1 Corintios 4:2 - Qullan Arunaca

² Uqhamarusa, qhititejj mä luraña catokqui ucajj asquïñapawa take cunana uqhamat sumaru uchatäñapataqui.

Aymar Bibliia 1986

² Uqhamarusa, qhititejj mä luraña catokqui ucajj asquïñapawa take cunana uqhamat sumaru uchatäñapataqui.

Qullan Arunaka DC

² Jichhasti walikiwa, khititix lurañ katuqki ukax askïtap uñacht'ayañapa.

1 Corintios 4:2 Jak'a apnaqawi uñst'ayäwi

2 Reyes 12:15

Ucampis janiw jacthapiñataqui mayiscänti qhiti chachanacarutejj kollkejj churatäcäna luririnacaru pagañataqui ucanacatjja, jupanacajj chekaparu apnakerïpjjatap laycu.

2 Reyes 22:7

Ucatsti saraquim: “Kollke churcäta ucatsti janiw jacthapiñatac maycätati, jupanacajj chekaparuwa apnakapjje uca laycu” sasa.

Proverbios 13:17

Jan wali yatiyirejj jan walt'añanacaruw puriyi; cheka yatiyiristi sumaruwa puriyaraqui.

Números 12:7

Ucampisa Moisés sirvirejjarojj janiw uqham lurcäti, jupasti asqui jakewa take sirvirinacajjat sipansa.

Mateo 25:21

Patronasti juparojj siwa: ‘Waliquiwa, jumajj wali suma sirvirïtawa. Juc'äquis ucaru wali sum phokhatamatjja nayajj jichhajj waljäquis ucaruraquiw uchäma. Jichhasti mantanim ucatsti nayampirac cusisim’ sasa.

Mateo 25:23

Patronasti uc ist'asinjja saraquiwa: ‘Waliquiwa, jumajj wali suma sirvirïtawa. Juc'äquis ucaru wali sum phokhatamatjja nayajj jichhajj waljäquis ucaruraquiw uchäma. Jichhasti mantanim ucatsti nayampirac cusisim.’

Lucas 12:42

Tatitusti sänwa: —¿Qhitirac suma phokheri amuyt'an mayordomosti, qhitirutï utanipajj utapanquirinacar horasapar mank'ayañatac jaytisti?

1 Corintios 4:1

Uqhamasti jumanacajj nanacarojj Criston yanapirinacapäpquiristsa uqhamacwa catokapjjañamajja, Diosan jan amuyt'caya amtäwinacapa jumanacar yatichañataqui.

1 Corintios 4:17

Ucataracwa Timoteor qhitanipjjsma. Jupajj Tatit tokenjja mä suma wawajjäcaspas uqhamawa. Jupaw amtayapjjätam cunjämtejj nayajj iyawsirjamajj Cristompi sarnakcta ucjja, uqhamarac cunjämtejj take chekansa iglesianacanjj yatichcta ucsa.

1 Corintios 4:3

Nayajj janiw cuns ajjsarcti, cunsay jumanacajj nayjjat parlapjjam, jan ucajj cunsay mä tribunalajja nayjjat sispan ucjja. Janiw nayapachas juchañchascti.

1 Corintios 7:25

Qhitinacatejj jan casadöpqui ucanacataquejj janiw cuna sañajjas Diosatjja utjquituti, ucampis nayajj ewjja arunacajjacwa churañ munaracta Diosan wawapjama.

2 Corintios 2:17

Nanacajj janiw Diosan arunacapjja mä alaquip lurañar uñtata churapcti, cunjämatejj yakhepanacajj lurapjje uqhama. Diosan arunacapjja take chuymaw yatiyapjjta, Diosan qhitatanacapjama, Dios nayrakatan parlasa, Cristonquir jakenacjamaraqui.

2 Corintios 4:2

Cunatejj jamasan lurasqui, uqhamarac cunatejj p'enkäqui ucanacjja apanucupjjtwa. Janiw jan wali amtañanacampi sarnakapcti janiraquiw Diosan arunacapsa maysar k'ewipcti. Cunatejj chekäqui ucacwa parlapjjtjja, uqhamataracwa takenimpis waliquiw sayasipjjaractjja Dios nayrakatanjja.

Colosenses 1:7

Aca arunacsti jiwasan Epafras sat munat jilatasaw yatichapjjtamjja, jupasti nanac chicaw irnakaraqui, jumanacasti mä suma Tatitun sirviripatracwa juparojj uñt'asipjjtajja.

Colosenses 4:17

Arquipo jilatarusti aqham sapjjam: “Uñtam, cuna lurañtï Tatitojj churctam ucjja sum phokham” sasa.

Colosenses 4:7

Jiwasan Tíquico munat jilatasajja, qhititejj take chuyma nayar yanapquitu Tatitur sirviñanjja, jupaw sum nayjjat yatiyapjjätam.