Ucürunacanjja walja sallkjirinacaw jutani: ‘Cristötwa’ sasa, uqhamaraquiw mayninacajj Diosat parlta sasaraqui, ucatsti ajllitanacarusa c'arintapjjaraquiniwa, milagronacampi, unañchanacampi lurasa.
Gálatas 3:1 - Qullan Arunaca ¡Cunja pisi chuymanïpjjtasa, jumanacajj Galacianquirinaca! ¿Qhitis jumanacarojj c'arintapjjtam chekpach Tatitun arunacaparu jan jaysapjjañamataquejja? Nanacajj yatichapcsma ucqhajja uñacht'ayapjjsmawa pachpa Jesucristo ch'accatataru. Aymar Bibliia 1986 ¡Cunja pisi chuymanïpjjtasa, jumanacajj Galacianquirinaca! ¿Qhitis jumanacarojj c'arintapjjtam chekpach Tatitun arunacaparu jan jaysapjjañamataquejja? Nanacajj yatichapcsma ucqhajja uñacht'ayapjjsmawa pachpa Jesucristo ch'accatataru. Qullan Arunaka DC ¡Galacia markankir pisi amuyt'an jaqinaka! ¿Khitirak jumanakar sallqjapxtamsti? Jumanakar yatiyapksma ukapachax, naya pachpaw jumanakar sum qhanañchapxsma, kunjämättix Jesucristox cruzan ch'akkatat jiwkän uka. |
Ucürunacanjja walja sallkjirinacaw jutani: ‘Cristötwa’ sasa, uqhamaraquiw mayninacajj Diosat parlta sasaraqui, ucatsti ajllitanacarusa c'arintapjjaraquiniwa, milagronacampi, unañchanacampi lurasa.
Ucampis qhititejj ist'quitu ucatsti janiraqui lurquiti cuntï nayajj siscta ucjja, mä jan amuyt'an jakejj ch'alla patarus mä uta utachcaspas ucamp sasiwa.
Ucapachaw Jesusajj jupanacarojj saraquïna: —¡Cunja jan amuyt'irïpjjaracta jumanacasti, kala chuymaninaca cunatarac profetanacan arsutanacapar jan iyawsapjjtasti!
Kollan Ajayojj jupanacarojj Tatitun arunacapjja janiw Asia marcan parlayañ muncänti. Ucatwa jupanacajj Frigia, uqhamarac Galacia tokenacaru sarjjapjjäna.
Diosan arunacapasti juc'ampiw parlatäna Jerusalenanjja. Uqhamaraquiw iyawsirinacas waljaniraqui yapjjattaraquïna. Walja sacerdotenac cunaw Tatiturojj iyawsapjjaraquïna.
Ucampis janiw qhitis yäkquiti khespiyasiñ arunacjja. Cunjämtï Isaías profetajj sisqui uqhama: “Tatitu, ¿qhitis suma yatiyäwisarojj iyawsejja?” sasa.
Ucampis jan ist'asis ch'ajjwirinacarojja mutuyaniwa, chekat sipana jan walïquis ucar jaysatap laycu.
Ucampis nayajj Diosarojj yuspagartwa jumanacan uca juchan esclavöñat mistunitanacamata, take chuymanacamampi Diosar iyawsasa, cuna yatichäwinactejj jumanacajj catokapcta ucarjama.
Uqhamat sapa cuti jumanacajj aca t'ant'a mank'apcäta, uqhamarac aca copata umapcäta ucqhajja, Tatitun jiwatapwa yatiyasipctajja jupan jutañapcama.
Jumanacampïcasinjja janiw nayajj cunatsa yatiñ muncäyätti jan ucasti Jesucriston crusan jiwatapatac yatiñ munäyätjja.
Uqhampï nanacajj t'unjapjjtjja Dios contra jan wali parlanac utjatapjja, uqhamarac Diosan arunacapajj jan uñt'atäñapataqui jarc'quis uca arunacarusa. Take jakenacan amtatanacapsa Cristoruquiw catuyapjjta, ucanacajj juparu ist'apjjañapataqui.
Cunjämatejj catarejj Eva warmirojj wali c'arinacapampi sallkjänjja, uqhamaraquiw nayajj jumanacatjja llaquista: “Acanacajj amtäwinacapan sallkjayasipcanicha” sasa, uqhamäspa ucajj jumanacajj saraktasjjapjjasmawa, Cristor k'oma chuymampi sirviñatjja.
Naya, uqhamarac cawquïri jilatanacatejj nayampïqui ucanacamp chicaw aca cartjja apayanïpjjsma Galacia tokenquir iglesianacaru.
Wal muspharta, jumanacajj mäquiw Diosaru jaytanucupjjtajja, jupasti Jesucriston munasiñap tokew jawsapjjtam, jumanacasti yakha casta khespiyasiña arunacaruw arcapjjaractajja.
