cawqhantejj jakenacajj jan walïpjjäna, uqhamarac Tatitu contras sinti jach'a juchanaca lurapjjaraquïna.
Génesis 39:9 - Qullan Arunaca Aca utanjja nayaw jilïritjja, uywirejjasti janiraquiw cunsa ‘Janiw’ sisquitutejja, jan ucasti juma sapacwa janejj churquitutejja, jumajj warmipätam laycu. Ucatsti ¿cunjämaraqui nayasti uywirejjarusti uca jan wali luririststi, uqhamarac Dios contrasa juch luraraquiriststi? —sasa. Aymar Bibliia 1986 Aca utanjja nayaw jilïritjja, uywirejjasti janiraquiw cunsa “Janiw” sisquitutejja, jan ucasti juma sapacwa janejj churquitutejja, jumajj warmipätam laycu. Ucatsti ¿cunjämaraqui nayasti uywirejjarusti uca jan wali luririststi, uqhamarac Dios contrasa juch luraraquiriststi? —sasa. Qullan Arunaka DC Aka utan nayaw jilïritxa, uywirixasti janirakiw kunsa “Janiw” siskituti. Ukhamarus jumax warmipätawa. ¿Kunjämarak nayasti uywirixar uka jan wali luririststi, Dios nayraqatan juch lurarakiriststi? —sasa. |
cawqhantejj jakenacajj jan walïpjjäna, uqhamarac Tatitu contras sinti jach'a juchanaca lurapjjaraquïna.
ucampisa uca arumajj Abimelec chachajj mä samca samcasïna, Diosasti uca samcanjja sänwa: “Jichhajj jiwätawa, cawquïri warmtejj irptayasincta uca warmejj casada warmïtap laycu” sasa.
Diosasti samcanjja saraquïnwa: “Nayajj yattwa take cunsa mä suma chuymampi lurascatama. Ucatwa jani uca warmir llamct'aycsmatejja, uqhamat jan naya contra jucha lurascañamataqui.
Ucatsti Abimelec chachajj Abrahamaruw jawsayani, saraquïnwa: —¿Cuns aca lurista? ¿Cuna jan walsa jumar lursma, uqhamat aca jach'a jucha apaniñamataqui nayjjaru, uqhamarac jakenacajj-jjaru? Uqham lurañajj janiw waquisquiti.
Mä urusti cawquïri sirviripatejj chuymanëjjaraquïna, uqhamarac cawquïritejj take cunanaca uñjirïcan ucaruw jawsi, saraquïnwa: —Amparam ucham lanqhu chara mankhäjjaru,
Warmisti sapüruw Josearojj jupampi ict'añataqui parljjayirïna, ucampis Joseajj janiw warmirojj ist'cänti.
Jumajj jichhajj palaciojjan jach'a jilïrïyätawa, jumaw apnakäta. Take jakenacasti jumaruw jaysapjjaraquïtam. Nayasti juman jilïrimaquïyäwa reyïtajj laycu.
ucampisa quimsa uru pasatatsti saraquïnwa: —Nayajj Diosar ajjsarir jakeraquïtwa. Jichhajj cuntejj sapcäma uc lurapjjam, uqhamat jumanacajj perdonatäjjapjjäta,
ucampisa lutt'asiña urunacap phokhasjjepansti Davidajj palacioparuw catokjjäna, warmipäñapataqui, jupasti mä yokall wawa wawachasiraquïna. Ucampis Davidan luratanacapajj Tatitutaquejj janiw asquïcänti.
Davidasti Natán nayrakatanjja juchanïtapwa amuyasïna: —Tatitu contraw juch lurta —sasa. Natanasti saraquïnwa: —Tatitojj janiw jumarojj juchamat mutuycätamti, janiw jiwcaraquïtasa.
Ucampis nayat nayra marca apnakerinacäcäna ucanacasti marcataquejj mä llaquïnwa, jupanacajja sapüruwa pusi tunca kollkenaca mayisipjjerïna mank'añataqui, vinotaqui. Ucjjarusti sirvirinacapajj marcarojj t'akhesiyapjjänwa. Ucampis nayajj janiw uqham lurcti Diosar ajjsaratajj laycu.
Nayasti juparojj sistwa: —Nayjam chachanacajj janiw jaltapquiti, janiraquiw templorusa imantasipquiti jacañapa khespiyasiñataquejja. Nayajj janipuniw imantasquiristti —sasa.
