Gálatas 2:21 - Qullan Arunaca

²¹ Janiw Diosan qhuyapayasiñapjja apanucuñ muncti. Maynitejj Diosampi catokatäspa leyiru ist'atap laycu ucajja, janiw cunataquis Criston jiwatapajj asquïcaspati.

Aymar Bibliia 1986

²¹ Janiw Diosan qhuyapayasiñapjja apanucuñ muncti. Maynitejj Diosampi catokatäspa leyiru ist'atap laycu ucajja, janiw cunataquis Criston jiwatapajj asquïcaspati.

Qullan Arunaka DC

²¹ Janiw Diosan khuyapayasiñap apanukuñ munkti; kamachinakar ist'atas laykukitix Tatitux katuqistaspaxa, janiw kunatakis Criston jiwatapax askïkaspati.

Gálatas 2:21 Jak'a apnaqawi uñst'ayäwi

Salmos 33:10

Tatitojj ñankha lurir marcanacan amtatanacap t'unji, Tatitur jan iyawsir jakenacan amtatanacap aynacht'ayaraqui.

Isaías 49:4

Nayasti sascaraquiyätwa: “Inamayaw ch'am tucta, ch'amanacajjsa jan cuna yäniquiraquiw inamayataqui tucjasta. Chekpachansa take cunajjas Tatitun amparapanquiwa, Catokañajjasa Diosan jach'a ch'amapanquiwa” sasa.

Jeremías 8:8

Uqhamasti, ¿cunjämaraqui jumanacasti sapjjasmasti: ‘Take cunsa yattanwa, Tatitun leyipasti jiwasampiraquiwa’ sasasti? ¡Leyinac yatichirinacajj c'ari kellkanacapampiw maysaru k'ewiquipjjapjje!

Marcos 7:9

Jesusasti sascaquïnwa: —Sarnakäwinacamar phokhañataquejja Diosan camachipjja mä tokeruw apanucupjjtajja.

Romanos 10:3

Cunjämtï Diosajj jakerojj catokqui ucjja janiw amuyt'apquiti, jan ucasti jupanacan munañanacaparjamaquiw Diosampejj catokayasiñ munapjje, Diosan munañapar jan phokhasa.

Romanos 11:6

Diosan munañap laycuquïchi ucajja, janiw maynin lurataparjamäcjjeti; [uqhamäspa ucqhajja Diosan qhuyapayasiñapajja janiw qhuyapayasiñäcaspati].

Romanos 4:25

Jupasti jiwañaru catuyatänwa jiwasanacan juchanacas laycu, ucatsti jactayataraquïnwa jupa toke jiwasanacajj Diosampi catokatäñasataqui.

Romanos 8:31

¿Cun sañänisa take acanacarojja? Diosatejj jiwasampïchejja, ¿qhitirac jiwas conträspasti?

1 Corintios 15:14

Cristotejj jan jactcchejja, yatichapcsmas uca arunacajj janipï cunataquis asquïquitejja, jumanacan iyawsañanacamasa inamayaraquipï.

1 Corintios 15:17

Cristotejj jan jactcchïnjja, jumanacan iyawsatanacamajj janiw cunataquis sirvquiti, juchanacamanwa sarnakasipcaractajja.

1 Corintios 15:2

Uca arunacaraquiw jumanacarojj khespiyapjjtam, parlapcsma uca arunactejj sum catjjäsipcäta ucapacha; jan uqhamäcchi ucasti, iyawsäwisajj inamayataquïspawa.

Gálatas 2:16

Ucampis janiw qhitis Diosan nayrakatapanjja catokatäcaniti Moisesan leyip phokhatap laycojja, jan ucasti Jesucristoru iyawsatap laycuquiw catokatäni. Ucataracwa nanacas Jesucristorojj iyawsapjjtjja, aca iyawsañ toke catokatäñataqui, janiw catokatäpcti leyin luräwinacap laycojja. Janiw qhitis Diosan nayrakatapanjja catokatäcaniti leyejj cuntï sisqui ucarjama phokhatap laycojja.

Gálatas 2:18

Nayatejj cunsa t'unjiristjja ucatjja wasitampi sayt'ayaraquiristjja, ucqhapï juchanïristjja.

Gálatas 3:21

¿Acasti Moisesan leyipajj Diosan arsutap contrawa sañti muni? Janiw cunäquipansa uqhamäquiti. Leyitejj jacañ churasapäna ucajja, cuntejj leyejj sisqui ucarjama phokhatap laycuw Diosajj catokestasapänjja.

Hebreos 7:11

Israel marcajja Leví casta sacerdotenac tokew leyjj catokäna, ucanacajja Aaronan wawanacapat jutirïnwa. Jichhasti, acanacatejj chekpachan ley arquirinacarojj k'om tucuyasapänjja, ucapachajj janiw waquiscasapänti yakha sacerdoten uñstaniñapajja, janiw Aarón castatti, jan ucasti Melquisedec castata.