Jeremías 1:1 - Qullan Arunaka DC

¹ Nayax Hilcías chachan yuqapa Jeremías profetätwa. Anatot sata markan jakasirïtwa, sacerdotenakan wila masipat saraqirïtwa. Anatot markax Benjamín ayllu uraqinkiwa.

Aymar Bibliia 1986

¹ Jeremiasan arsüwinacapampi, luräwinacapampi: jupasti Hilcías jaken yokaparaquïnwa. Jeremiasajj sacerdotenac familiat jutirïnwa, jupanacasti Anatot sisqui uca marcan jacasipjjaraquïna, Benjamín tribun orakepana.

Qullan Arunaca

¹ Jeremiasan arsüwinacapampi, luräwinacapampi: jupasti Hilcías jaken yokaparaquïnwa. Jeremiasajj sacerdotenac familiat jutirïnwa, jupanacasti Anatot sisqui uca marcan jacasipjjaraquïna, Benjamín tribun orakepana.

Jeremías 1:1 Jak'a apnaqawi uñst'ayäwi

1 Reyes 2:26

Ukxarusti reyix Abiatar sacerdoteruw sarakïna: “¡Anatot uraqimar sarxam! Jumarux jiwayañaw wakisi, ukampis janiw jichhax jiwaykämati, David awkixan nayraqatapan Tatitun arcap apatam layku, jupjamaraki pachpa t'aqhisiñanak t'aqhisitam layku” sasa.

1 Crónicas 6:60

60 (45) Ukhamarakiw Benjamín ayllunkirirux Gueba, Alémet, Anatot markanak churapxäna, taqi uka markanakax uywa awatiñ uraqinkamänwa. Ukhamasti Aarón chachan wila masinakaparux tunka kimsani markanakaw wakt'äna.

2 Crónicas 35:25

Jeremiasasti Josiasat amtasiñatak mä llakisiñ q'uchu qillqäna. Jichhürkamaw taqi q'uchurinakax Josías reyin imäwi q'uchunakapat amtasisipki. Aka q'uchunaksti Israel markan q'uchusipkakiwa, ukanakan arunakapax “Jachäwinaka” sat qillqatankiwa.

2 Crónicas 36:12

Jupan luräwinakapasti Tatit Diosapan nayraqatapan janiw walïkänti. Jupax Dios tuqit parlir Jeremías profeta nayraqatanxa janiw jisk'ar tukt'känti.

2 Crónicas 36:21

ukhamat kuntix Diosax Jeremías profetap tuqi siskäna ukan phuqhasiñapataki. Judá uraqix samarañ urunakan kusisiñap amtasïna, aynacht'at sarnaqañ taqpach urunakapana, paqallq tunka mara phuqhasiñapkama.

Esdras 1:1

Ciro reyin Persia marka nayrïr mara apnaqäwipana, ukhamarak Jeremías profeta tuqi Tatitun arupa yatiyatäkäna ukan phuqhasiñapatakisti, Tatitux Ciro reyiruw ch'amañchäna, taqpach markachirinakar aru tuqi, qillqat tuqi, aka kamachi yatiyañapataki:

Esdras 2:23

Anatot markatsti, patak pä tunk kimsaqallquni.

Isaías 1:1

Tatitux Isaías profetaruw parlxayäna, jupasti Amós chachan yuqapänwa, israelitanakax Judá uraqin jakapkäna ukanakar yatiyañapatakiw walja yatiyäwinak churäna. Kunapachatix Uzías, Jotam, Ahaz, Ezequías uka reyinakax Judá marka apnaqapkäna uka maranakan Isaías profetax aka arunak Tatitut katuqäna.

Isaías 10:30

Bat-Galim markata, Laisa sat markata, Anatot markatsa, arnaqasitanakapaw ist'asi.

Isaías 2:1

Aka arunakasti Isaías profetar unañchäwi tuqi churat Tatitun arunakapawa, jupasti Amós chachan yuqapänwa, uka arunakasti, Judá markampita, Jerusalén markampitawa:

Jeremías 11:21

Anatot chiqan jakir jaqinakarusti, kawkïrinakatix nayar jiwayañ amtapkäna ukanakax sapxarakitänwa: “Tatitun sutipxar jan juk'ampi parlkxamti, ukhamatsti janiw jiwayapkämäti” sasa.

Jeremías 29:27

¿Kunatarak Anatot chiqankir Jeremiasarusti jan katunttasti? Jupax jumanakarux mä profetäkaspas ukhamaw parlxayapxtam.

Jeremías 30:1

Tatitux aka arunak Jeremías profetarux parlxayäna. Sarakïnwa:

Jeremías 37:12

Jeremiasasti Jerusalén markat mistuwayasinxa, Benjamín uraqiruw sarxäna, ukan mä tuti katuqañataki.

Daniel (hebreo) 9:2

Mä mara marka apnaqkäna ukapachaw, naya, Danielax Jeremías profetan qillqatapat amuyt'askäyäta, kunapachatix Jerusalén markax paqallq tunka mara qhipat t'unjat uñjaskani ukxata, kunjämtix Tatitux profetar yatiykatayna ukarjama.

Amós 1:1

Amós Profetax Judá uraqin, Tecoa sat mä jisk'a markankirïnwa, jupasti ovej awatirïnwa, ukhamaruw Tatitux jupan yatiyäwi arunakap Israel markar parlir sarañapatak jawsäna, Tatitusti uka arunakxa pä mara janïr uraqi khathati purinkipan parläna, uka pachasti Judá markanxa Oziasaw reyïskäna, Israel markansti Jeroboam sat Joás chachan yuqapaw reyïskarakïna.

Amós 7:10

Betel markan Amasías sacerdotepaxa, Israel markan Jeroboam reyipar yatiyiriw khiti: “Amós chachax israelita jaqinakaruw jumar ñanqhachañatak amtayaski. Markasti janiw juk'ampi ukham parlaykaspati.

Mateo 16:14

Jupanakasti sapxänwa: —Yaqhipanakax ‘Bautisiri Juanaw’ sapxiwa; yaqhipanakasti ‘Eliasaw’ sapxiwa, mayninakasti ‘Jeremiasaw’ sapxiwa, jan ukax ‘yaqha profetäpachaw’ sapxarakiwa —sasa.

Mateo 2:17

Ukhamat Jeremías profetan qillqatapax phuqhasïna:

Mateo 27:9

Ukhamat Jeremías profetan arsutapax phuqhasïna: “Uka kimsa tunka qullqi katupxi, ukasti mä jaqi ala qullqiwa, israelitanakan uchat alawa,