Miqueas 1:1 - Qullan Arunaca

¹ Aca arunacajj cuntejj Tatitojj Moreset chekan utjir Miqueasaru parljjaycän uca arunacawa. Tatitusti juparojj unañchäwi toket uñacht'ayäna Samariana, Jerusalenana cunanacatejj lurascani uca tokenacata, ucsti uñacht'ayänwa Jotam, Acaz, uqhamarac Ezequías reyinacajj Judá marca apnakcänjja uca urunacana.

Aymar Bibliia 1986

¹ Aca arunacajj cuntejj Tatitojj Moreset chekan utjir Miqueasaru parljjaycän uca arunacawa. Tatitusti juparojj unañchäwi toket uñacht'ayäna Samariana, Jerusalenana cunanacatejj lurascani uca tokenacata, ucsti uñacht'ayänwa Jotam, Acaz, uqhamarac Ezequías reyinacajj Judá marca apnakcänjja uca urunacana.

Qullan Arunaka DC

¹ Aka yatiyäwinakax kuntix Tatitux Moréset chiqan utjir Miqueas profetarux parlxaykän uka arunakawa. Tatitusti juparux uñacht'äwi tuqiw yatiyäna kunanakatix Samariana, Jerusalenana luraskani ukanakata, ukasti Jotán, Ahaz, Ezequías reyinakax Judá marka apnaqkän uka urunakan yatiyasïna.

Miqueas 1:1 Jak'a apnaqawi uñst'ayäwi

2 Reyes 15:32

Cunapachatï Remalías chachan Peka yokapajj pä mara apnakascäna ucqhawa Uzías chachan Jotam yokapajj Judá marcjjaru apnakaña kalltäna.

2 Reyes 15:5

Tatitusti reyirojj lepra usumpiwa mutuyäna jiwañapa urucama, uqhamawa reyejja yakhachata utapan jacäna lurañanacap jaytasa. Ucatsti Jotam sat yokapawa sarayäna uqhamarac marcarus apnakaraquïna.

2 Reyes 16:1

Cunapachatï Remalías chachan Peka yokapajj tunca pakallkon mara apnakascäna, ucqhawa Jotam chachan Acaz yokapa reyejj Judá marcjjaru apnakaña kalltäna.

2 Reyes 18:1

Cunapachatï Ela chachan Oseas yokapajj Israel marcana quimsa mara apnakascäna ucqhawa Acaz chachan Ezequías yokapajj Judá marcana reyïña kalltäna.

2 Crónicas 28:1

Acaz reyejj cunapachatï pä tunca maranïna ucqhawa apnakaña kalltäna, ucatsti jupajj Jerusalén marcanjja tunca sojjtan maraw apnakäna; ucampis jupan luräwinacapajja Tatitun nayrakatapanjja janiw chekapäcänti, nayra David awquipjamajja.

2 Crónicas 29:1

Ezequiasajj cunapachatï pä tunca pheskan maranïna ucqhawa apnakaña kalltäna, ucatsti Jerusalén marcanjja pä tunca llätuncani maraw apnakäna. Jupan taycapasti Abi satänwa, Zacarías chachan phuchaparaquïnwa.

Isaías 1:1

Amoz chachan Isaías yokapajj Judá marcampita, Jerusalén marcampita uñacht'äwi toke catokäna; cunapachatï Uzías, Jotam, Acaz, uqhamaraqui Ezequías reyinacajj Judá marcar apnakcän uca maranacanwa jupajj uca uñjäwi uñjaraquïna:

Isaías 1:2

Alajjpachamp acapachampi, ist'apjjam cuntejj Tatitojj sisqui uca: “Wawanac uywasta jilarañapcama, ucampis jupanacajj nayataquiquiw sayt'asjjapjje.

