Génesis 39:9 - Qullan Arunaka DC

⁹ Aka utan nayaw jilïritxa, uywirixasti janirakiw kunsa “Janiw” siskituti. Ukhamarus jumax warmipätawa. ¿Kunjämarak nayasti uywirixar uka jan wali luririststi, Dios nayraqatan juch lurarakiriststi? —sasa.

Aymar Bibliia 1986

⁹ Aca utanjja nayaw jilïritjja, uywirejjasti janiraquiw cunsa “Janiw” sisquitutejja, jan ucasti juma sapacwa janejj churquitutejja, jumajj warmipätam laycu. Ucatsti ¿cunjämaraqui nayasti uywirejjarusti uca jan wali luririststi, uqhamarac Dios contrasa juch luraraquiriststi? —sasa.

Qullan Arunaca

⁹ Aca utanjja nayaw jilïritjja, uywirejjasti janiraquiw cunsa ‘Janiw’ sisquitutejja, jan ucasti juma sapacwa janejj churquitutejja, jumajj warmipätam laycu. Ucatsti ¿cunjämaraqui nayasti uywirejjarusti uca jan wali luririststi, uqhamarac Dios contrasa juch luraraquiriststi? —sasa.

Génesis 39:9 Jak'a apnaqawi uñst'ayäwi

Génesis 13:13

kawkhantix jaqinakax jan walïpkäna, Tatit nayraqatansti sinti jach'a juchanak lurapkarakïna ukaru.

Génesis 20:3

mä arumasti, Abimélec reyirux Diosaw mä samkan uñstäna, juparusti sarakïnwa: “Jichhax jiwätawa, kawkïr warmtix irptayasinkta ukax chachan warmiwa” sasa.

Génesis 20:6

Diosasti uka samkan sarakïna: “Nayax taqi kunsa mä suma chuymampi luraskatam yatta, ukat uka warmirux jan llamkt'ayksmati, ukhamat nayatak jan juchachasiskañamataki.

Génesis 20:9

Ukatsti Abimélec reyix Abrahamaruw jawsäna, ukat juparux sarakïna: —¿Kunatsa ukham lurapxista? ¿Kuna jan walsa jumar lursma, ukhamat nayxaru, jaqinakaxxaru mä jach'a juchañchäwi apaniñamatakisti? Ukham lurañax janiw wakiskiti.

Génesis 24:2

Mä urusti, Abrahamax uywatanakapat jilïrïki ukaruw jawsäna, khititix taqpach yänakap uñjirïkäna ukaru, ukat jupar sarakïna: —Nayan lankhu chara manqhäxar amparam ucham,

Génesis 39:10

Warmisti sapüruw Josearux jupamp ikiñatak parlxayirïna, ukampis Joseax janiw warmir ist'känti.

Génesis 41:40

Jumaw jichhax jach'a utaxa apnaqäta, markaxankir jaqinakasti taqiniw jumar jaysapxarakïtam. Reyïtax laykux nayakiw jumat sipan jilïrïyä.

Génesis 42:18

kimsa uru qhipatsti sarakïnwa: —Nayax Diosar axsarir jaqïtwa. Jichhax kuntix sapkäma uk lurapxam, ukhamat jumanakax pampachat uñjasipxäta,

2 Samuel 11:27

llaki urunak phuqhasxipansti, Davidax uka warmir irptayanïnwa, ukatsti reyi utaparuw katuqxäna, jupampiw jaqichasirakïna, uka qhipatsti uka warmix mä yuqall wawa wawachasïna. Ukampis Davidan uka luratapax janiw Tatitutakix askïkänti.

2 Samuel 12:13

Davidasti Natán nayraqatan juchanïtap uñt'asïna, sarakïnwa: —Nayax Tatit nayraqatan jucha lurta —sasa. Natanasti ukxaruw sarakïna: —Tatitux janiw juchamat mutuykätamti, janiw jiwkarakïtasa.

Nehemías 5:15

Ukampis nayat nayra marka apnaqirinakasti, jan wal markar lurapxäna, jupanakax sapüruw pusi tunk qullqi mayisipxirïna manq'añataki, vinotaki. Ukxarusti yanapirinakapax markachirinakarux t'aqhisiyapxirïnwa. Ukampis nayax janiw ukham lurkti Tatitur axsaratax layku.

Nehemías 6:11

Nayasti juparux sistwa: “Nayjam chachanakax janiw jaltapkiti, janirakiw jakañap qhispiyasiñatakix Tatitun utaparus imantasipkiti. Nayax janipuniw imantaskiristti” sasa.

