Jeremías 6:26 - Qullan Arunaca

²⁶ ¡Marcajja, jichhajj chhanqha isinacampi isthapisim t'akhesitam uñacht'ayañ laycu; khellaru sunt'suraquim, luto isinacampi isthapisim, wal jacharaquim, cunapachatejj mä sapa yokall wawajj jiwquis uqhama; jiwasaru t'unjiristi janc'aquiw jutaraquini jiwasanacar t'unjañataqui!

Aymar Bibliia 1986

²⁶ ¡Marcajja, jichhajj chhanqha isinacampi isthapisim t'akhesitam uñacht'ayañ laycu; khellaru sunt'suraquim, luto isinacampi isthapisim, wal jacharaquim, cunapachatejj mä sapa yokall wawajj jiwquis uqhama; jiwasaru t'unjiristi janc'aquiw jutaraquini jiwasanacar t'unjañataqui!

Qullan Arunaka DC

²⁶ ¡Markaxay, jichhax chhankha isinakampi isthapisim ukhamat t'aqhisitam uñacht'ayañataki; qhillar sunt'intam, llaki isinakampi isthapisim, ukatsti wal jacharakim, kunapachatix mä sapa yuqall wawax jiwki ukhama; jiwasar t'unjiristi jank'akiw jutantani!

Jeremías 6:26 Jak'a apnaqawi uñst'ayäwi

Génesis 21:16

ucatsti ucat jaya chekaru kont'asiriw sarjjäna, jan wawapar jiwir uñjañ munasa. Cunapachatejj jupajj kont'ascän ucqhasti wawajj jachatatänwa.

Job 15:21

Sustjiri ch'ajjwanacwa ist'i, cunapachatejj sumaqui samart'asisqui ucapachaw lunthatanacas jaljjatapjjaraqui.

Job 2:8

Ucat Job chachajj khella taypiru konuriw sarjjäna, uqhamaraqui ñek'e phuqhu p'aquit jiq'illitampiw jat'isiscäna.

Isaías 22:12

Uca urojj take ch'amani Tatitojj jumanacaruw jawsapjjtam, jachapjjañamataqui, wararipjjañamataqui, ñic'utanacamsa k'ararasipjjañamataqui, aykoña uñacht'ayañataquisti chhanqha isinaca uscusipjjam.

Isaías 22:4

Ucatwa sistjja: “Jithektapjjam nayatjja, chuyma cawcst'ataw jachañ munta, marcajjan aynacht'atapatsti jan chuymachapjjestati.”

Isaías 3:24

Uca perfumenac lantisti utjaraquiniwa cunayman usunaca; cinturón lantisti utjaraquiniwa wisqhanaca, uca suma asquicht'ata p'eke lantisti utjaraquiniwa, p'eke k'ara sarnakañanaca, uca suma isinacap lantisti, utjaniwa chhanqha isinaca, uca suma ajanupan uñnakatap lantisti, parintat hierrompi chimpt'atäniwa.

Isaías 30:13

ucatpï jumanacajj juchanïpjjtajja. Mä jach'a alto c'ac'at perkar uñtatäpjjtawa, uca perkasti jan amtat horasaruraquiw liwisi;

Isaías 32:11

Jumanaca, qhitinacatejj jan cunat llact'asisa sarnakapcta ucanaca, qhathatipjjam, qhitinacatejj jumanac pachparu alcatasipcta ucanacajj ajjsarthapipjjam, uca isinacam isirasipjjam, ucatsti chhanqha isinacampi isthapisipjjam, t'akhesipjjatanacam uñacht'ayañataqui.

Jeremías 12:12

Take wasara kollu patanacatsti, khoru jakenacaw jutantapjjäna, ucampisa naya Tatitojj mä espada ayt'atätwa, aca marcsti maysat mayswa t'unjanï, janiraquiw qhititaquis suman sarnakasiñajj utjcaniti.

