1 Corintios 4:1 - Qullan Arunaca

¹ Uqhamasti jumanacajj nanacarojj Criston yanapirinacapäpquiristsa uqhamacwa catokapjjañamajja, Diosan jan amuyt'caya amtäwinacapa jumanacar yatichañataqui.

Aymar Bibliia 1986

¹ Uqhamasti jumanacajj nanacarojj Criston yanapirinacapäpquiristsa uqhamacwa catokapjjañamajja, Diosan jan amuyt'caya amtäwinacapa jumanacar yatichañataqui.

Qullan Arunaka DC

¹ Jumanakasti nanakarux Criston yanapiripjamak uñjapxañama, Diosan jan amuyt'kay amtäwinakap yatichañataki.

1 Corintios 4:1 Jak'a apnaqawi uñst'ayäwi

Mateo 13:11

Jesusasti jupanacarojj sänwa: —Jumanacarojj Diosajj yatiyapjjtamwa cunanacatejj alajjpachan imantatäqui ucanacjja, ucampis jupanacarojj janiw yatiyatäpcänti.

Mateo 24:45

“¿Qhitis suma uywatajja amuyuniraquejja, ucat utanipajj jupar jaytawayaspan take utancquis ucanacar horasapar mank'anacs churañapataqui?

Marcos 4:11

Jesusasti jupanacarojj sänwa: —Jumanacarupï khanpach yatiyatajja jan amuyt'caya Diosan reinopatjja, ucampis mayninacarojj take cunas uñtasïwinac tokwa yatiyasi,

Lucas 1:2

Cunjämatï kalltatpach uñjapcäyätans ucanacajj uqhampachwa jiwasarojj yatichapjjestu, uqhamaraquiw jupanacajj Diosan arunacap yatiyañans yanapapjjäna.

Lucas 12:42

Tatitusti sänwa: —¿Qhitirac suma phokheri amuyt'an mayordomosti, qhitirutï utanipajj utapanquirinacar horasapar mank'ayañatac jaytisti?

Lucas 8:10

Ucat jupanacar saraquïna: —Jumanacarojj Diosaw yatiyapjjtam cunanacatejj alajjpachan imantatäqui ucanacjja; ucampis mayninacarojj uñtasitanac tok parltjja, uñjcasinsa jan uñjir tucupjjañapataqui, uqhamarac ist'casinsa jan amuyt'apjjañapataqui.

Romanos 11:25

Jilatanaca, nayajj muntwa jumanacajj Diosan jamasan imantatäqui uca yatipjjañama, jan jumanacajj wali yatiñaninacjam tucupjjañamataqui. Ucasti acawa: Yakhep israelitanacajj chekpachansa chuymanacapjja kalarayasipjjewa, ucasti qhitinacatejj jan israelitanacäquis ucanacan mantañapcamaquiw lurasi.

Romanos 16:25

Jichhasti Diosaru yupaychapjjañäni. Jupaquiwa jumanacarojj wali ch'amani tucuyaspajja, cunjämtejj nayajj jumanacaru yatichapcsmas khespiyasiñ toketjja, Cristo laycu utjatapäquis ucan sarnakañanjja. Take acanacasti Diosan khanstayatawa, ucampis janïra aca orakejj lurasquipanwa imantatänjja.

1 Corintios 2:7

Diosan yatiñ cancañapatwa parlapjjtjja, uca Diosan amtatapasti jan amuyt'cayawa. Aca orakejj janïra utjcän ucqhatpachracwa Diosajj ucanacjja amtäna jiwasan khespiyasiñasataqui, wiñayan wiñayapataqui.

1 Corintios 3:5

¿Qhitiraqui Pablosti? ¿Qhitiraqui Apolosti? Diosan sirviripaquïpjjewa, jumanacajj jupanac tokracwa Tatitur iyawsapjjtajja. Sapa maynis nanacarojj cuntï Diosajj: “Luram” sapquitu ucacracwa lurapjjta.

1 Corintios 4:13

Nanacjjatjja jan walinac parlapjje, ucampis llamp'u chuymampiw nanacajj cunsa amuyt'ayapjjaractjja. Mä t'unarjamaw uñjapjjetu, jan cunatac sirvir jakerjamaw uñjapjjetu. Jichhürcamas take jakenacat sipansa wali jisc'achatäpjjaractwa.

