1 Pedro 4:17 - Qullan Arunaca

¹⁷ Horasajj purinjjewa, Diosan taripäwipajj wawanacapata kalltañapataqui. Taripäwitejj jiwasampi uqham kalltchi ucajja, ¿cunjämaraquïni qhitinacatejj Diosar jan iyawsapqui ucanacan tucuyapasti?

Aymar Bibliia 1986

¹⁷ Horasajj purinjjewa, Diosan taripäwipajj wawanacapata kalltañapataqui. Taripäwitejj jiwasampi uqham kalltchi ucajja, ¿cunjämaraquïni qhitinacatejj Diosar jan iyawsapqui ucanacan tucuyapasti?

Qullan Arunaka DC

¹⁷ Diosax markapar taripañ qalltkani uka urux purinxiwa. Uka taripäwitix jiwasampi ukham qalltchinixa, khitinakatix Diosar jan iyawsapki ukanakan tukuyäwipax, ¿kunjamäpachanisa?

1 Pedro 4:17 Jak'a apnaqawi uñst'ayäwi

Isaías 10:12

Cunapachatejj Tatitojj take lurañanacap phokhani, Sión kolluna, Jerusalenansa ucqhajja, Asirianquir reyirojj mutuyaniwa jach'a jach'a tucutapata, wali jach'a chuymäña jach'a amtañampiraqui luratanacapatsa.

Jeremías 25:29

Jichhasti mutuyäwinacajj apayanï cawquïri marcatejj nayataqui yakhachatäcäna uca marcjjarojja. ¿Jumanacasti amuyapjjtati jan mutuyataqui kheparañjja? Janiw uqhamaqui jumanacajj kheparapcätati, guerran nuwasiñsti take acapachanquir jakenacjjaruw apayanï. Naya Tatituw ucjja arsta.’

Jeremías 49:12

Tatitusti siwa: “Qhitinacatejj jan mutuyäwi catokapjjchïn ucanacatejj mutuñapa mallt'apjjchi ucqhasti, janiw jumajj jan mutuyäwi catokasa kheparcaraquïtati, jan ucasti mutuyäwimjja catokapunïtawa.

Amós 3:2

“Take aca orakenquir marcanac taypitjja jumanac saparuquiw ajllisipjjsmajja. Ucatwa take jan wali ñankhanac luratanacamatjja jaqhuta mayipjjämajja” sasa.

Malaquías 3:5

Take ch'aman Diosasti siwa: “Nayaw jumanacaru juchañchiri jutä. Uca quipcaraquiw nayajj testigot sayt'ä qhitinacatejj laykasipqui, yakha warminacampi sarnakapqui, c'ari juramento lurapqui, irnakerinacarusa jan pagapquiti, ijmarus wajcharus jachayapqui, yakha marcat jutir jakenacarus jan wal uñjapqui, uqhamaraqui jan ajjsarapquituti take ucanacjjarojja.”

Lucas 23:31

Ch'ojjña alinacampitejj ucjja lurapchejja, waña alimpejj ¿cuns lurapjjani? —sasa.

Romanos 1:1

Naya Pablojj Jesucriston sirviripätwa. Apostolöñajjataquejj Diosaw jawsitu, yakhacharaquitu jupan khespiyasiñ arunacap jakenacar yatiyañajjataqui.

Romanos 2:9

Take jan wali luririnacataquejj wali t'akhesiñanaca llaquisiñanacampiw utjani, nayrakatajj judionacataqui, uqhamarac jan judiöpquis ucanacataquisa.

Gálatas 3:1

¡Cunja pisi chuymanïpjjtasa, jumanacajj Galacianquirinaca! ¿Qhitis jumanacarojj c'arintapjjtam chekpach Tatitun arunacaparu jan jaysapjjañamataquejja? Nanacajj yatichapcsma ucqhajja uñacht'ayapjjsmawa pachpa Jesucristo ch'accatataru.

Gálatas 5:7

Jumanacajj walic sarasipcäyätajja: ¿Qhitis asqui luräwiru jaysañjja jaytanucuyapjjtamjja?

Gálatas 6:10

Ucatpï, sapa cuti asqui lurañajj utjchi ucqhajja, takeniruw asqui lurañäni, juc'ampis iglesianquir jilatanacasaru.

2 Tesalonicenses 1:8

Diosar jan catokerinacar mutuyiriw jutani, uqhamarac Tatit Jesucristosan khespiyasiñ arunacapar jan ist'irinacarusa.

1 Timoteo 3:15

inampis jan janc'a jutquirista, jumajj yatiñamawa Diosan familiapjama cunjäma sarnakañamasa Diosan cheka arunacap catjjäsqui arjjatcaraqui uca iglesiana.

Hebreos 11:8

Iyawsäwi tokeraquiw Abrahamajj cunapachatejj Diosajj jawscäna ucqhajj ist'äna, ucatsti jupajj mistuwayjjänwa cawqharutejj Diosajj orak churañapäcäna ucaru. Orakepat mistusinsti janiw cawcsar sarataps yatiscaraquïnti.

Hebreos 2:2

Cawquïr camächi arunacatejj Diosajj nayra pachanacan angelanac toke churascäna ucajja khanañchatänwa, ucatsti qhitinacatejj juchañchasipjjäna, uqhamarac uca arunacarus jan ist'apcäna ucanacajj waquisitaparjam mutuyatäpjjänwa.

Hebreos 2:4

Uqhamarusa, Diosaraquiw khanañcharaqui unañchanacampi, muspharcañ jach'a luräwinacampi, walja milagronacampi, uqhamarac cunayman toket churquistu uca Kollan Ajayu toke, munañaparjama.

Hebreos 3:6

Ucampis Cristojj mä wawjamajj chekawa uca Diosan utapjjarojja. Uca utasti jiwasanac pachpätanwa, take chuymatejj sarascaquiñäni, uqhamarac tucuycama iyawsañäni cusisita suyt'äwisana ucajja.

Hebreos 5:9

Uqhama suma tucuyatäsinjja wiñay khespiyasiñ chuririw tucu take jupar jaysirinacarojja;

1 Pedro 2:5

Jumanacasti mä jacquir kaläpcasmas uqhamaraqui Diosarojj catuyasipjjam, ucatsti Diosajj jumanacampejj mä suma ajayun templjama sayt'ayañapataqui, uqhamarac jumanac quicpas Diosar sirvir sacerdotenac tucupjjañamataqui, Jesucristo toke take ajayun sacrificionac Diosar loktapjjañamataqui, Diosajj catokañapataquiraqui.

1 Pedro 2:8

Ucatsti aca aruraquiw phokhasi: “Uca kalajj mayninacarojj lanctasiyiwa liwisiyir karkaraquiwa.” Uca jakenacasti Tatitun arunacapar jan iyawsapjjatap laycuw liwisipjje, ucataqui uchatäpjjaraquïnwa.