ uñt'at masejjamppacha, mank'añajjat mank'er jakemppachaw nayarojj ch'ojjñ luritu.

Salmos 57:4

Oraken jaknokataw uñjasta, jake mank'an leonanac taypinjam jicjjatasta; laca ch'aqhanacapajj lanzanacjam, mich'inacjamawa, lajjrapajj ari espadar uñtataraquiwa.

Proverbios 10:18

Qhititï uñisirïtapa imt'asqui ucajja, c'ariwa; qhititï ch'ajjwanaca aptqui ucasti, jan amuyt'aniwa.

Isaías 29:21

jake jiwayat c'arintirinacasti juezanacarojj sipitanac uchapjje, jan juchanirusti c'arimpiw juchañchapjjaraqui.

Jeremías 1:19

Jupanacajj walpun juma tokejj sayt'asipjjani, ucampis janiw atipjapcätamti. Nayaw jumampïscäjja jumar imañataquejja. Ucsti naya Tatituw arsta” sasa.

Jeremías 11:19

Nayajj mä qhariñ ovejar uñtata sumaquïscäyätwa, janiraquiw naya toke amtapjjatanacapsa yatcäyätti. Sapjjaraquïnwa: “Jichhajj aca koka tincuyañäni, cunapachatejj wali suma ch'ojjñasqui ucapacha; aca jaquir jakenacan orakepatjja jiq'inucuñäni uqhamat jan qhitis mayampi amtasjjañapataqui.”

Jeremías 11:21

Anatot chekan jaquir jakenacarusti, cawquïrinacatejj nayar jiwayañ amtapquitäna, ucatsti sapjjaraquitänwa: “Jan Tatitun sutipjjaru juc'ampi parlcjjamti, uqhamatsti janiw jiwayapcämäti” sasa.

Jeremías 18:18

Jakenacasti sapjjaraquïnwa: “Jichhajj mä amtäwi lurañäni Jeremiasajj jan jiwasampëjjañapataqui. Jiwasaru yatichiri sacerdotenacajj utjascaniwa, amuyt'ani jakenacasa ewjjanacapa churañataquejj utjascapuniniwa, Diosan arunacapa yatiyiri profetanacas utjascapuniniwa. Jichhajj c'ari arunaca jupa toke arsuñäni uqhamat jiwayapjjañapataqui. Cuntejj jupajj sisqui uca arunacarusti janiraqui yäkañäniti” sasa.

Jeremías 20:3

Mä uru pasatatsti, cuna cepompi catuntatäcäntejj Jeremiasajj uca apakjjapjjañapataquiw qhitäna, ucapachasti Jeremiasajj sänwa: “Tatituw Pasur sutimjja Magor-misabib sat sutiru tucuyjjtam.

Jeremías 37:13

Ucampisa cunapachatï Benjamín sata puncu chekaru purcän ucapachasti mayni jakewa Erías sat sutini, qhititejj Selemiasan yokapäcäna, uqhamaraqui Hananías sat jaken allchhipäcaraquïna, ucajj guardianacan jilïrïpänwa, ucasti Jeremiasarojj catuntänwa aqham sasa: “¡Jumajj caldeo jakenacaruw maqhatjjätajja!” sasa.

Jeremías 6:25

¡Jan pampa tokeru mistupjjamti. Jan thaquinacaru sarapjjamti! ¡Uñisirisajj wali armantatawa, take chekansa ajjsarañaquiw utji!” sasa.

Ezequiel 22:9

Yakhepa jakenacamasti, c'arinac parlapjjatap laycojja juchanïpjjewa mayninacan jiwaratanacapatjja; cuna jach'a mank'äwinacatejj kollu patanacan utjqui uca c'ari diosanacar yupaychasina, uca mank'äwinacarusa sarapjjaraquiwa, ajjtascañanaca lurapjjaraqui.

Daniel (hebreo) 6:4

Ucatsti uca uñjirinacajja uqhamaraqui marca apnakerinacasa, cunaymanit Daniel chacharojj aynacht'ayañ thakapjjäna, janiw suma apnakerïquiti sasa aynacht'ayañataqui, ucampisa cunjämatejj Daniel jupajj chekapa jakënjja, janiw cunjämatsa juparojj aynacht'ayañ puedipcänti.

Lucas 20:20

Ucatsti uñakanac qhitapjjäna, ucanacajj cheka jakenacjam tucusina, cun sasins jupar pantjasiyañataqui ucat marca apnakerinacar catuyañataqui.

Hechos 24:13

Janiw aca jakenacajj khanañchapquitaspati take cunanacattï juchañchapquitu ucanacatjja.

Hechos 5:33

Uc ist'asinjja, jilïrinacajj wal colerasipjjäna. Apostolonacarusti jiwayañwa munapjjaraquïna.

Hechos 7:54

Cunapachatejj jilïrinacajj uca arunac ist'apcän ucqhajja, jupanacajj colerasipjjänwa Esteban contrajja, laca ch'aqhanacapsa t'urusipjjaraquïnwa.