Apocalipsis 11:12 - Qullan Arunaca

¹² Uca pani testigonacasti mä aru ist'apjjaraquïna alajjpachat jupanacaru art'aniri, saraquïnwa: “¡Acar maqhatanjjapjjam!” sasa. Jupanacasti mä kenayanjamwa maqhatjjapjjäna, uñisirinacapasti uñjapjjaraquïnwa.

Aymar Bibliia 1986

¹² Uca pani testigonacasti mä aru ist'apjjaraquïna alajjpachat jupanacaru art'aniri, saraquïnwa: “¡Acar maqhatanjjapjjam!” sasa. Jupanacasti mä kenayanjamwa maqhatjjapjjäna, uñisirinacapasti uñjapjjaraquïnwa.

Qullan Arunaka DC

¹² Ukapachasti uka pani profetanakax alaxpachat mä aru ist'apxäna, jupanakar jach'at art'aniri, uka arusti sarakïnwa: “¡Akar makhatanipxam!” sasa. Jupanakasti mä qinayanjam alaxpachar makhatapxäna, taqpach uñisirinakapan uñjkata.

Apocalipsis 11:12 Jak'a apnaqawi uñst'ayäwi

2 Reyes 2:1

Cunapachatï horasajj purinjjäna Tatituna Eliasaru alajjpacharu apjjañapäna ucqhajja mä tutuca thaya toke, Eliasampi Eliseompejja Gilgal chekatwa mistsunjjapjjäna.

2 Reyes 2:11

Jupanacajj parlasisa sarasipcäna ucqhasti, acatjamatwa mä nina naqhasquiri carrojj uñstanïna nina caballonacani, ucatsti jaljtayänwa, Eliasasti alajjpacharuw maqhatjjäna mä thaya tutucanjama.

2 Reyes 2:5

Ucampis Jericó marcan jacapcäna uca profetanacasti Eliseoru jicjjatiriw mistunipjjäna, ucatsti aqham sapjjänwa: —¿Jumajj yattati Tatitojj yatichirimaru jichhüru apakcätam ucjja? —sasa. Ucjjarusti Eliseojj sänwa: —Jïsa, yattwa, ucampis jumanacajj jan cunsa parlapjjamti —sasa.

2 Reyes 2:7

Ucampis pheska tunca profetanacaw purinisina jaya chekaru sayt'asipjjäna jupanac nayrakatana; ucatsti Eliasampi Eliseompejja Jordán jawira thiyaruraquiw sayt'asipjjaraquïna.

Salmos 112:10

Ñankha lurir jakesti jupar uñjasajj k'apisiwa, jan camächirjamäjjasajj laca ch'aqhanacap t'urusi. Ñankha jakenacan inampst'añ chuymapajj aynacht'aniwa.

Salmos 15:1

Tatay, ¿qhitirac kollan utaman jacaspasti? ¿Qhitirac kollan kolluman utjasispasti?

Salmos 24:3

¿Qhitirac Tatitun kollupar maqhataspasti? ¿Qhitirac kollan templopancaspasti?

Salmos 86:17

Khanpun munasiñam uñacht'ayita, uñisirinacajjasti uc uñjapjjpan, p'enk tucupjjaracpan, ¡Tatay, jumaw yanapista, chuymacharaquista!

Éxodo 14:25

Uqhamarac carronacapan ruedanacapsa k'ewiraraquïnwa, ucatsti wali c'achaquiw sarapjjäna. Uqham uñjasinsti egipcionacajj sapjjänwa: —Jaltjjañäni, israelitanacatjja, Tatituw jupanac lantejja jiwas contra nuwasini —sasa.

Isaías 14:13

Chuymamansti amtaraquïyätawa: ‘Jichhajj alajjpachcamaw maqhatä; konuñajjsti Diosan warawaranacapjjaruraquiw usct'asï, qhaya jaya alayanwa kont'asiraquï, cawquïri kolluntejj diosanacajj tantachasipqui ucana.

Isaías 40:31

ucampisa take qhitinacatejj Tatitur iyawsapqui ucanacasti machak ch'amanacanïpjjaniwa; pacalinacar uñtataraquiw thoktapjjani, jalanakasinsti janiw karipcaniti, sarnakasas janiraquiw ch'amtayapcaniti.

Isaías 60:8

“¿Qhitinacas ucanacajja kenayar uñtata jalnakapjje, palomanacar uñtataraqui utanacaparu jalapjje?

Malaquías 3:18

Ucapachaw jumanacajj amuyasipjjäta cunatejj asquïqui, uqhamaraqui cunatejj jan asquïqui ucsa, uqhamaraqui qhititejj Diosaru yupaychqui, jan yupaychqui ucanacsa.” Uqham siw take ch'aman Diosajja.

Lucas 16:23

“Kamiristi cawqharutejj jiwatanacajj sarapqui ucqhan uñatatasïna, ucatsti jayatpachwa Abrahamar uñjäna, uqhamarac Lazarorusa jupamp chicäsquiri.

Hechos 1:9

Ucanac arsuwayatatjja, Jesusajj apostolonacapan uñjcataw alajjpachar aptatäjjäna. Ucatsti mä kenayaw Jesusarojj muyuntasa jupanacan nayranacapatjj chhaktayawayjjäna.

1 Tesalonicenses 4:17

ucatsti jaquirinacajja jupanacamp chicaw aptatäñäni kenay taypina chica alajjpachana Tatitumpi jiquisiñasataqui. Uqhamaw Tatitumpejj wiñayataquïñäni.

Apocalipsis 12:5

Uca warmisti mä yokall wawa wawachasïna. Uca wawasti acapach orake apnakani, takpach marcanacaru wali khoru cancañampiw apnakani. Wawapasti ucspachaw apakatäjjäna, Diosan tronoparu uqhamarac quipca Dios nayräjjaruw apatäjjäna.

Apocalipsis 3:21

Qhitinacatejj atipjcani ucanacarojja, nayamp chicwa kont'asiyä tronojjana, cunjämatejj nayajj atipjtjja ucatsti Awquejjampi chicajj tronopan kont'asctjja uqhama.

Apocalipsis 4:1

Uca pasatatsti alajjpachwa uñtta, ucatsti uñjaractwa alajjpachanjja mä puncu jist'aratäsquiri. Kalltan trompetar uñtat parljjayquitän uca arusti saraquituwa: “Maqhatanim acaru ucatsti cunanacatejj acat kheparu lurascani ucanac uñacht'ayäma” sasa.