Jeremías 1:1 - Qullan Arunaca

¹ Jeremiasan arsüwinacapampi, luräwinacapampi: jupasti Hilcías jaken yokaparaquïnwa. Jeremiasajj sacerdotenac familiat jutirïnwa, jupanacasti Anatot sisqui uca marcan jacasipjjaraquïna, Benjamín tribun orakepana.

Aymar Bibliia 1986

¹ Jeremiasan arsüwinacapampi, luräwinacapampi: jupasti Hilcías jaken yokaparaquïnwa. Jeremiasajj sacerdotenac familiat jutirïnwa, jupanacasti Anatot sisqui uca marcan jacasipjjaraquïna, Benjamín tribun orakepana.

Qullan Arunaka DC

¹ Nayax Hilcías chachan yuqapa Jeremías profetätwa. Anatot sata markan jakasirïtwa, sacerdotenakan wila masipat saraqirïtwa. Anatot markax Benjamín ayllu uraqinkiwa.

Jeremías 1:1 Jak'a apnaqawi uñst'ayäwi

1 Reyes 2:26

Ucjjarusti Abiatar sacerdoterojja saraquïnwa: “¡Anatot orakemaru sarjjam! Jumarojj jiwayañawa waquisejja, ucampis janiw jichhajj jiwaycämati, jumajj Tatitun arcapa apatam laycu David awquejjan nayrakatapana, uqhamarac t'akhesiractajja pachpa t'akhesiñanaca jupjamaraqui uca laycu” sasa.

1 Crónicas 6:60

Uqhamaraquiw churapjjaraquïna Benjamín tribun marcanacapa, ucanacasti acanacänwa: Geba, Alemet, Anatot ucanacaraqui, take uca orakenacasti awatiña orakenacapamppachänwa. Uqhamajja Aarón chachan familianacaparu wact'cäna uca marcanacasti, tunca quimsanïnwa.

2 Crónicas 35:25

Jeremiasasti jupar jach'achañataquejja mä k'ochu arunacwa imäwipataqui waquicht'äna. Jichhürcamawa k'ochurinacajja chachatsa warmitsa Josiasatjja amtasipcaqui imäwitaqui k'ochunacapana. Aca k'ochunacsti Israel marcanjja k'ochusipcaquiwa, ucatsti ucanacajja kellkatawa k'ochunacajja waquichatäqui ucana.

2 Crónicas 36:12

Ucampis jupan luratanacapasti jan walinacänwa Tatit Diosapan nayrakatapana. Jupasti Dios toketa parlir Jeremías profeta nayrakatapanjja janiw jisc'ar tucuñ muncänti.

2 Crónicas 36:21

phokhasiñapataqui cunatejj Diosajj Jeremías profetap toke siscäna uqhamaru. Uqhamawa marcajj samarañapäna suma cusisiñana; uqhamatwa samaräna tucjatäcäna uca maranacana, pakallk tunca mara pasañapcama.

Esdras 1:1

Cunapachatï Persianquiri Ciro sat reyejj mä mara reinascäna, uqhamarac Tatitun arupajj Jeremías profeta toke parlatäcäna uca phokhasiñapataqui, ucqhawa Tatitojj Ciro sat reyiru ch'amañchäna take reinopana yatiyatäñapataqui aru toksa kellkata toksa aca arsut'äwi:

Esdras 2:23

Anatot chekanquiristi, pataca pä tunca quimsakallkonïpjjänwa.

Isaías 1:1

Amoz chachan Isaías yokapajj Judá marcampita, Jerusalén marcampita uñacht'äwi toke catokäna; cunapachatï Uzías, Jotam, Acaz, uqhamaraqui Ezequías reyinacajj Judá marcar apnakcän uca maranacanwa jupajj uca uñjäwi uñjaraquïna:

Isaías 10:30

¡Bat-Galim marcasti wal arnakasi! ¡Laisasti ist'araquiwa! ¡Anatotasti jaysaraquiwa!

Isaías 2:1

Aca arunacasti Isaías profetan arunacapawa, jupasti Amoz chachan yokapänwa, acsti uñjäwi toke uñjaraquïnjja, Judá marcampita, Jerusalén marcampita:

Jeremías 11:21

Anatot chekan jaquir jakenacarusti, cawquïrinacatejj nayar jiwayañ amtapquitäna, ucatsti sapjjaraquitänwa: “Jan Tatitun sutipjjaru juc'ampi parlcjjamti, uqhamatsti janiw jiwayapcämäti” sasa.

Jeremías 29:27

¿Cunataraqui Anatot chekanquiri Jeremiasarusti jan preso catunttasti? Jupajj jumanacarojj mä profetäcaspas uqhamaw parljjayapjjtam.

Jeremías 30:1

Aca arunacwa Tatitojj Jeremías profetarojj parljjayäna. Saraquïnwa:

Jeremías 37:12

Jeremiasasti marcata mistuwayasinjja Benjamín orakeru sarasasti uca orakenquirinacampi mä herencia jaljasiñataqui.

Daniel (hebreo) 9:2

Cunapachatejj jupajj mä mara apnakcän ucapachaw naya Daniel Jeremías profetan libropa leescaraquïyäta, pakallko tunca mara pasañapäquis uca toketa, Jerusalén marcan t'unjatäñapataqui, cunjämtejj Tatitojj profetaru siscatayna uqhamarjama.

Amós 1:1

Aca arunacsti Amós chachaw catokäna, jupasti oveja awatirïnwa Tecoa marcanquiriraqui, uca arunacsti Diosatwa catokäna Israel marcjjata, orak qhathati pasañapataqui janïr pä maräquipana, uca urunacansti Judá marcanjja Uziasaw reyïscäna, Israel marcansti Joasan Jeroboam yokaparaquiw reyiscaraquïna.

Amós 7:10

Betel marcan Amasías sacerdotepajja, Israel marcan Jeroboam reyipar yatiyiriw qhiti: “Amós chachajj Israel jakenac taypinwa sarnake juma contra amtayasa. Marcasti janiw juc'amp uqham parlaycaquispati.

Mateo 16:14

Jupanacasti sapjjänwa: —Mayninacajj: ‘Bautisiri Juanaw’ sapjjewa, mayninacasti: ‘Eliasaw’ sasaraqui, yakhepanacasti: ‘Jeremiasaw’ sapjjaraquiwa, jan ucajj: ‘Yakha profetäpachaw’ sapjjaraquiwa.

Mateo 2:17

Uqhamatwa Jeremías profetan kellkatanacapajj phokhasïna:

Mateo 27:9

Uqhamatwa Jeremías profetan arsutapajj phokhasïna: “Uca quimsa tunca kollke aptasinjja, (Uca alasti israelitanacan uchatänwa),