Ucampis nayaw uñjtjja jan Tatitun arunacaparjama sarnakatanacapa, ucatwa Pedrorojj ajanuparu sista take jilatanacan nayrakatapan, aqham sasa: “Jumajj judiöcasin jan judiöpquis ucanacjamaquiw sarnaktajja, ucampis ¿cunjämsa jan judiöpqui ucanacarojj judiöpcaspas uqham sarnakayañ muntajja?” sasa
¿Cunjämats jumanacajj aqham pisi chuymanïpjjta? ¿Ajayun ch'amapampi kalltcasina ucjja jumanacan ch'amanacamampiti phokhachañ amuyapjjta?
Ucampis jichhajj Diosarojj uñt'jjapjjtawa, Diosajj jumanacarojj uñt'jjapjjaractamwa. ¿Cunjämsa wasitampi cutt'apjjasma uca pisi ch'amani amuyunacarusti, wasitampiti uca sarnakäwinacan esclavonacapa tucuñ munapjjta?
Jilatanaca, nayatejj jumanacaru: “Circuncisión lurayasisipcaquim” sapjjerisma ucajja, judionacajj janiw jiwayañatac arcnakapquitaspati. Uqhamäspa ucajja janiw Criston crusapat parlañajj jupanacar mayjt'aycaspati.
Diosancapqui uca jisc'anacat sipansa nayajj pisïtwa. Ucampis jupaw acqha suma yatiyañ churitu, jan judiöpquis ucanacaru Criston jan jact'cañ kamir cancañapat suma yatiyäwinac yatiyañajjataqui.
Janiw wawanacjamäcjjañäniti, cawcsarus janc'aqui irpataqui, cawquïri machak yatichäwin thayapampis apataqui, uqhamarac sallka jakenacan luräwinacapar jalantasa, jupanacasti jan wali sarnakäwinacaparuw irpañ munistu.
Uqhamajj sarnakäwinacamanjja sum amuyasipjjam. Yatiñ cancañampi jacapjjam, janirac jan yatirinacjamajja.
¿Aqhamti Diosaru pagapjjta? Pisi chuyma jan yatiñan jakenaca, ¿janit jupasti awquimäqui, irnokerimäcaraqui? ¡Jupaw irnoktam, jacañsa churaractam!
Diosar jan catokerinacar mutuyiriw jutani, uqhamarac Tatit Jesucristosan khespiyasiñ arunacapar jan ist'irinacarusa.
uquïrejj janiw cuns yatquiti, jan ucasti jach'a jach'a tucuriquiwa. Arunacjjata tokesiñ amtäwimpi usutawa. Acatwa utji envidiasiñanacajja, ch'ajjwañanacasa, usuchjasiñanacasa, uqhamarac pächasiñanacasa,
Iyawsäwi tokeraquiw Abrahamajj cunapachatejj Diosajj jawscäna ucqhajj ist'äna, ucatsti jupajj mistuwayjjänwa cawqharutejj Diosajj orak churañapäcäna ucaru. Orakepat mistusinsti janiw cawcsar sarataps yatiscaraquïnti.
Uqhama suma tucuyatäsinjja wiñay khespiyasiñ chuririw tucu take jupar jaysirinacarojja;
Jichhajj jumanacajja, Kollan Ajayu toke Tatitun arunacap ist'asinjja, almanacamjja k'omachasjjapjjtawa jilatanacaru chekpachan munañataqui. Uqhamajj maynit maynicamaw munasipjjañama take chuyma, uqhamarac take ch'amampi.
Horasajj purinjjewa, Diosan taripäwipajj wawanacapata kalltañapataqui. Taripäwitejj jiwasampi uqham kalltchi ucajja, ¿cunjämaraquïni qhitinacatejj Diosar jan iyawsapqui ucanacan tucuyapasti?
Jupanacasti jan wali arunacwa parlapjje. Ucatsti vicionacapampi jan wali lurañanacapampejja, uca jan walinacat jaltanirinacarojj wasitatwa uca jan walinacaru irpapjje.
Take marcanacasti uca Babilonian wachoka jucha luratanacapampejj vinompjamaw macharapjje. Acapach reyinacasti uca Babiloniampiraquiw wachoka juchan jacapjjänjja, alaquipa luriri jakenacasti jupan jan wali sarnakatapampejj waliraqui kamiriptapjjänjja” sasa.
Ucampis mayan juma toke sañajj utjitu. Jumajj amuquiw catoktajj uca Jezabel sata warmirojja. Uca warmejj —Dios toket parlta —siwa, ucampis janiw uqhamäquiti, jan ucasti yatichäwinacapampejj sirvirinacajjaruw pantjayasqui wachoka juchan jacayasa, uqhamarac yakha diosanacar loktatäquis ucanac mank'ayasa.
Samuelosti saraquïnwa: —¡Luratamajj mä lokhe jaken luratapjamawa! Tatitojj cuntejj sisctam uca arunactejj ist'asamän ucapachajj juman apnakañamajj wiñayataquïsapänwa uca Israel marcanjja.