Jeremías 6:25 - Qullan Arunaca

²⁵ ¡Jan pampa tokeru mistupjjamti. Jan thaquinacaru sarapjjamti! ¡Uñisirisajj wali armantatawa, take chekansa ajjsarañaquiw utji!” sasa.

Aymar Bibliia 1986

²⁵ ¡Jan pampa tokeru mistupjjamti. jan thaquinacaru sarapjjamti! ¡Uñisirisajj wali armantatawa, take chekansa ajjsarañaquiw utji!” sasa.

Qullan Arunaka DC

²⁵ ¡Pampa tuqir jan mistupxamti, thakhinjamsa jan sarapxamti! ¡Uñisirisax wali wakichrantatawa, taqi chiqansa axsarañakiw utjaski!” sasa.

Jeremías 6:25 Jak'a apnaqawi uñst'ayäwi

2 Crónicas 15:5

Qhä pachanacansti janiw qhititaquis samarañajj utjcänti, jan ucasti walja t'akhesiñanacawa utjäna take marcanacanquiri jakenacataqui.

Job 18:11

Take toketwa ajjsarañajj jutaraqui; sarnakäwipansti take chekansa juparus arcnakapcaspa uqhamwa amuyasiraqui.

Salmos 31:13

Jakenacan c'achhat parlasitanacap ist'twa, take cunaw ajjsarayitu; mayar tuct'asaquiw nayar aynacht'ayañataquejj amuyt'apjje, ¡nayar jiwayañataquiw amtapjjaraqui!

Isaías 1:20

ucampis nayataqui sayt'asisipcaquïtajja, guerranjj jiwarapjjaquipunïtawa.” Pachpa Tatituw ucjja arsu.

Jeremías 14:18

Pamparuw mistta, ucansti guerran jiwaririnacan janchinacapaqui uñjaracta, marcaruw mantanta, ucansti mank'atjama jiwarasquiri jakenacacracwa uñjta. Profetanacasa sacerdotenacasa, jan uñt'ata jaya marcanacaruraquiw sarjjapjje.’ ”

Jeremías 20:10

Jakenacan jisc'at parlasitanacapsa ist'aractwa: “¡Take chekansa ajjsarañaquiw utjasqui!” “¡Jutapjjam, juchañchapjjañäni!” sapjjaraquiwa. Pachpa amigonacajjas suyt'apjjaraquiw nayan lanctasiñajj-jja. “Inas pantjasicchini; ucapachaw atipjasina juparojj phoksusiraquiñäni” sapjjaraquiwa.

Jeremías 30:5

Take ch'amani Tatitojj aqham siwa: “¡Ajjsarañat warariñanacaw ist'asi, ajjsarañata, mayjt'asiñanacampi!

Jeremías 4:10

Ucat nayajj sista: “¡Ay, Tata, cunjämaraqui Jerusalenanquir jakenacaru sallkjtasti! Suman sarnakasiñaw utjani saraquïyätasä, jichhasti jiwañaquiraquis muyuntjjejjä” sasa.

Jeremías 4:5

“Aca arunacsti Jerusalenana, uqhamaraqui Judá oraken yatiyapjjam; trompetanacampi phust'asa take marcpacharu yatiyapjjam, wali jach'at art'apjjam: ‘¡Jina! ¡Tantacht'asipjjañäni! ¡Jach'a perkani marcanacaru!’ sasa.

Jeremías 46:5

“¿Ucampisa, cunsa uñjtjja? Wali ajjsarasaw kheparu jittapjje. Guerran nuwasiri jakenacapasti atipjataw chhuqhunucjjapjje, jan khepar uñtasaw jalsuwayjjapjje. ¡Take chekansa ajjsarañaw phokhanti! Naya Tatituw ucjja arsta.

Jeremías 49:29

Carpanacapsa, uywanacapsa, lonanacapsa take yänacapsa catuntasipjjaraquim. Camellonacapsti anarapjjam, art'apjjaraquim: ‘Take chekansa ajjsarañaquiw utjasqui’ sasa.

Jeremías 49:5

Jichhajj waliquiwa, nayaw jumanacjjarojj jan walt'añanac take toket apayanï. Naya take ch'amani Tatituw ucjja arsta. Jumanacatjja sapa mayniw jalacamaqui mistuwayjjapjjani, janiw jumanacaru qhiti tantachthapiris utjcaraquiniti.

Jeremías 8:14

Marcasti saraquiniwa: “¿Cunataquis acar kheparascaquiñäni? ¡Takeni sarjjañäni jach'a perkani marcanacaru, mäpita jiwarayistpan! Tatitu Diosasajja jiwarayistaniwa; venenat umwa umañataquisa churaraquistu, jupa toke jucha luratas laycu.

Jeremías 8:15

Take cunansa jiltañwa munäyätanjja, ucampisa jan walt'añanacaquiw purinistu. C'umara sarnakasiñwa munäyätanjja, ucampisa mayjt'asiñaquiw purini.

Lamentaciones 2:22

Jan walt'añanacsti ucsata acsatwa apayaniractajja, mä fiestarusa jutapcaspa uqhamaw purintanipjjaraquejja; Tatay, juman colerasiñama urunsti, janiw qhitis khespcaraquiti. Cawquïrinacarutejj nayajj uywcta, yatichcaracta, ucanacarusti uñisirinacaw jiwayawayjjaraqui.

Ezequiel 21:17

Nayasti uca espadarojj juc'ampi waytaraquï, colerasiñajjajj samarañapcama. Naya Tatituw ucjja arsta”.

Ezequiel 7:18

Chhanqha isinacampiw isthapisipjjani uqhamat llaquisitanacap uñacht'ayañataqui, janchinacapas wali qhathatiraquini, p'enkasiñatsa ajanunacapajj wilaru tucusa, uqhamaraqui ñic'utanacapas mururata uqhamaw sarapjjani.

Lucas 19:43

Jumataquisti jan wali urunacaw purinini, ucapachasti uñisirinacamajj mä perkampiw jumar muyuntayätam, ucatsti take toket nuwantapjjaraquïtam.