Nayajj Diosan mutuyäwipjja ajjsaräyätwa. ¡Janiw jupan jach'a cancañapjja amuyt'irjamäcäyätti!
Juma contra, juma contraquiw juchachasta, juchañchctas uca juch lurta. Juchañchatamajj chekapawa; taripäwimasti jan camscayaraquiwa.
Uqhamaraquïniwa qhititejj jake masipan warmipampi jucha lurañan sarnakqui ucajja. Juchapjja uñt'asipuniniwa.
¡Jake masipan warmipampi sarnakerejja, jan amuyt'asiriwa! ¡Qhititejj uqham jan wal lurqui ucajja, jupa pachpawa tucjasisqui!
Jiwañat sipansa juc'amp jan wali jicjjataracta, ucasti cawquïri warmitejj chuymapampejj mä sipitampjama sallkjqui, amparanacapampisa catuntcaraqui ucawa. Qhititejj Diosataqui asquïqui ucajja, uca warmitjja jaltaniwa, ucampis jucharar jakejj uca sipitaruw jalantani.
Ucatwa Tatitojj jichhajj aqham sejja: ‘Jïsa, qhitämawa, ucampisa aca oraket chhaktañamataquiw qhitäma. Jichha maraw jumajj jiwäta, aca marcaru arunacamampejj nayataqui sartayatam laycu” sasa.
Uñisirinacapasti jicjjatasajj mank'antapjjaraquïnwa, sapjjaraquïnwa: ‘Janiw jiwasan juchasataqui, jupanacaw Tatitutaquejj jucha lurasipquejja, uca Tatitusti jupanacataquejj mä suma pastöcaspas uqhamänwa, nayrapacha awquinacapan suyt'añaparaquïnwa’ sasa.
“Maynitejj jake masipan warmipampi wachoka jucha lurasa sarnakchejja, ucasti jiwayatäñataqui juchañchatäñapawa, uca quipcaraqui uca wachoka jucha lurir warmisa.
“Cunapachatejj maynejj jucha lurani jan ucajj juchanis uñjasini Tatitun nayrakatapana, mayni jake masiparu engañatap laycu, jan ucajj cuna kollketejj juparu catt'ayatäcän ucanac engañatapata, jan ucajj jake masipata ch'amampiqui apakatap laycu,
Ucampisa janitejj uqham lurapcäta ucqhajj Tatitu contraw jucha lurasipcta, ucatsti mä uruw uca juchanacatjja mutuyäwejj purinini.
Ucampis jan yatir uywatatejj jan walinac lurchi ucajja, juc'a mutuyäwic catokani. Qhitirutejj walja churatäqui ucatjj waljaraquiw mayitäni; qhitirutejj walja catuyatäquejja ucasti juc'ampiraquiw mayitäni.
Uqhamarusa, qhititejj mä luraña catokqui ucajj asquïñapawa take cunana uqhamat sumaru uchatäñapataqui.
Janiraqui lunthatasipjjpasa, jan ucasti suma cheka jakenacäpjjpan, jacäwinacapajj takens uñjcata, Khespiyir Diosan yatichäwipajj sumätapa yatipjjañapataqui.
Casarasiñarusti takenirac respetapjjam, janirac casadöcasin yakhanacamp wachoka juchan sarnakapjjamti, Diosasti juchañchaniwa wachoka juch luririnacarojja.
Take qhititejj Diosat nacitäqui ucajja, janiw juch lurquiti Diosampi jacatap laycu; janiraquiw juch lurcaraquispati Diosat nacitätap laycu.
Ucampis ajjsaririnaca, jan iyawsirinaca, uñisisirinaca, jake jiwayirinaca, wachoka juchan sarnakerinaca, laykasirinaca, c'ari diosanacar yupaychirinaca, take c'arisirinacampisti nina kotaru jakontatäpjjaniwa, cawqhantï asufrempi naqhqui ucqharu, ucasti payïri jiwawa” sasa.
Ucampis ankaruw kheparapjjani jan wali sarnakerinacasa laykasirinacasa, wachoka juchan sarnakerinacasa, jake jiwayirinacasa, yakha diosanacar yupaychirinacasa, uqhamarac take sallkjirinacasa.