Miqueas 1:1 - Qullan Arunaka DC

¹ Aka yatiyäwinakax kuntix Tatitux Moréset chiqan utjir Miqueas profetarux parlxaykän uka arunakawa. Tatitusti juparux uñacht'äwi tuqiw yatiyäna kunanakatix Samariana, Jerusalenana luraskani ukanakata, ukasti Jotán, Ahaz, Ezequías reyinakax Judá marka apnaqkän uka urunakan yatiyasïna.

Aymar Bibliia 1986

¹ Aca arunacajj cuntejj Tatitojj Moreset chekan utjir Miqueasaru parljjaycän uca arunacawa. Tatitusti juparojj unañchäwi toket uñacht'ayäna Samariana, Jerusalenana cunanacatejj lurascani uca tokenacata, ucsti uñacht'ayänwa Jotam, Acaz, uqhamarac Ezequías reyinacajj Judá marca apnakcänjja uca urunacana.

Qullan Arunaca

¹ Aca arunacajj cuntejj Tatitojj Moreset chekan utjir Miqueasaru parljjaycän uca arunacawa. Tatitusti juparojj unañchäwi toket uñacht'ayäna Samariana, Jerusalenana cunanacatejj lurascani uca tokenacata, ucsti uñacht'ayänwa Jotam, Acaz, uqhamarac Ezequías reyinacajj Judá marca apnakcänjja uca urunacana.

Miqueas 1:1 Jak'a apnaqawi uñst'ayäwi

2 Reyes 15:32

Remalías chachan Pécah yuqapax, payïr mara Israel marka apnaqkän ukkhaw, Ozías chachan Jotam yuqapax Judá marka apnaqañ qalltäna.

2 Reyes 15:5

Tatitux lepra usumpiw Azarías reyirux jiwañap urukam mutuyäna, ukhamaw reyix utapan yaqhachat jakäna, lurañanakap jaytasa, ukatsti Jotam sat yuqapaw lurañanak sarayäna, markarus apnaqarakïna.

2 Reyes 16:1

Remalías chachan Pécah yuqapax, tunka paqallqun mara Israel marka apnaqkän ukkhaw, Jotam chachan Ahaz yuqapax Judá marka apnaqañ qalltäna.

2 Reyes 18:1

Kunapachatix Elá chachan Oseas yuqapax kimsa mara Israel marka apnaqkän ukkhaw, Ahaz chachan Ezequías yuqapax Judá marka apnaqañ qalltäna.

2 Crónicas 28:1

Ahaz reyix, pä tunka maranïkän ukkhaw Judá marka apnaqañ qalltäna, jupasti Jerusalén markan tunka suxtan maraw marka apnaqäna; ukampis jupan luräwinakapax Tatit nayraqatan janiw David nayra awkipan luräwinakapjam chiqapäkänti,

2 Crónicas 29:1

Ezequiasax pä tunka phisqan maranïkän ukkhaw Judá marka apnaqañ qalltäna, jupasti Jerusalén markanxa pä tunka llätunkani maraw marka apnaqäna. Jupan taykapax Abí satänwa, Zacarías chachan phuchhaparakïnwa.

Isaías 1:1

Tatitux Isaías profetaruw parlxayäna, jupasti Amós chachan yuqapänwa, israelitanakax Judá uraqin jakapkäna ukanakar yatiyañapatakiw walja yatiyäwinak churäna. Kunapachatix Uzías, Jotam, Ahaz, Ezequías uka reyinakax Judá marka apnaqapkäna uka maranakan Isaías profetax aka arunak Tatitut katuqäna.

Isaías 1:2

Alaxpachampi, akapachampi, ist'apxam kuntix Tatitux siski uka: “Wawanak jilarañapkamaw uywasta, ukampis jupanakax nayatakikiw sayt'asxapxi.

Isaías 7:1

Resín sata Siria markan reyipampi, Pécah sata Israelan reyipampi, jupasti Remaliasan yuqapänwa; uka pani reyinakax Jerusalén markar nuwantasaw atipjañ munapxäna, ukampis katuntañatakix janiw ch'amanïpkänti. Ukasti Ahaz reyix Judá marka apnaqkäna ukapachaw lurasïna. Jupasti Jotam chachan yuqapänwa Oziasan allchhiparaki.

Jeremías 26:18

“Ezequiasax aka Judá uraqi apnaqkän uka urunakanxa, Moréset sat chiqat jutir Miqueasaw Tatitun sutipxar taqi jaqinakar yatiyäna, akham sasa: ‘Taqi ch'aman Tatitux akham siwa: Sión qullux mä qhullinukut yapjamaw qhiparani, Jerusalenasti laqayanakjam mayjar willthapitaw uñjasini, Tatitun utapax utachatäki uka qullusti, quranakampi phuqhantataw uñjasini’ sasa.

Oseas 1:1

Tatitux aka arunak Beerí sat chachan Oseas yuqaparuw parläna, Ozías, Jotam, Ahaz, Ezequías reyinakan urunakapana; jupanakasti Judá markan reyinakapänwa; Joás chachan Jeroboam yuqapasti Israel markan reyiparakïnwa.

Oseas 4:15

“Israel marka, jumax wachuqa jucha lurañan sarnaqtaxa, Judá markakisay uka juchxa jan lurkpati. ¡Jan jumanakax Guilgal chiqarux sarapxamti, janirak Bet-avén qullurus makhatapxamti, Tatit laykus janipun juramento lurapxamti!

Oseas 8:14

Israelita jaqinakasti reyin jach'a utanakap utachapxi, ukampis jupanakar irnuqirit armasipxiwa. Judá markax walja jach'a markanakwa pirqanakampi muyuntayas sum sayt'ayi, ukampis nayax ukanak ninampiw nakhantayä, reyin jach'a utanakapas q'alaw nakhantani.”

Amós 1:1

Amós Profetax Judá uraqin, Tecoa sat mä jisk'a markankirïnwa, jupasti ovej awatirïnwa, ukhamaruw Tatitux jupan yatiyäwi arunakap Israel markar parlir sarañapatak jawsäna, Tatitusti uka arunakxa pä mara janïr uraqi khathati purinkipan parläna, uka pachasti Judá markanxa Oziasaw reyïskäna, Israel markansti Jeroboam sat Joás chachan yuqapaw reyïskarakïna.

Amós 6:1

“¡Ay kunakïkan Jerusalén markan samarat jakirinakatakixa! ¡Ay kunakïkan Samaria markar katuyasit jakirinakatakixa, wali aytat markan jach'a jilïrinakaparu khitinakarutix israelitanakax yanap mayipki ukanakataki!

Miqueas 1:5

Taqi akanakasti Jacobun markapan Tatitur saykatatap laykuw lurasini, Israel markan jucha luratap laykuraki. ¿Kawkinkarak Jacobun jucha luratapasti? ¡Samaria markankiwa! ¿Kawkinkarak Judá markan yaqha diosanakar yupaychañatak luratäki ukanakasti? ¡Pachpa Jerusalén markankiwa!

Miqueas 3:9

Israel markan jilïrinakapa, jichhax aka arunak ist'apxam, jumanakasti kunatix chiqäki ukxa uñisipxtawa, kunatix aski lurañäki uksa maysaruw q'iwipxtaxa.

Habacuc 1:1

Tatituw mä uñjäwi tuqi Habacuc profetar aka yatiyäwi qhanañchawayi.

2 Pedro 1:21

profetanakax janipuniw kunsa jaqin amuyuparjam parlapkänti, jan ukasti, jupanakax Dios tuqit parlapxäna, Qullan Ajayun amuyt'ayata.