Jeremías 20:11 - Qullan Arunaca

¹¹ Ucampisa, Tata, jumajj nayampïsctawa, jan atipjcaya guerran nuwasir jakjama; nayar arcnakerinacasti liwisipjjaniwa, janiw atipjañatac ch'amanïpcaniti, aynacht'apjjaniwa, mä p'enkaw uñjasipjjaraquini, wiñayataqui mä jach'a p'enkachjäwimpi imjjatata.

Aymar Bibliia 1986

¹¹ Ucampisa, Tata, jumajj nayampïsctawa, jan atipjcaya guerran nuwasir jakjama; nayar arcnakerinacasti liwisipjjaniwa, janiw atipjañatac ch'amanïpcaniti, aynacht'apjjaniwa, mä p'enkaw uñjasipjjaraquini, wiñayataqui mä jach'a p'enkachjäwimpi imjjatata.

Qullan Arunaka DC

¹¹ Ukampis Tatay, jumax nayampïsktawa, nuwasïwin jan atipjkay nuwasir jaqjama; nayar arknaqirinakasti liwisipxaniwa, janiw atipjañatak ch'amanïpkaniti, aynacht'apxaniwa, mä p'inqaw uñjasipxani, wiñayatak p'inqachjatäpxaniwa.

Jeremías 20:11 Jak'a apnaqawi uñst'ayäwi

Salmos 129:2

wayna cancañajjatpach ucatak t'akhesiyapjjetu, ucanacampisti janiw atipjapquituti.

Salmos 35:26

Llaquir puritajjat cusisirinacajj llaquiscay atipjayasipjjpan. Nayatac achusirinacajj p'enkachat sarnakapjjpan.

Salmos 40:14

nayar jiwayañatac thakerinacajj, p'enkpun atipjayasipjjpan; nayar ñankha lurañ amtirinacajj, mä p'enk jaltapjjpan;

Salmos 47:2

Tatitojj muspharcañ ajjsarcayawa, take acapachan jach'a Reyipawa.

Salmos 6:10

Nayamp timasirinacajj ajjsarañat aynacht'apjjani, mä ch'ipjjtanac p'enkapat jaltjjapjjani.

Salmos 65:5

Khespiyir Diosajjay, muspharcañ asqui cancañampiw jaysapjjestajja; take orakpachaw jumarojj alcatapjjtam, jayanquir kotas alcataractamwa;

Salmos 66:5

Diosan luratanacap uñjir jutapjjam, jaken asquipatac muspharcay luräwinacap uñjapjjam:

Isaías 41:10

Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.

Isaías 41:14

Tatitusti saraquiwa: “Israel, Jacobon marcapa, jisc'äscamsa, pisi ch'amäscaraquimsa, jan ajjsaramti, nayaw yanapascäma. Naya, Israelan Kollan Diosapa, nayaw khespiyirimätjja.

Isaías 45:16

Take qhitinacatejj c'ari diosanac lurasipqui ucanacajj p'enkachjata, jisc'achjataraquiw uñjasipjjani.

Jeremías 1:18

Nayaw jichhajj jumarojj sayt'aysma, mä suma jach'a perkani marcäcaspas uqhama, mä hierrot sayir perkäcasmas uqhama, broncet lurat perkäcasmas uqhama, take Judá orakempi catuntasiñamataqui: reyinacapampi, jilïrinacapampi, sacerdotenacapampi, uqhamaraqui take jakenacampisa.

Jeremías 1:19

Jupanacajj walpun juma tokejj sayt'asipjjani, ucampis janiw atipjapcätamti. Nayaw jumampïscäjja jumar imañataquejja. Ucsti naya Tatituw arsta” sasa.

Jeremías 1:8

Jan qhitirus ajjsaramti, nayaw jumampi chict'atäscä jumar imañataqui. Naya Tatituw ucjja arsta” sasa.

Jeremías 15:15

Tatay, jumajj take cuna yattajja, ¡nayat amtasita, ucatsti jutaraquim nayar yanapt'iri! ¡Qhitinacatejj nayaru arcnakapquitu, ucanacarusti catjaraquim! Jan jupanacatjja qhuyapt'ayasimti, nayarusti jiwjjam saraquita; amuyamaya, juma laycuw jisc'achatas uñjasiracta.

Jeremías 15:20

Nayasti jumarojj aca marcataquejj broncet lurat perkjama tucuyaraquïma, jan atipcaya. Jumataquejj wali sartasipcani, ucampis janiw atipapcätamti, nayaw jumampi chicäscta, jumar khespiyañataquejja. Naya Tatituw uca arunacjja arsta.

Jeremías 17:18

Nayar arcnakerinacaru mä p'enka uñjasiyam, jan nayarojja; jupanacajj sustjata uñjasipjjpan, jani nayajja. Jupanacjjarusti t'akhesiñanaca apayaniraquim, jupanacarusti mayampi, mayampi t'unjaraquim.

Jeremías 22:22

Thayaw take jilïrinacamjja apasjjani, munirinacamasti jayaru apatäpjjaraquiniwa. Jisc'achata, p'enkachataw uñjasiraquïta take ñankhanaca luratam laycu.

Jeremías 23:40

Jumanacjjarojj jisc'achjatäñwa apanëjja, uqhamaraqui wiñaya p'enkachjatäñampi, uca p'enkachatäñasti janipuniw cunapachas armatäcaniti.’ ”

Jeremías 32:18

Jumasti jakenacarojj qhuyapayasiñamjja wawanacapan wawanacaparuraquiw uñacht'aytajja, uqhamaraquiwa jakenacarus mutuyaractawa awquinacapan juchanacapatjja. ¡Jach'a ch'amani Dios, sutimajj Take Ch'amani Dios satawa!

Daniel (hebreo) 12:2

Sepulturan iquisquirinacasti sarthapinipjjaniwa mayninacajj wiñaya jacañataqui, mayninacasti wiñay p'enkachatäñataqui, t'akhesiñataqui.

Romanos 8:31

¿Cun sañänisa take acanacarojja? Diosatejj jiwasampïchejja, ¿qhitirac jiwas conträspasti?

2 Timoteo 4:17

Ucampis Tatituwa yanapitu, ch'am churaraquitu, uqhamat khespiyasiñ arunac parlañajjataqui, qhitinacatejj Tatitur jan uñt'apqui uca jakenacan ist'apjjañapataqui. Uqhamwa Tatitojj leonan lacapat khespiyitu.