2 Corintios 11:3 - Qullan Arunaca

³ Cunjämatejj catarejj Eva warmirojj wali c'arinacapampi sallkjänjja, uqhamaraquiw nayajj jumanacatjja llaquista: “Acanacajj amtäwinacapan sallkjayasipcanicha” sasa, uqhamäspa ucajj jumanacajj saraktasjjapjjasmawa, Cristor k'oma chuymampi sirviñatjja.

Aymar Bibliia 1986

³ Cunjämatejj catarejj Eva warmirojj wali c'arinacapampi sallkjänjja, uqhamaraquiw nayajj jumanacatjja llaquista: “Acanacajj amtäwinacapan sallkjayasipcanicha” sasa, uqhamäspa ucajj jumanacajj saraktasjjapjjasmawa, Cristor k'oma chuymampi sirviñatjja.

Qullan Arunaka DC

³ Ukampis axsarañaxaw utjitu, kunjämatix katarix Eva warmir k'arinakapampi sallqantänxa, ukhamach jumanakan chuymanakam sallqantarakispa uk amuyta, ukhamäspa ukasti Cristor q'uma chuymampi arkañat saraqtayapxiristam.

2 Corintios 11:3 Jak'a apnaqawi uñst'ayäwi

Génesis 3:1

Diosasti take animalanac lurcatayna ucanac taypinjja catarejj wali ch'iqhïnwa take animalanacat sipansa, ucatsti warmiruw jisct'äna aqham sasa: —¿Uqhamajj Diosajj sapjjtamti: ‘Janiw cawquïri kokan achunacapsa mank'apjjätati’ sasa?

Génesis 3:13

Ucatsti Tatitu Diosajj warmirojj jisct'araquïnwa: —¿Cunatsa uc lurta? —sasa. Warmisti saraquïnwa: —Catariw nayarojj c'arintitu ucatwa nayajj mank'antta —sasa.

Génesis 3:20

Chachasti warmiparojj Eva sasaw sutichäna, jupajj take jaquirinacan taycapätap laycu.

Génesis 3:4

Cataristi warmirojj sänwa: —Janiw ucajj chekäquiti, c'ariwa. Janiw jiwapcätati.

Salmos 119:53

Arunacam jaytanucur ñankha luririnacataquejj chuymajjajj walpun k'apisi.

Mateo 24:24

Ucürunacanjja walja sallkjirinacaw jutani: ‘Cristötwa’ sasa, uqhamaraquiw mayninacajj Diosat parlta sasaraqui, ucatsti ajllitanacarusa c'arintapjjaraquiniwa, milagronacampi, unañchanacampi lurasa.

Juan 8:44

Jumanacan awquimajj Supayawa, jumanacajj Supayancapjjtawa. Cuntejj jupajj munqui ucwa lurapjjaractajja. Supayajj kalltatpacha jake jiwayiriwa. Janiw cunapachas jupajj chek parlquiti, jupajj c'arïtap laycu. Cunapachatejj c'arinac parlqui ucqhajja jupatacwa parlasqui, c'arïtap laycu, uqhamarac c'arin awquipätap laycuraqui.

Romanos 12:8

Maynitejj mayninacaru ch'amachañ yatchejja, ucaruy uchaspan; qhititejj churaña yatekejja, take chuyma churpan; qhititejj sarayañ yatchejja, amuyumpi saraypan; pist'atanacar yanapt'aña yatchejja, cusisit chuymampi churaracpan.

2 Corintios 1:12

Mayaw nanacarojj cusisiyapjjetu. Chuymanacajjajj sapjjetuwa nanacajj aca orakenjja mä suma chuymampi, uqhamarac k'oma chuymampi sarnakapjjatajja, jumanac taypinjja yämasa. Diosaw qhuyapayasiñapanjja uqham sarnakañataquejj yanapapjjetu, janiw nanacan amuyt'asipjjatanacajj laycuti.

2 Corintios 11:20

Ucampis jumanacajj janiw arsusipctati uca ch'amampi sirviyasirinacarojja, jumanacan tucjirinacarusa, jumanacar jisc'achirinacarusa, uqhamarac jumanacar nuwirinacarusa.