Jeremías 13:17

Jumanacatejj jan ist'asipcätajja, jumanacan jach'a jach'a tucupjjatamatjja jamasan jacharaquï; nayranacajjatsti jachanacaw sararaquini, Tatitun tamaparu preso apasjjapjjatap laycu.

Jeremías 14:17

Jakenacarusti saraquim: ‘Nayranacajjatjja, jachanacajj uruy aruma sarpan, jan t'act'asa, marcajjan jach'a aynacht'äwip laycu, jach'a chhojjrip laycuraqui.

Jeremías 15:8

Jupanac taypinsti ijma warminacjja, kotalac ch'allanacat sipansa juc'ampi jila jaytaractjja. Chica urpachaw jiwañsa puriyaniractjja, jach'a wawanacani warminacjjarusa, acatjamatwa jupanacjjarojj llaquisiñampi ajjsarañampi puriyaniracta.

Jeremías 18:22

Jupanacan ucarusti acatjamata mä tama lunthata jakenaca qhitaniraquim; ¡sustjasiñata wararitanacapasti ist'asiracpan! Nayataquisti mä p'iya allipjjäna, sarnakañanacajjarusti sipitanac uscupjjaraquïna.

Jeremías 30:5

Take ch'amani Tatitojj aqham siwa: “¡Ajjsarañat warariñanacaw ist'asi, ajjsarañata, mayjt'asiñanacampi!

Jeremías 4:11

Cunapachatejj uca horasajj purincani ucapachasti Jerusalén marcarojj sataraquïniwa: “Wasar toket mä junt'u thayaw thayt'ani, ucasti marcajj tokeruw thayt'aniraqui. Uca thayasti janiw trigo qhuyuñataqui uqham thayäquiti.

Jeremías 4:20

Jan walt'añanacat yatiyäwinacaw puriniraqui; take marcpachaw jichhajj t'unjataraqui. Campamentonacajjas acatjamat t'unjataw uñjasipjje, carpanacajjas k'ala t'unjatapuniwa.

Jeremías 4:8

Uca laycu jichhajj chhanqha isinacampi isthapisipjjam, jachapjjam, aykopjjaraquim usuyasiñatsa, Tatitun nacquiri colerasiñapasti janiw jiwasatjja jithektquiti” sasa.

Jeremías 6:14

Marcajjan chhojjrinacapsti patatacwa kollañ munapjje; take cunas waliquïsquiwa sapjjaraquiwa, ucampisa take cunasa jan walipuniwa.

Jeremías 8:19

Marcajjan aykotanacapasti take chekanwa ist'asiraqui: ¿Janit Tatitojj Sionancjjpacha? ¿Janit reyipas ucancjjpacha? Tatitusti saraquiwa: “¿Cunatsa nayarojj uca ñankha lurapjjesta, c'ari diosanacaru, inamay diosanacaru, yakha diosanacaru yupaychasajja?”

Jeremías 8:21

Marcajjan t'akhesitapampi chicaw t'akhesiracta; llaquisiñampi, ajjsarañampiw nayarojj muyuntitu.

Jeremías 9:1

¡Nayranacajjan jachapajj mä uma jalsjamäspa, walja jaliri umanacjama, uqhamat uruy aruma jachañajjataqui, marcajjan jiwarat jakenacatjja!

Jeremías 9:10

“Jachapjjam, aykopjjaraquim kollunacatjja, suma ch'ojjña orakenacatsti jachasisa k'ochupjjam, ucanacasti k'ala naqhantatäjjiwa, janiraquiw qhitis uca cheka pascjjeti, janiraquiw uywanacan wararitapas ist'ascjjeti, jamach'inacasa, monte animalanacasa jayaruw sarjjapjjatayna.

