Apocalipsis 4:1 - Qullan Arunaca

Uca pasatatsti alajjpachwa uñtta, ucatsti uñjaractwa alajjpachanjja mä puncu jist'aratäsquiri. Kalltan trompetar uñtat parljjayquitän uca arusti saraquituwa: “Maqhatanim acaru ucatsti cunanacatejj acat kheparu lurascani ucanac uñacht'ayäma” sasa.

Aymar Bibliia 1986

Uca pasatatsti alajjpachwa uñtta, ucatsti uñjaractwa alajjpachanjja mä puncu jist'aratäsquiri. Kalltan trompetar uñtat parljjayquitän uca arusti saraquituwa: “Maqhatanim acaru ucatsti cunanacatejj acat kheparu lurascani ucanac uñacht'ayäma” sasa.

Qullan Arunaka DC

Uka qhipatsti alaxpachan mä punku jist'arat uñjta; ukatsti trompetan phust'atapar uñtat nayraqat parlxaykitu uka arux sarakituwa: “Akawjar makhatanim, ukatsti kunanakatix akat qhipar luraskani ukanak uñacht'ayäma” sasa.

Apocalipsis 4:1 Jak'a apnaqawi uñst'ayäwi

Éxodo 1:1

Egipto marcaru Jacobompi chica, uqhamarac sapa mayni familiapampi cuna puripcäna uca israelitanacan sutinacapasti acanacawa:

Éxodo 19:24

Ucat Tatitojj sascaquïnwa: —Saram, ucatsti sarasinjja Aaronampiw cutcatanïta. Ucampis sacerdotenacampi, israelitanacampejj janiw chimpt'atäqui ucqhatjja pasanipjjañapäquiti nayajj cawqhanctejj ucqharu maqhataniñataquejja; janiw nayajj jupanacaru tucjañ muncti —sasa.

Éxodo 24:12

Tatitojj Moisesarojj sänwa: —Maqhatanim kolluru cawqhanctejj nayajj ucqharu, ucatsti ucana suyt'ita. Nayasti kalat lurata tablanaca churäma, ucaruw nayajj kellkta leyinacajja, uqhamarac camachinacajjsa israelitanacar yatichañataqui —sasa.

Proverbios 25:7

jilïrinacan p'enkachatäñata sipansa juc'amp asquiwa: “Acqhar kont'asim” satäñajja.

Ezequiel 1:1

Naya, sacerdote Ezequiel, Buzi sat jaken yokapa, mä uruw nayajj Quebar sisqui uca jawira thiyan sayt'ata, ucancascäyäta, Babilonia orakena, cawquïrinacatejj uca jaya marcaru preso apatäpcäna ucanacampi chica. Uqhamäquiriruw alajjpachajj jist'artäna ucatsti Diosarojj tronopjjan kont'ata uñjaracta. Uca urojj pheska uru sarakatänwa pusïri phajjsita, quimsa tunca mararaquïnwa Joaquín reyejj preso apatäcän ucatjja niya pheska mararaquejjänwa. Tatitusti nayjjaruw amparapjja lokjjatitu.

Mateo 3:16

Cunapachatejj Jesusajj bautisatäjjän ucqhajja, umatwa mistunjjäna, ucatsti mayacwa alajjpachajj jist'artäna, Jesusasti uñjaraquïnwa Kollan Ajayurojj palomar uñtat jupjjar sarakasinquiri.

Marcos 1:10

Umat mistcasinsti Jesusajj alajjpachanac jist'artirwa uñjäna, Kollan Ajayusti mä palomar uñtata jupjjar sarakasinquiri uñjaraquïna.

Lucas 3:21

Juanajj take jakeru bautisascäna ucapachajja, Jesusajj bautisataraquïnwa; ucatsti jupa oración lurquïpanwa alajjpachajj jist'artäna.

Juan 16:13

Cunapachatejj Kollan Ajayojj jutcani ucqhajja, jupaw take cunatejj chekäqui uca yatichapjjätam. Janiraquiw jupa pachpat parlcaniti, jan ucasti cuntejj ist'qui ucwa sani, yatiyapjjaraquïtamwa cunanacatejj pascani ucanacsa.

Hechos 10:11

Ucasti aqhamänwa: Alajjpachaw jist'arti, ucatsti mä jach'a mantelar uñtataw orakcam warcoktani, pusi esquinat chint'ata.

Hechos 7:56

Ucatsti saraquïnwa: “¡Uñtapjjam! Nayajj alajjpachanac jist'arat uñjta. Jaken Yokaparusti Diosan cupëjjapancasquiri uñjaracta” sasa.

Apocalipsis 1:10

Cunürutejj Tatitun urupäcäna uca urunwa nayajj Kollan Ajayun apnakata uñjasta, ucatsti mä jach'a aru ist'ta khepäjjajjat art'asiniri. Uca arusti mä trompetas phust'ascaspa uqhamänwa, ucatsti saraquituwa:

Apocalipsis 1:12

Uca aru ist'asinsti khepäjjaruw uñaquipasta, qhitis parlanpachïtu uc yatiñataqui, ucatsti korit lurata pakallko candelabronac uñjta.

Apocalipsis 1:19

Kellkam cuntejj uñjctas ucjja, cunatejj acat kheparojj utjqui ucsa, cunatejj acat kheparojj utjcani ucanacsa.

Apocalipsis 11:12

Uca pani testigonacasti mä aru ist'apjjaraquïna alajjpachat jupanacaru art'aniri, saraquïnwa: “¡Acar maqhatanjjapjjam!” sasa. Jupanacasti mä kenayanjamwa maqhatjjapjjäna, uñisirinacapasti uñjapjjaraquïnwa.

Apocalipsis 11:19

Ucatsti alajjpachanjja Tatitun templopaw jist'artäna, Diosan arust'äwi luratanacapäquis uca arcas uñstaraquïnwa. Ucatsti llijullijunaca, khejjokhejjonacaraquiw utjäna, wali ojjoñanaca, orak qhathatis utjaraquïnwa, chhijchhis wal puriraquïna.

Apocalipsis 16:17

Pakallköri angelasti samana thayaruraquiw copapjja waranucu, alajjpachatsti santuariotpacha mä jach'a aruwa ist'asini, aqham sasa: “Jichhajj luratäjjewa” sasa.

Apocalipsis 19:11

Ucatsti alajjpacha jist'arata uñjta, mä jank'o caballoraquiw uñstanïna. Uca caballor lat'jjatat jakesti, Cheka, Asqui sataraquïnwa. Jupasti cheka cancañampiw take cunsa apnake, nuwasiraquisa.

Apocalipsis 22:6

Angelasti saraquituwa: “Aca arunacajj chekawa, catuyascañaraquiwa. Tatit Diosajj profetanacapar amuyt'ayqui ucajja mä angelwa qhiti, sirvirinacaparu uñacht'ayañataqui cunatejj mäqui lurascani ucanacata.”