2 Corintios 11:29

Maynitejj t'uqha uñjaschi ucajja, naya pachpas t'uqhäquirista uqhamätwa. Mä jilatarutï tincuyapjjchi ucajja, nayataquejj p'enkasiñatsa, colerañjamaraquiwa, ucatjja wal llaquisiracta.

2 Corintios 2:17

Nanacajj janiw Diosan arunacapjja mä alaquip lurañar uñtata churapcti, cunjämatejj yakhepanacajj lurapjje uqhama. Diosan arunacapjja take chuymaw yatiyapjjta, Diosan qhitatanacapjama, Dios nayrakatan parlasa, Cristonquir jakenacjamaraqui.

2 Corintios 4:2

Cunatejj jamasan lurasqui, uqhamarac cunatejj p'enkäqui ucanacjja apanucupjjtwa. Janiw jan wali amtañanacampi sarnakapcti janiraquiw Diosan arunacapsa maysar k'ewipcti. Cunatejj chekäqui ucacwa parlapjjtjja, uqhamataracwa takenimpis waliquiw sayasipjjaractjja Dios nayrakatanjja.

Gálatas 1:6

Wal muspharta, jumanacajj mäquiw Diosaru jaytanucupjjtajja, jupasti Jesucriston munasiñap tokew jawsapjjtam, jumanacasti yakha casta khespiyasiña arunacaruw arcapjjaractajja.

Gálatas 2:4

Ucampisa mayni c'ari jilatanacaw nanac taypiru mantanitayna, Jesucristo toke khespiyatäpctsa uc uñakeri, uqhamat wasitampi leyin luräwinacaparu jaysapjjañanacajjataqui.

Gálatas 3:1

¡Cunja pisi chuymanïpjjtasa, jumanacajj Galacianquirinaca! ¿Qhitis jumanacarojj c'arintapjjtam chekpach Tatitun arunacaparu jan jaysapjjañamataquejja? Nanacajj yatichapcsma ucqhajja uñacht'ayapjjsmawa pachpa Jesucristo ch'accatataru.

Gálatas 4:11

Llaquistwa inas jumanac taypin luratajjajj inamayaquïchi.

Efesios 4:14

Janiw wawanacjamäcjjañäniti, cawcsarus janc'aqui irpataqui, cawquïri machak yatichäwin thayapampis apataqui, uqhamarac sallka jakenacan luräwinacapar jalantasa, jupanacasti jan wali sarnakäwinacaparuw irpañ munistu.

Efesios 4:22

Nayra jacäwinacamarjam sarnakañjja apanucupjjam, uca sarnakäwisti cunayman jucha lurañanacampi sallkjatänwa.

Efesios 6:24

Diosajj bendispan qhitinacatejj Tatit Jesucristosaru jan pächasisa munapqui ucanacarusa.

Colosenses 2:18

Jan chhakañaru apayasipjjamti qhitinacatejj wali suma chuymanit uñt'ayasipqui, uqhamarac angelanacar yupaychiri tucupqui ucanacampejja. Jupanacajj uñanchäwinacs uñjapcaspa uqhamäpjjewa, ucatsti amuyt'anïpjjatap laycuraquiw wali jach'a jach'a tucupjje.

Colosenses 2:4

Acsti jumanacarojj sapjjsmawa jan qhitis jumanacar suma arunacampi sallkjascañapataqui.

Colosenses 2:8

Wal amuyasipjjam, janiraqui sallkjayasipjjamti qhitinacatejj c'ari amuyt'anacapampi sallkjañ munapjjtam ucanacampejja. Jupanacasti janiw Tatitur iyawsapquiti, jan ucasti jakenacan sarnakäwinacaparu, amtatanacaparuquiw phokhapjje cuna tokensa.

1 Tesalonicenses 3:5

Ucatpï nayajj jan juc'amp suyaña munasina, qhitantjja cunjämas iyawsäwinjja sarnakasipcta uc yatiñataqui. Llaquisiscäyätwa: “Supayajj jan wali thaquiruch pantjayqui ucat nanacan luräwinacajjajj ina ch'usaruch tuccani” sasa.