Lamentaciones 1:16

Take ucanacasti nayarojj jachayituwa, nayrajjasti jachampi phokhantataraquiwa, janiraquiw nayar qhiti chuymachiris utjquiti, janiw nayar qhiti ch'amañchiris utjquiti. Wawanacajjasti t'unjata perkanac taypincasquiwa, uñisirinacasti nanacat sipansa juc'ampi ch'amaniraquiwa.

Lamentaciones 1:2

Arumanacasti jachcäwiw tucusiscaraqui; ajanunacapansti jachaquiw jalascaraqui. Take munirinacapasti janiw maynis jupar chuymachirejj utjquiti. Take amigonacapasti mayswa uñtjjapjje, uñisirinacapaw tucjjaraqui.

Lamentaciones 2:11

Jachcäwisa nayrajj usjjetuwa, chuymas waystañjamacwa munjjetu. Jakenacajjan marcapa t'unjata uñjasajja, callenacan wawanacaru mank'atjama jiwarasquiri uñjasasa janiw ch'amajj utjcjjetuti.

Lamentaciones 3:16

Laca ch'aqhanacajjsa orakeruw williritu; lak'a jallk'ayaraquitu.

Lamentaciones 3:48

Nayranacajjatsti jachajj umjamaw jalaraquitu, nayan munat marcajja t'unjata uñjasajja.

Lamentaciones 4:10

Suma munasiri taycanacasti, pachpa amparanacapampiw wawanacapjja phayasipjje, pachpa wawanacapwa mank'antasipjjaraqui, marcajjan t'unjatätapa uñjasinjja.

Lamentaciones 4:3

Kamakenacasa ñuñt'ayapjjapuniwa, kallunacaparusti ñuñuyasipjjapuniwa, marcajjanquiri jach'a marcasti wali khoruwa, wasaranquiri surir uñtata khoruwa.

Lamentaciones 4:6

Orakejjanquiri marcan juchapasti Sodoma marcan juchapat sipansa juc'ampiwa, uca marcasti janc'aqui t'unjataquëjjänwa, jan qhitin nuwata t'unjataquiraquïnwa.

Amós 8:10

Fiestanacamjja jiwatanacat jachañaruw tucuyäjja, k'ochutanacamasti, imäwi llaquinacaruraquiw tucuyäjja; llaqui isimpiraquiw ist'ayäjja, ñic'utanacapsti llaquisiñatsa mururasipjjaraquiniwa. Jachapjjaraquiniwa mä sapa yokall wawapas jiwatäcaspa uqhama, take cunaw c'allc'u tucunejja.

Jonás 3:6

Cunapachatï Nínive marcan reyiparu uca yatiyäwinacajj purïna ucqhajj, jupajj konuñapat sartasinjja, suma isinacap apsusisinjja, llaqui isimpiw isintasiraquïna, ucatsti khelljjaruw kont'asiraquïna.

Zacarías 12:10

“Qhuyapayasiñampi oración lurañampi ajayumpiw phokt'äjja Davidat jutiri familiampiru Jerusalenan jaquirinacampirojja. Ucqhawa uñcatapjjanejja qhitirutï chhojjriñchapqui ucarojja, ucatsti llaquisipjjaniw, jachapjjaraquiniwa mä sapa wawatjama, jan ucajj jilïri wawatjama.

Lucas 7:12

Marca jac'aru purquipansti, mä jiwatar imt'anjjañatac callasipquir uñjäna; ucasti mä sapa wawaquiraquïnwa. Uca taycasti ijmaraquïnwa, marcatsti walja jakenacaw jupampi chicajj sarapjjaraquïna.

Santiago 4:9

Llacthapisipjjam, jachapjjam, wararipjjaraquim. Larutanacamjja jachañarquipstayapjjam, cusisiñanacamsti llaquisiñaru cutiquipstayapjjaraquim.

Santiago 5:1

Ist'apjjam aca arunaca, kamirinaca: Jachapjjam, wararipjjaraquim cuna jan walt'añanacatejj jumanacjjaru jutcanis ucanacatjja.