Jeremías 20:10 - Qullan Arunaka DC

¹⁰ Jaqinakan jisk'at parlasitanakapsa ist'araktwa: “¡Taqi chiqansa axsarañakiw utjaski!” sasa. “¡Jutapxam, juchañchapxañäni!” sapxiwa. Pachpa masinakaxas nayan pantjasiñax suyt'apxi. “Inas sallqjayaschini; ukat atipjañäni, jupatsa phuqsusirakiñäni” sapxarakiwa.

Aymar Bibliia 1986

¹⁰ Jakenacan jisc'at parlasitanacapsa ist'aractwa: “¡Take chekansa ajjsarañaquiw utjasqui!” “¡Jutapjjam, juchañchapjjañäni!” sapjjaraquiwa. Pachpa amigonacajjas suyt'apjjaraquiw nayan lanctasiñajj-jja. “Inas pantjasicchini; ucapachaw atipjasina juparojj phoksusiraquiñäni” sapjjaraquiwa.

Qullan Arunaca

¹⁰ Jakenacan jisc'at parlasitanacapsa ist'aractwa: “¡Take chekansa ajjsarañaquiw utjasqui!” “¡Jutapjjam, juchañchapjjañäni!” sapjjaraquiwa. Pachpa amigonacajjas suyt'apjjaraquiw nayan lanctasiñajj-jja. “Inas pantjasicchini; ucapachaw atipjasina juparojj phoksusiraquiñäni” sapjjaraquiwa.

Jeremías 20:10 Jak'a apnaqawi uñst'ayäwi

1 Reyes 19:2

Ukat Jezabel warmix maynir khithäna Eliasar akham sañapataki: “Nayax jiwayämawa, kunjämtix jumax Baal diosan profetanakapar lurkta ukhama. Janitix qharür akapachax jumax jupanakjam jiwat uñjaskät ukaxa, diosanakax jan khuyapt'ayasis nayar jiwayitpan” sasa.

1 Reyes 21:20

Ahab reyisti Eliasarux sänwa: —Ukhamasti, ¿juma, uñisirixat nayar jikxatista? —sasa. Eliasasti sänwa: —Jïsa, jikxatsmawa. Jumax jan wali luräwinakak Tatitun nayraqatapan lurtaxa.

1 Reyes 22:27

Jupanakarusti sapxätawa: “Reyix akham siwa: ‘Carcelar uchantapxpan, mä jisk'a t'ant'ampi, mä juk'a umampik churapxpan, nuwasïwit nayan jan kamacht'at kutt'aniñaxkama’ ” —sasa.

1 Reyes 22:8

Israelan reyipasti Josafatar sänwa: —Mayniw utjaski, jupa tuqiw Tatiturux jiskt'araksna. Jupasti Micaías satawa, Imlá chachan yuqapawa. Ukampis nayax jupar walpun uñista, jupax janipuniw suma yatiyäwinak yatiykituti, jan ukasti jan walinakak yatiyitu —sasa. Josafat reyisti sänwa: —Jan ukham samti —sasa.

Job 19:19

Wali munata jilat masinakaxas uñisipxituwa; nayan wali munat masinakamppachaw apanukupxitu.

Salmos 31:13

13 (14) Jaqinakan nayxat parlasitanakap ist'ta: “Taqi chiqas axsarañan phuqhantatawa.” Mayar tukt'asakiw nayar aynacht'ayañatakix amtapxi; ¡nayar jiwayañatakiw amtapxaraki!

Salmos 31:14

14 (15) Nayasti, Tatay, jumaruw katuyassma; “¡jumaw nayan Diosaxäta!” saraksmawa.

Salmos 41:10

10 (11) Tatay, nayat khuyapt'ayasita; usuxat k'umaraptayita, ukat jupanakat phuqsusï.

Salmos 41:9

9 (10) Nayan munat masixamppacha, khitirutix alkataskäyät ukamppacha, khititix nayamp manq'kän ukamppachaw nayarux ch'uxña luritu.

Salmos 57:4

4 (5) Jaqnuqataw uraqin uñjasta, jaqi manq'an leonanak taypinjam jikxatasta; laka ch'akhanakapax lanzanakjama, mich'inakjamawa, laxrapax ari espadar uñtatarakiwa.

Proverbios 10:18

K'arisir jaqinakax janiw uñisisiñ chuymap uñacht'ayapkiti; pisi chuyman jaqinakasti, taqi kun parlapxi.