Job 31:23

Nayax Diosan mutuyäwip axsarayätwa; ¡Janiw ch'aman kankañaparus ch'urkhiskiriskäyätti!

Salmos 51:4

4 (6) Jumataki, jumatakiw juchachasta, jumax juchañchkta uka juch lurta. Ukat juchañchatamax chiqapa; taripäwimas jan kamskayaraki.

Éxodo 20:14

“Janiw wachuq jucha lurätati.

Proverbios 6:29

Jaqi masipan warmipamp jucha lurañan sarnaqir jaqix ukhamarakiwa, juchapsti uñt'asipuniniwa.

Proverbios 6:32

¡Jaqi masipan warmipamp sarnaqirix jan amuyt'asiriwa! ¡Ukham jan wal lurir jaqixa, jupa pachpaw tukjasiski!

Eclesiastés 7:26

Jiwañat sipansa kunatix juk'amp jan walïki uk jikxatta: warmix chuymampi sallqxasax amparapampiw qhumanti. Diosar munirix ukham warmit jaltxaniwa, ukampis jucharar jaqix sipitanakaparuw jalt'ani.

Jeremías 28:16

Ukat Tatitux jichhax saraki: ‘Jïsa, khithämawa, ukampis aka uraqit chhaqtañamatakiw khithäma. Arunakamampiw aka markarux nayatak sayt'asir tukuytaxa. Ukat aka mara janïra tukuskipan jumax jiwäta’ —sasa.

Jeremías 50:7

Uñisirinakapasti jupanakar uñjasax p'inqachjapxänwa, ukatsti sapxarakïnwa: ‘Janiw nanakan juchaxäkiti, jupanakaw Tatitu nayraqatan jucha lurasipki, taqi kunsa churir Tatit tuqi, nayra awkinakapan suyt'äwipäkän uka Tatit nayraqatana’ sasa.

Levítico 20:10

“Maynitix jaqi masipan warmipar warmischi ukasti, jupasa, warmisa jiwayatäñatak juchañchatäñapawa.

Levítico 6:2

2 (21) “Kunapachatix maynix juch lurani, jan ukax juchanis Tatitun nayraqatapan uñjasini, jaqi masipar sallqjatap layku, jan ukax, kuna qullqitix jupar katt'ayatäkän ukanak sallqjatapata, jan ukax, jaqi masipat ch'amampik aparxatap layku,

Números 32:23

Ukampis janitix ukham lurapkätaxa, Diosatakiw juchachasipxäta, uka jucha luratat mä uruw mutuñax jumanakatak purinini.

Lucas 12:48

Ukampis jan yatir uywatatix jan walinak lurchi ukaxa, juk'a mutuyäwik katuqani. Khitirutix walja churatäki ukarux waljarakiw mayitäni; khitirutix walja katuyatäki ukarusti, juk'ampirakiw mayitäni.

1 Corintios 4:2

Jichhasti walikiwa, khititix lurañ katuqki ukax askïtap uñacht'ayañapa.

Tito 2:10

Jan lunthatasipxpasa, jan ukasti chiqa jaqinakäpxpan, ukhamat taqi kunansa Tatit Qhispiyirin yatichäwipan sumätap uñacht'ayañataki.

Hebreos 13:4

Chacha warmi jaqichasit sarnaqäwirux taqinipun waqaychapxam, chachasa, warmisa jan yaqhanakampix wachuqan sarnaqapxamti; wachuq juchan sarnaqirirux Diosaw taripani.

1 Juan 3:9

Khititix Diosan wawapäki ukax janiw juch lurkiti, Diosat yuritätap layku; Diosan wawapätap laykusti janiw juch lurkaspati.

Apocalipsis 21:8

Ukampis axsaririnaka, jan iyawsirinaka, uñisisirinaka, jaqi jiwayirinaka, wachuqa juchan sarnaqirinaka, layqasirinaka, idolonakar yupaychirinaka, k'arisirinakampisti, azufrempi nakhir nina qutar jaquntataw uñjasipxani, ukasti payïri jiwawa” sasa.

Apocalipsis 22:15

Ukat sipana, anqaruw qhiparapxani jan wali sarnaqirinaka, layqasirinaka, wachuqa juchan sarnaqirinaka, jaqi jiwayirinaka, idolonakar yupaychirinaka, taqi sallqjirinaka, jan wali luras sarnaqirinakasa.