Jeremías 1:2 - Qullan Arunaca Cunapachatejj Amón jaken yokapa, Josías sat reyejj tunca quimsani mara Judá orake apnakcäna, ucapachaw Dios Tatitojj Jeremiasarojj parläna. Aymar Bibliia 1986 Cunapachatejj Amón jaken yokapa, Josías sat reyejj tunca quimsani mara Judá orake apnakcäna, ucapachaw Dios Tatitojj Jeremiasarojj parläna. Qullan Arunaka DC Kunapachatix Amón jaqin yuqapa, Josías sat reyix tunka kimsan mara Judá uraqi apnaqkäna, ukapachaw Tatitu Diosax aka yatiyäwi churitu. |
Ucatjja Tatitun munañapatwa jach'a arumpi altar toke parläna, aqham sasa: “Altar, altar: Tatitojj aqham siwa: ‘Davidan familiapatwa mä wawajj yurini, ucasti Josías satäniwa, ucatsti juma patjjanjja yakha diosanacan santuario utanacapan sacerdotenacaparuwa sacrificiota loktani, qhitinacatejj jumjjaru incienso nact'ayapqui ucanacaru; ucatsti juma patjjarojja jakenacan ch'aqhanacapwa naqhantayapjjani’ ” sasa.
Ucatjja jupanacajj mesana kont'atäsipcäna ucqhasti, Tatituwa awqui profetaru parläna, qhititï Judá ucanquir profetaru cutt'ayancäna ucaru.
Cunapachatï jiwjjäna ucqhasti palaciopanquiri Uza sat jardinaparuwa imt'jjapjjäna. Ucatsti jupa lantejj Amón sat yokapawa reyëjjäna.
Ucatsti marcanquir jakenacasti jiwayapjjänwa qhitinacatejj Amón reyi toke jan wal amtapcäna ucanacarojja, ucatjja jupa lantejja Josías yokaparuwa reyit utt'ayapjjäna.
Cunapachatï Josías reyejj tunca quimsakallkon mara apnakascäna ucqhawa reyejj qhitäna Tatitun temploparu Azalía chachan Safán yokap kellkeriparu, jupasti Mesulam chachan allchhiparaquïnwa. Reyisti sänwa:
Tatitu Diosasti saraquituwa: “Jeremías, ¿cunsa uñjta?” sasa. “Mä almendro rama uñjta” sasaw nayajj saracta.
“Cunapachatejj Amón jaken yokapa Josiasajj Judá orake tunca quimsani mara apnakascäna ucat jichhacamajja, niya pä tunca quimsani maranacaw pasjje, Tatitusti nayaruw parlitäna, nayasti jumanacarojj mayampi mayampwa parlapjjaracsma, ucampisa jumanacajj janiw nayarojj ist'apquistati.
Mä kawkha pachanaca pasjjepansti cunapachatejj Hananiasajj Jeremiasan cuncapata yugo apakasin t'unjcän uca pasatatsti Tatitojj Jeremías profetaruw parlaraquïna aqham sasa:
Josías reyin urunacapansti, Tatitojj saraquituwa: “¿Uñjtati cuntejj nayataqui sayt'asiri Israelajj lurqui ucjja? Nayar apanucusinjja kollu patanacaruw sari, ucansti jach'a kokanac c'uchunwa yakhanacampi jucha luraraqui.
“Mä kellkañ rollo catum, ucatsti ucaru kellkaraquim, cuntejj Israel marcjjata, Judá marcjjatsa, yakha marcanacatsa siscäma take ucanaca, cuntejj Josías reyin urunacapatpacha parljjaysma jichhürcama take uca arunaca.
Tatitu Diosajj aca arunacwa Beerin Oseas yokaparu parläna, Uzías, Jotam, Acaz uqhamaraqui Ezequías reyinacan urunacapana; jupanacasti Judá marcan reyinacapänwa; Joás chachan Jeroboam yokapasti Israel marcan reyiparaquïnwa.
Aca arunacajj cuntejj Tatitojj Moreset chekan utjir Miqueasaru parljjaycän uca arunacawa. Tatitusti juparojj unañchäwi toket uñacht'ayäna Samariana, Jerusalenana cunanacatejj lurascani uca tokenacata, ucsti uñacht'ayänwa Jotam, Acaz, uqhamarac Ezequías reyinacajj Judá marca apnakcänjja uca urunacana.
Aca arunacwa Diosajj Sofonías profetaru churäna, cunapachatï Josías sat Amón chachan yokapajj Judá marcan reyipäcän ucapacha. Sofonías profetajj Cusi sat chachan yokapänwa, Cusisti Gedaliasan yokapa, Gedaliasasti Amariasan yokapa, Amariasasti Ezequiasan yokaparaqui.