1 Timoteo 1:3

Cunjämatejj achict'ascäyäsmajja Macedonia ucsaru sarcasajja, jichhajj Éfeso marcar kheparam, ucan yakhep c'ari yatichirinacar ewjjt'añamataqui jan uca c'ari yatichäwinac yatichapjjañapataqui,

1 Timoteo 2:14

Adanajj janiw sallkjatäcänti, jan ucasti warmiwa; sallkjayasisinsti jucharuw jalanti.

2 Timoteo 3:13

Ucampis jan wali jakenacajj uqhamarac sallkjerinacasa jan walit juc'amp jan waliruw sarapjjani, sallkjasina, uqhamarac sallkjayasisina.

Tito 1:10

Ucampis waljaniw sayt'irinacajj utjapjje, judionacat yämasa juc'ampiwa, ucanacasti jan walinac parlapjje ucat jakenacar sallkjapjje.

Hebreos 13:9

Janiy yakha jan uñt'cay yatichäwinacampejj apayasipjjamti. Waquisiwa chuymanacasaru munasir Diosan ch'amap catokañasajja, mank'añataquejj cunayman leyinacas utjchi ucasa. Take aca leyinacajja janipuniw cuna ascsa lurcänti arquirinacaparojja.

2 Pedro 3:17

Ucatpï munat jilatanaca, niyaquitejj jumanacajj acanacjja jichhatpach yatjjapjjstajja, ucatsti amuyasipjjam jan uca sallkjirinacampi apayasiñataqui, uqhamata walïcasin jan aynacht'añataqui.

2 Pedro 3:3

Nayrakatajj ac amuyt'asipjjam: Khepa urunacanjja Tatitun yänacapat phiscasiri jakenacaw sartapjjani, jan wali amtatanacaparjamaraquiw sarnakapjjani,

1 Juan 2:18

Wawanaca, khepa urunacajj purinjjewa. Jumanacajj ist'apjjäyätawa: “Anticristojj jutaniw” siri; cunjämatejj jichhajj Cristo toke parlirinacajj wali uñstawayejja, uqhamatwa yattanjja khepa urunacäjjatapa.

1 Juan 4:1

Munat jilatanaca, jan cuna casta yatichäwirus Diosan yatichäwipäcaspas uqham arcapjjamti, jan ucasti yant'apjjam chekpachapunit Diosan Ajayupani janicha. Walja c'ari yatichirinacaw acapacharojj phokhantasqui. Jupanacasti sapjjewa: “Diosanquirïpjjtwa” sasa.

Judas 1:4

Yakhepanacajj sallkjañanac toke mantanipjje, ucanacarusti Kellkatanacajj nayra pachanacatpachwa uñacht'ayäna cuna juchañchäwtejj catokañanacapäqui ucjja, jan wali jakenacäpjjatap laycu. Uca ñankha lurir jakenacajj Diosan qhuyapayasiñapjja maysaruw uñtayapjje jan wali luräwinacapan jacañataqui, ucatsti apanucupjjewa jiwasan mä sapa Uywirisaru Tatit Jesucristorusti jan uñt'ir tucupjje.

Apocalipsis 12:15

Uca cataristi lacapatjja umwa mistuyäna mä jawirjama, uqhamat warmiru uca jawirampi apayañataqui.

Apocalipsis 12:9

Uqhamajj uca dragonajj jakonucutäjjänwa alajjpachatjja. Uca dragonapï nayrapacha uca jach'a catarïnjja, ucasti Supaya, Satanás sataraquiwa, juparaquiw aca oraken jakenacarojj wali sallkjañanac luri. Jupampi angelanacapampisti aca orakeru jaktanitäjjapjjänwa.

Apocalipsis 20:2

Aca angelasti dragonaruw catuntäna. Uca dragonasti nayrapacha catari pachpa Supayawa. Catuntasinsti waranka marataquiw ñach'antaraquïna.