Isaías 29:21

k'ari jaqinakasti tukusxapxaniwa, ina ch'usat tumpantirinakas tukusipxaniwa. Khitinakatix jucha taripirinakar sipitanak uchapki, jan juchanirus k'arimpi juchañchapki ukanakas tukusxaniwa.

Jeremías 1:19

Jupanakax walpun juma tuqix sayt'asipxani, ukampis janiw atipjapkätamti. Nayaw jumampïskä jumar imañataki. Naya, Tatituw uk arsta” sasa.

Jeremías 11:19

Nayax mä khariñ ovejar uñtata aliqakiw ukankaskäyäta, janirakiw nayatak jan walinak amtapxatapsa yatkäyätti. Jupanakax sapxänwa: “Jichhax mä quqarjam tinkuyañäni, achunakapsa q'al tukjañäni; aka uraqin jakirinak taypitsa jik'inukuñäni, ukhamat khitis jupat jan mayampi amtasxañapataki” sasa.

Jeremías 11:21

Anatot chiqan jakir jaqinakarusti, kawkïrinakatix nayar jiwayañ amtapkäna ukanakax sapxarakitänwa: “Tatitun sutipxar jan juk'ampi parlkxamti, ukhamatsti janiw jiwayapkämäti” sasa.

Jeremías 18:18

Jaqinakasti sapxarakïnwa: “Jichhax Jeremiasar jan walt'ayañatak mä amtäwir puriñäni. Jiwasar yatichir sacerdotenakax utjaskaniwa, amuyt'an jaqinakas iwxanakap churañatakix utjaskaniwa, Tatitun arunakap yatiyir profetanakas utjaskapuniniwa. Jeremías profetar jiwayapxañapatak k'arintapxañäni. Kuntix jupax siski uka arunakarus janirak yäqkañäniti” sasa.

Jeremías 20:3

Mä uru saraqatatsti, Pashur sacerdotex Jeremiasar carcelat apsunipxañapatakiw mayïna, ukapachaw Jeremiasax säna: “Tatituw sutim mayjt'ayani. Pashur sutitxa Magor-misabib satäxätawa.

Jeremías 37:13

Ukampis Benjamín chiqar sarki uka punkur purkäna ukkhasti, Selemiasan Irías sat yuqapa, khititix Hananías sat jaqin allchhipäki, uñjirinakan jilïripäkaraki, uka Irías jaqiw Jeremiasarux katuntäna akham sasa: —¡Jumax babilonionakar jaqkattañ munatätaxa! —sasa.

Jeremías 6:25

¡Pampa tuqir jan mistupxamti, thakhinjamsa jan sarapxamti! ¡Uñisirisax wali wakichrantatawa, taqi chiqansa axsarañakiw utjaski!” sasa.

Ezequiel 22:9

Yaqhipa jaqinakamasti, ina ch'usat tumpantapxatap layku jaqinakan jiwaratanakapat juchanïpxiwa; qullu patanakan diosanakar yupaychañatak jach'a manq'äwinakaruw sarapxi, ukansti axtaskañanak lurapxaraki.

Daniel (hebreo) 6:4

4 (5) Ukhamïpan, uñjir jaqinakaxa, marka apnaqirinakasa kunaymanit Danielarux aynacht'ayañ thaqhapxäna, janiw sum apnaqirïkiti sasa reyi nayraqatan aynacht'ayañataki, ukampis Danielax lurañanakap sum luräna, janiw juparux kunjämatsa aynacht'ayirjamäpkänti.

Lucas 20:20

Uka qhipatsti jilïrinakax uñaqanak khithapxäna, jupanakax aski jaqinakjam tukusin Jesusar kuna arunsa pantjayañataki, ukatsti pantasitapat marka apnaqirinakar katuyañataki.

Hechos 24:13

Janirakiw aka jaqinakax taqi kunanakattix juchañchapkitu ukanakat irkatapkitaspati.

Hechos 5:33

Uk ist'asinsti, jilïrinakax walpun q'apisipxäna, apostolunakar jiwayañ munapxarakïna.

Hechos 7:54

Uka arunak ist'asinti, Jach'a Tantachäwinkir jilïrinakax Estebanatak walpun q'apisipxäna, laka ch'akhanakapsa t'urusipxarakïnwa.