1 Corintios 4:2

Uqhamarusa, qhititejj mä luraña catokqui ucajj asquïñapawa take cunana uqhamat sumaru uchatäñapataqui.

2 Corintios 11:23

¿Criston sirvirinacapäpjjeti? Nayajj jupanacatsa juc'ampïtwa. Acanac parlasajj inas mä lokhe jakjama parlsta. Jupanacat sipansa juc'ampwa irnaktjja, uqhamarac jupanacat sipansa juc'ampi jawk'jataw uñjastjja. Walja cutiw carcelar llaventapjjetu, walja cutiraquiw jiwañatsa khesptjja.

2 Corintios 12:6

Naya pachpatsa jach'achasquirista ucajj janiw cuna lokhe cancañäcaspasa; jan ucasti chekacwa sasquiristjja. Ucampis janiw ucanac lurcti jan qhitis nayatjj juc'ampi sumätajj amuyañapataqui cuntï nayan uñjqui uqhamarac ist'qui ucanacatjja.

2 Corintios 4:5

Cunapachatï nanacajj parlapcta ucqhajj janiw nanacatti parlasipctjja, jan ucasti Jesucriston Tatitütapatwa parlapjjtjja. Nanacasti jumanacan sirvirimaquiw tucupjjtjja, Jesucristor munapjjatajj laycu.

2 Corintios 6:4

Ucat sipansti takenirus uñacht'ayañ munapjjta chekpachansa nanacajj Diosar sirvirinacäpjjatajja, wali llamp'u chuymampiw t'akhesipjjta, pist'ayasiñanacansa, jan walt'añanacansa.

Efesios 1:9

Uqhamaraquiw uñt'ayistu jan amuyt'cañ amtäwipjja, ucasti cuntejj jupajj munañaparjam amtqui ucawa.

Efesios 6:19

Nayataquis Diosatjja mayipjjaraquim, parlcta ucapach Diosajj nayar arunac churañapataqui, uqhamat take ch'amampi parlañajjataqui, imantatäqui uca khespiyasiñ arunac mayninacar yatiyasa.

Colosenses 2:2

Munaractwa jupanacajj chuymanacapanjja wali ch'amañcht'atäpjjañapa, mayaquïpjjañaparaqui munasiñansa, chekpach amuyumpi suma phokt'atäpjjañapawa, uqhamat Diosan imantäwipa uñt'añataqui, ucasti Cristo pachpawa.

Colosenses 4:3

Nanacataquis orapjjaraquim Diosajj nanacatac waquichañapataqui arunacap parlañataqui, uqhamarac cunatejj Criston imantatäqui ucanac khanañchañataquisa, uca imantata laycuraquiw jichhas preso jicjjatasisctjja.

1 Timoteo 3:16

Janiw Diosar arcäwisana imantatäqui ucatjja payachasiñajj utjquiti, ucasti wali jach'awa: Diosajj jaker tucusaw uñstawayi; jupajj Ajayunsa asquit khanañchataraquiwa, angelanacansa uñjataraquiwa. Marcanacarojj yatiyatawa, aca orakpachanjja iyawsataraqui, alajjpachansa catokataraqui.

1 Timoteo 3:6

Obispojj janiw mä machak iyawsirïñapäquiti jan jach'a jach'a tucuscañapataqui, jan Supayjama pachpa juchañchäwiru aynacht'ascañapataqui.

1 Timoteo 3:9

Iyawsäwi toket khanañchatäquis ucjja sum catjjäsiñaparaquiwa, k'oma chuymanïñaparaquiwa.

Tito 1:7

Qhititejj obispot uchatäqui ucajj Diosan yänacap uñjirit uchatawa, ucatwa waquisi chekap jacañapajja. Janiw jalta chuymäñapäquiti, jan wali chuymanïñapäquisa, machirïñapäquisa, ch'ajjwañ munirïñapäquisa, janiraquiw lunthatasiñampi jicjjatat kollksa munañapäquiti.

1 Pedro 4:10

Sapa maynis cunjämtejj Diosat ch'am catokquejj uqhama maynirojj sirvpan, uqhamata take bendiciontï Diosajj churquistu ucajja sum apnakañasataqui.