Apocalipsis 4:1 - Qullan Arunaka DC

¹ Uka qhipatsti alaxpachan mä punku jist'arat uñjta; ukatsti trompetan phust'atapar uñtat nayraqat parlxaykitu uka arux sarakituwa: “Akawjar makhatanim, ukatsti kunanakatix akat qhipar luraskani ukanak uñacht'ayäma” sasa.

Aymar Bibliia 1986

¹ Uca pasatatsti alajjpachwa uñtta, ucatsti uñjaractwa alajjpachanjja mä puncu jist'aratäsquiri. Kalltan trompetar uñtat parljjayquitän uca arusti saraquituwa: “Maqhatanim acaru ucatsti cunanacatejj acat kheparu lurascani ucanac uñacht'ayäma” sasa.

Qullan Arunaca

¹ Uca pasatatsti alajjpachwa uñtta, ucatsti uñjaractwa alajjpachanjja mä puncu jist'aratäsquiri. Kalltan trompetar uñtat parljjayquitän uca arusti saraquituwa: “Maqhatanim acaru ucatsti cunanacatejj acat kheparu lurascani ucanac uñacht'ayäma” sasa.

Apocalipsis 4:1 Jak'a apnaqawi uñst'ayäwi

Éxodo 1:1

Jacobump chika Egipto markar puripkäna uka wawanakapan sutinakapax akanakänwa:

Éxodo 19:24

Ukampis Tatitux jupar sänwa: —Qullut saraqawayam, ukatsti Aaronampiw kutkatanïta. Ukampis sacerdotenakasa, markachirinakas nayan ukar makhataniñ jan yant'apxpati, makhatanipxaspa ukax, jiwapxaspawa —sasa.

Éxodo 24:12

Tatitux Moisesar sänwa: —Qullur makhatanim, nayan ukaru, ukan suyt'ita, nayasti qalat lurat tablanak churäma, ukaruw nayax kamachinakampi, kamachi arunakamp qillqta israelitanakar yatichañataki —sasa.

Proverbios 25:7

“Akkhar qunt'asim” satäñax juk'amp askiwa, aytat jaqinak nayräxan p'inqachat uñjasiñat sipana. Kuntix nayramamp uñjkäta ukxa,

Ezequiel 1:1

Naya, sacerdote Ezequiel, Buzí sat jaqin yuqapa, mä uruw nayax Babilonia uraqina, Quebar sat jawir thiyan sayt'atäskäyäta, khitinakatix katuntat apatäpkatayna ukanak taypina. Ukhamäkiriruw alaxpachax jist'artäna, ukatsti Tatiturux mä unañchäwin uñjta. Ukasti kimsa tunkïr marana, pusïr phaxsita phisqa uru saraqatarünwa, Joaquín reyix katuntata apatäkän ukat niya phisqa mara qhipata. Tatitusti nayaruw amparap luqxatitu.

Mateo 3:16

Kunapachatix Jesusax bautisatäxasin umat mistunxän ukkhasti, alaxpachaw jist'artäna, ukatsti Qullan Ajayurux palomar uñtat jupxar saraqasinkir uñjäna.

Marcos 1:10

Umat mistkasinsti, Jesusax alaxpach jist'artir uñjäna, Qullan Ajayurusti mä palomar uñtat jupxar saraqasinkir uñjarakïna.

Lucas 3:21

Juanax taqi jaqir bautiskän ukapachaxa, Jesusax bautisatarakïnwa; ukatsti Tatitur mayiskipan alaxpachax jist'artäna,

Juan 16:13

Kunapachatix Qullan Ajayux jutkan ukkhasti, jupaw taqi kunatix chiqäki uk yatichapxätam; janiw jupa pachpat parlkaniti, jan ukasti kuntix ist'ki uk sani, ukatsti kunanakatix qhipa urunakan luraskani uk yatiyarakini.

Hechos 10:11

Alaxpach jist'artir uñjäna, ukatsti mä jach'a isir uñtat uraqkam pusi thiyat chint'at warkuqtasinkir uñjarakïna.

Hechos 7:56

Ukat jupax säna: ¡Uñtapxam! Alaxpach jist'arat uñjaskta, jaqin Yuqaparusti Diosan kupïxapankaskir uñjarakta, sasa.

Apocalipsis 1:10

Kunürutix Tatitun urupäkän uka urun nayax Qullan Ajayun apnaqat uñjasta, ukatsti mä jach'a aru ist'ta qhipäxaxat art'asiniri, uka arusti mä trompetas phust'askaspa ukhamänwa,

Apocalipsis 1:12

Nayasti arxaykitu ukar uñtañatakiw qhipäxar uñakipasta; kutikipstasinsti, qurit lurat paqallqu candeleronak uñjta,

Apocalipsis 1:19

Kuntix uñjktas uk qillqantam, kunatix jichhax utjki, kunatix akat qhipar utjkani ukanaksa qillqantarakim.

Apocalipsis 11:12

Ukapachasti uka pani profetanakax alaxpachat mä aru ist'apxäna, jupanakar jach'at art'aniri, uka arusti sarakïnwa: “¡Akar makhatanipxam!” sasa. Jupanakasti mä qinayanjam alaxpachar makhatapxäna, taqpach uñisirinakapan uñjkata.

Apocalipsis 11:19

Ukatsti Tatitun utapan punkunakapaw alaxpachan jist'artäna, uka utap manqhansti arust'äwipa arcaw uñstäna. Ukatsti lliju llijunakampi, qhixu qhixunakampiw utjäna, wali uxuñanaka, uraq khathatinaka, wali ch'aman chhijchhimpiw utjarakïna.

Apocalipsis 16:17

Paqallqür angelasti saman thayarurakiw qirupankir waranuküna, ukatsti mä jach'a aruw ist'asini, qullan utjäwinkir qhapaq qunuñatpacha, uka arusti sarakïnwa: “¡Jichhax luratäxiwa!” sasa.

Apocalipsis 19:11

Ukatsti alaxpach jist'arat uñjta, mä janq'u caballorakiw uñstanïna. Uka caballor lat'xatat jaqisti, Chiqa, Aski, sutinïnwa. Jupasti chiqa kankañampiw apnaqäna, chiqapat nuwasirakïna.

Apocalipsis 22:6

Angelasti sarakituwa: “Aka arunakax aski chiqap arunakawa, profetanakar unañchir pachpa Tatit Diosaw angelapar khithani, jank'ak phuqhaskani ukanak luqtirinakapar uñacht'ayiri” sasa.