Isaías 7:1

Siria marcan reyipa, Rezín sat uqhamaraqui Israelan reyipa, Peka sat sutini, jupasti Remaliasan yokapänwa; uca pani reyejj Jerusalén marcaruw nuwantapjjäna atipjañracwa munapjjäna, ucampis janiw ch'amanïpcänti catuntasiñataquejja. Acasti lurasïnwa cunapachatejj Acaz reyejj Judá marca apnakcän ucapacha. Jupasti Jotaman wawapänwa Uziasan allchhiparaqui.

Jeremías 26:18

“Ezequiasajj aca Judá orake apnakcän uca urunacanjja, Moreset sat chekat jutiri Miqueasaraquiw, uqhama Tatitun sutipjjaru take jakenacaru parlänjja aqham sasa: ‘Take ch'amani Tatitojj aqham siwa: Sionajj mä khollinucuta yapjamaw kheparani, Jerusalenasti mayjaru willthapita lakayanacaquiw uñjasiraquini, templojj utachatäqui uca kollusti koranacampi phokhantataraquiw uñjasini’ sasa.

Oseas 1:1

Tatitu Diosajj aca arunacwa Beerin Oseas yokaparu parläna, Uzías, Jotam, Acaz uqhamaraqui Ezequías reyinacan urunacapana; jupanacasti Judá marcan reyinacapänwa; Joás chachan Jeroboam yokapasti Israel marcan reyiparaquïnwa.

Oseas 4:15

“Jumatejj Israel marca wachoka jucha lurañan sarnakätajja, Judá marcaquisay jan juchjja lurcpati. ¡Jan jumanacajj Gilgal chekaru sarapjjamti ni Bet-avén kollurus maqhatapjjamti, Janiraqui Tatit laycusa juramento lurapjjamti!

Oseas 8:14

Israel marcajj palacionacwa utachasi, ucampis jupanacar irnokeritjja armasipjjewa. Judá marcajj walja jach'a marcanacwa perkanacampi suma muyuntayasa sayt'ayapjje, ucampis nayajj ucanacjja ninampiw naqhantayä, palacionacapsa k'al naqhantaraquini.”

Amós 1:1

Aca arunacsti Amós chachaw catokäna, jupasti oveja awatirïnwa Tecoa marcanquiriraqui, uca arunacsti Diosatwa catokäna Israel marcjjata, orak qhathati pasañapataqui janïr pä maräquipana, uca urunacansti Judá marcanjja Uziasaw reyïscäna, Israel marcansti Joasan Jeroboam yokaparaquiw reyiscaraquïna.

Amós 6:1

¡Ay, cunjaquïcani Sión marcan samarata jaquirinacataquejja! ¡Cunaquïcani Samaria kolluru confiata jaquirinacataquejja, marcanacan jach'a jilïrinacaparu qhitinacarutejj israelitanacajj sart'apqui ucanacaru!

Miqueas 1:5

Take acanacasti lurasiniwa Jacobun marcapan Diosataqui sayt'asitap laycu, Israel marcan juch luratap laycuraqui. ¿Cawquincaraqui Jacobon jucha luratapasti? ¡Samaria marcanquiwa! ¿Cawquincaraqui Jacobon yakha diosanacar yupaychaña altaranacapasti? ¡Pachpa Jerusalén marcanquiwa!

Miqueas 3:9

“Ist'apjjam jichhajj aca arunaca Israelan marca apnakerinacapa, uqhamarac jilïrinacapa, jumanacasti cunatejj chekäqui ucjja uñisipjjtawa, uqhamarac cunatejj asqui lurañäqui ucsa maysaruw k'ewipjjtajja.

Habacuc 1:1

Tatituw aca yatiyäwjja khanañchawayi mä uñjäwi toke Habacuc profetaru.

2 Pedro 1:21

Profetanacasti janipuniw cunsa munañanacapatjja parlapcänti, jan ucasti jupanacajj Diosar catuyata jakenacäpjjänwa, Dios toketaracwa parlapjjänjja, Kollan Ajayun amuyt'ayata.