Oseas 1:1 - Qullan Arunaca

¹ Tatitu Diosajj aca arunacwa Beerin Oseas yokaparu parläna, Uzías, Jotam, Acaz uqhamaraqui Ezequías reyinacan urunacapana; jupanacasti Judá marcan reyinacapänwa; Joás chachan Jeroboam yokapasti Israel marcan reyiparaquïnwa.

Aymar Bibliia 1986

¹ Tatitu Diosajj aca arunacwa Beerin Oseas yokaparu parläna, Uzías, Jotam, Acaz uqhamaraqui Ezequías reyinacan urunacapana; jupanacasti Judá marcan reyinacapänwa; Joás chachan Jeroboam yokapasti Israel marcan reyiparaquïnwa.

Qullan Arunaka DC

¹ Tatitux aka arunak Beerí sat chachan Oseas yuqaparuw parläna, Ozías, Jotam, Ahaz, Ezequías reyinakan urunakapana; jupanakasti Judá markan reyinakapänwa; Joás chachan Jeroboam yuqapasti Israel markan reyiparakïnwa.

Oseas 1:1 Jak'a apnaqawi uñst'ayäwi

2 Reyes 13:13

Cunapachatï Joás reyejj jiwjjäna ucqhajja, Samaria marcanwa imt'jjapjjäna Israelan reyinacapamp chica. Ucatsti tronorojja Jeroboam chachaw maqhatjjäna.

2 Reyes 14:16

Cunapachatï jiwjjäna ucqhasti, Samaria marcanwa imt'jjapjjäna Israelan reyinacapamp chica. Ucatsti jupa lantejja Jeroboam yokapaw reyëjjäna.

2 Reyes 14:23

Cunapachatï Judänquir Joás chachan Amasías yokapa reyejj tunca pheskan mara apnakascäna ucqhawa Israelana Joás chachan Jeroboam yokapa reyejj Israel marcjjaru reyïña kalltäna; ucatsti Samaria marcanjja pusi tunca mayan maraw apnakäna.

2 Reyes 15:32

Cunapachatï Remalías chachan Peka yokapajj pä mara apnakascäna ucqhawa Uzías chachan Jotam yokapajj Judá marcjjaru apnakaña kalltäna.

2 Reyes 15:5

Tatitusti reyirojj lepra usumpiwa mutuyäna jiwañapa urucama, uqhamawa reyejja yakhachata utapan jacäna lurañanacap jaytasa. Ucatsti Jotam sat yokapawa sarayäna uqhamarac marcarus apnakaraquïna.

2 Reyes 15:7

Cunapachatï Azarías reyejj jiwjjäna ucqhajja Davidan Marcapanwa imt'jjapjjäna, nayra awquinacapamp chica. Jupa lantisti Jotam sat yokapaw reyëjjäna.

2 Crónicas 27:1

Jotam reyejj cunapachatï pä tunca pheskan maranïcäna ucqhawa apnakaña kalltäna, ucatsti Jerusalén marcanjja tunca sojjtan maraw apnakäna. Taycapasti Jerusa satänwa, jupasti Sadoc chachan phuchapänwa.

2 Crónicas 28:1

Acaz reyejj cunapachatï pä tunca maranïna ucqhawa apnakaña kalltäna, ucatsti jupajj Jerusalén marcanjja tunca sojjtan maraw apnakäna; ucampis jupan luräwinacapajja Tatitun nayrakatapanjja janiw chekapäcänti, nayra David awquipjamajja.

2 Crónicas 29:33

Takpacha uywanaca loktapcäna ucanacasti sojjta pataca orko vacanaca, uqhamarac quimsa waranka ovejanacaraquïnwa.

Isaías 1:1

Amoz chachan Isaías yokapajj Judá marcampita, Jerusalén marcampita uñacht'äwi toke catokäna; cunapachatï Uzías, Jotam, Acaz, uqhamaraqui Ezequías reyinacajj Judá marcar apnakcän uca maranacanwa jupajj uca uñjäwi uñjaraquïna:

Isaías 7:1

Siria marcan reyipa, Rezín sat uqhamaraqui Israelan reyipa, Peka sat sutini, jupasti Remaliasan yokapänwa; uca pani reyejj Jerusalén marcaruw nuwantapjjäna atipjañracwa munapjjäna, ucampis janiw ch'amanïpcänti catuntasiñataquejja. Acasti lurasïnwa cunapachatejj Acaz reyejj Judá marca apnakcän ucapacha. Jupasti Jotaman wawapänwa Uziasan allchhiparaqui.

Jeremías 1:2

Cunapachatejj Amón jaken yokapa, Josías sat reyejj tunca quimsani mara Judá orake apnakcäna, ucapachaw Dios Tatitojj Jeremiasarojj parläna.

Jeremías 1:4

Tatit Diosajj nayaruw parljjayitu aqham sasa:

Joel 1:1

Aca arunacwa Tatitojj Petuel jaken Joel yokaparojj säna:

Amós 1:1

Aca arunacsti Amós chachaw catokäna, jupasti oveja awatirïnwa Tecoa marcanquiriraqui, uca arunacsti Diosatwa catokäna Israel marcjjata, orak qhathati pasañapataqui janïr pä maräquipana, uca urunacansti Judá marcanjja Uziasaw reyïscäna, Israel marcansti Joasan Jeroboam yokaparaquiw reyiscaraquïna.

Jonás 1:1

Tatitojj Amitaian Jonás yokaparojj sänwa:

Miqueas 1:1

Aca arunacajj cuntejj Tatitojj Moreset chekan utjir Miqueasaru parljjaycän uca arunacawa. Tatitusti juparojj unañchäwi toket uñacht'ayäna Samariana, Jerusalenana cunanacatejj lurascani uca tokenacata, ucsti uñacht'ayänwa Jotam, Acaz, uqhamarac Ezequías reyinacajj Judá marca apnakcänjja uca urunacana.

Zacarías 1:1

Quimsakallko phajjsina pä mara Dariojj reyëjjäna ucqhaw Tatitojj aca arunac parlawayänjja Zacarías profeta, Berequiasan yokapa, Idon allchhiparu. Saraquïnwa:

Juan 10:35

Yattanwa cuntejj Kellkatanjj sisqui ucjja, janiw ucjja janiw uqhamäquiti siscsnati; Diosasti sutichänwa: ‘diosanac’ sasa, qhitinacatejj arunacap catokqui ucanacaru.

Romanos 9:25

Cunjämtï Oseas profetan libropan sisqui ucarjama: “Cawquïritï jan marcajjäcäna, ucaruw ‘marcajja’ saraquëjja. Jan munatajjäquis ucarusti ‘munatajjätaw’ saraquïwa.

2 Pedro 1:21

Profetanacasti janipuniw cunsa munañanacapatjja parlapcänti, jan ucasti jupanacajj Diosar catuyata jakenacäpjjänwa, Dios toketaracwa parlapjjänjja, Kollan Ajayun amuyt'ayata.