Jeremías 1:2 - Qullan Arunaka DC

² Kunapachatix Amón jaqin yuqapa, Josías sat reyix tunka kimsan mara Judá uraqi apnaqkäna, ukapachaw Tatitu Diosax aka yatiyäwi churitu.

Aymar Bibliia 1986

² Cunapachatejj Amón jaken yokapa, Josías sat reyejj tunca quimsani mara Judá orake apnakcäna, ucapachaw Dios Tatitojj Jeremiasarojj parläna.

Qullan Arunaca

² Cunapachatejj Amón jaken yokapa, Josías sat reyejj tunca quimsani mara Judá orake apnakcäna, ucapachaw Dios Tatitojj Jeremiasarojj parläna.

Jeremías 1:2 Jak'a apnaqawi uñst'ayäwi

1 Reyes 13:2

Uka profetasti Tatitun munañapat altaratak jach'at parläna, akham sasa: “Altar, altar: Tatitux siwa: ‘Davidan saraqiripat mä wawaw yurini, jupasti Josías satäniwa, jach'äxani ukkhasti, juma patxan incienso nakhayir sacerdotenakaruw jiwayani, idolonakan yupaychañ utanakapan jumxar incienso nakhayiri jaqinakaru; juma patxan jaqinakan ch'akhanakapaw nakhani’ ” sasa.

1 Reyes 13:20

Jupanakax manq'asipkäna ukkhasti, Tatitux awki profetaruw parläna, khititix Judá uraqinkir profetaru kutt'ayankäna ukaru,

2 Reyes 21:18

Manasés reyix jiwxäna ukkhasti, juparux reyi utapan utjir Uzá sata panqar uyun imt'xapxäna. Uka qhipatsti Amón sat yuqapaw jupa lantix marka apnaqxäna.

2 Reyes 21:24

Ukampis markankir jaqinakaw uka jilïr jaqinakar jiwayapxäna, ukatsti Amón reyin Josías yuqaparuw jupa lantix reyit utt'ayapxäna.

2 Reyes 22:3

Kunapachatix Josías reyix tunka kimsaqallqun mara Judá marka apnaqaskän ukkhaw, jupax Tatitun utapar khithäna, Asalías chachan Safán yuqapa qillqiriparu, Mesulaman allchhiparu. Reyisti sänwa:

Jeremías 1:11

Ukatsti Tatitux sarakituwa: “Jeremías, ¿kunsa uñjta?” sasa. “Mä almendro ali uñjta” sasaw nayax sarakta.

Jeremías 1:4

Tatit Diosax nayaruw parlxayitu akham sasa:

Jeremías 25:3

“Kunapachatix Amón jaqin yuqapa Josiasax Judá uraqi tunka kimsan mara apnaqaskäna ukat jichhakamaxa, niya pä tunka kimsan maranakäxiwa, Tatitusti ukkhatpachaw nayarux parlitäna, ukatsti nayax jumanakarux mayamp mayampi parlapxaraksma, ukampis jumanakax janiw nayarux ist'apkistati.

Jeremías 28:12

Mä qawqha pachatsti, Hananiasax Jeremiasan kunkapat yuku apaqasin t'unjkän uka qhipatsti, Tatitux Jeremías profetaruw parlarakïna akham sasa:

Jeremías 3:6

Josías reyin urunakapansti, Tatitux sarakituwa: “¿Kuntix nayataki sayt'asir Israelax lurki uk uñjtati? Nayar apanukusin qullu patanakana, jach'a quqanak k'uchun yaqha diosanakaruw yupaychi.

Jeremías 36:2

“Jeremías, mä jisk'a lip'ichinak jikxatam, ukatsti kuntix Israel markxata, Judá markxatsa, yaqha markanakxatsa siskäma taqi ukanak uka lip'ichinakar qillqantam, kuntix Josías reyin urunakapatpacha, jichürkamas luraskixa, taqi ukanak qillqantam.

Oseas 1:1

Tatitux aka arunak Beerí sat chachan Oseas yuqaparuw parläna, Ozías, Jotam, Ahaz, Ezequías reyinakan urunakapana; jupanakasti Judá markan reyinakapänwa; Joás chachan Jeroboam yuqapasti Israel markan reyiparakïnwa.

Joel 1:1

Tatitux aka arunak Petuel chachan Joel yuqaparux säna:

Jonás 1:1

Mä urux Tatitux Amitai chachan Jonás yuqaparuw säna:

Miqueas 1:1

Aka yatiyäwinakax kuntix Tatitux Moréset chiqan utjir Miqueas profetarux parlxaykän uka arunakawa. Tatitusti juparux uñacht'äwi tuqiw yatiyäna kunanakatix Samariana, Jerusalenana luraskani ukanakata, ukasti Jotán, Ahaz, Ezequías reyinakax Judá marka apnaqkän uka urunakan yatiyasïna.

Sofonías 1:1

Tatitux aka yatiyäwi arunak Sofonías profetarux churäna, kunapachatix Amón chachan Josías yuqapax Judá markan reyipäkän ukapacha. Sofonías profetax Cusí sat chachan yuqapänwa, Cusí chachasti Gedaliasan yuqapa, Gedaliasasti Amariasan yuqapa, Amariasasti Ezequiasan yuqaparakïnwa.