Apocalipsis 11:12 - Qullan Arunaka DC

¹² Ukapachasti uka pani profetanakax alaxpachat mä aru ist'apxäna, jupanakar jach'at art'aniri, uka arusti sarakïnwa: “¡Akar makhatanipxam!” sasa. Jupanakasti mä qinayanjam alaxpachar makhatapxäna, taqpach uñisirinakapan uñjkata.

Aymar Bibliia 1986

¹² Uca pani testigonacasti mä aru ist'apjjaraquïna alajjpachat jupanacaru art'aniri, saraquïnwa: “¡Acar maqhatanjjapjjam!” sasa. Jupanacasti mä kenayanjamwa maqhatjjapjjäna, uñisirinacapasti uñjapjjaraquïnwa.

Qullan Arunaca

¹² Uca pani testigonacasti mä aru ist'apjjaraquïna alajjpachat jupanacaru art'aniri, saraquïnwa: “¡Acar maqhatanjjapjjam!” sasa. Jupanacasti mä kenayanjamwa maqhatjjapjjäna, uñisirinacapasti uñjapjjaraquïnwa.

Apocalipsis 11:12 Jak'a apnaqawi uñst'ayäwi

2 Reyes 2:1

Tatitux Eliasar mä tutuka thaya tuqiw alaxpachar irpasxañ amtatayna. Uka urusti, Eliasampi, Eliseompix Gilgal chiqat mistunxapxäna,

2 Reyes 2:11

Jupanakasti parlasisaw sarasipkäna, ukham sarkiriruw akatjamat nina nakhaskir mä carrox uñstanïna, caballonakasti nina nakhaskirirakïnwa, ukatsti ukaw jupanakar jaljtayäna, Eliasasti mä thaya tutukanjam alaxpachar makhatxäna.

2 Reyes 2:5

Ukampis Jericó markan jakir profetanakax, Eliseor jikxatiriw mistunipxäna, ukat jupar sapxarakïna: —Tatitux jichhüruw yatichirimar irpaqasxätam, ¿uk yatxtati? —sasa. Ukxarusti Eliseox sänwa: —Jïsa, yatxtwa, ukampis jumanakax jan kuns sapxamti —sasa.

2 Reyes 2:7

ukatsti Jordán jawir thiyaruw sayt'asipxäna, phisqa tunka profetanakaw jupanakar arkapxatayna, ukampis jupanakat jaya chiqankapxänwa.

Salmos 112:10

Ñanqha lurir jaqisti jupar uñjasax q'apisiwa; jan kamachirjamäxasax laka ch'akhanakap t'urusi. Ñanqha jaqinakan inampst'añ chuymapasti aynacht'aniwa.

Salmos 15:1

Tatay, ¿khitirak qullan utaman jakaspasti?, ¿khitirak qullan qulluman utjasispasti?

Salmos 24:3

¿Khitirak Tatitun qullupar makhataspasti? ¿Khitirak qullan utapankaspasti?

Salmos 86:17

Qhanpun munasiñam uñacht'ayita, uñisirinakaxasti uk uñjapxpan, p'inqa tukupxarakpan. ¡Tatay, jumaw yanapista, chuymacharakista!

Éxodo 14:25

ukhamarus carronakapan ruedanakap q'iwiräna, ukhamat k'achak sarapxañapataki. Ukham uñjasin egipcionakax sapxäna: —¡Israelitanakat jaltxañäni, Tatitupaw jupanak lanti jiwasamp nuwasiski! —sasa.

Isaías 14:13

Chuymamansti amtäyätawa: ‘Jichhax alaxpachkamaw makhatä; qunuñaxsti Diosan warawaranakapxaruw uskt'asï, khaya jaya alayan qunt'asï, kawkïri qulluntix diosanakax tantachasipki ukkhana.

Isaías 40:31

ukampisa khitinakatix Tatitur katuyasipki ukanakax machaq ch'amanïpxaniwa; pakalinakar uñtataw alayan tuyupxani, jan qarjasisaw jalanaqapxani, sarnaqasas janirakiw ch'amtayapkaniti.

Isaías 60:8

¿Khitinakas qinayar uñtata jalapki, palomanakar uñtat utanakapar jalapki ukanakaxa?

Malaquías 3:18

Ukapachaw jumanakax amuyasipxäta kunatix askïki, kunatix jan askïki uka, ukhamaraki, khititix Diosar yupaychki, khititix jan yupaychki ukanaka” sasa.

Lucas 16:23

“Qamiristi kawkharutix jiwatanakax sarapki ukkhan uñatatasïna, ukatsti Abrahamarux jayankatap uñjäna, Lazarorusti jupamp chik qunt'atäskir uñjarakïna.

Hechos 1:9

Ukanak arsusinsti, Jesusax apostolunakapan uñjkataw alaxpachar aptatäxäna, ukatsti mä qinayaw jupar muyuntas jupanakan nayraqatapat chhaqtayawayxäna, janiw mayampsa Jesusar uñjkxapxänti.

1 Tesalonicenses 4:17

ukatsti jakirinakax jupanakamp chikaw qinayxar aptatäñäni, ukhamat Tatitump alayan jikisxañataki, ukhamaw Tatitumpix wiñayatak jakxañäni.

Apocalipsis 12:5

Uka warmisti mä yuqall wawa wawachasïna. Uka wawaw akapach uraqin taqpach markanakar wali qhuru kankañampi apnaqani. Ukampis wawapar apaqapxänwa, ukatsti Diosan nayraqataparuw irpapxäna, qhapaq qunuñap nayräxaru.

Apocalipsis 3:21

Jan walt'añanakar atipjirinakarux, qhapaq qunuñaxan nayamp chik qunt'asiyä, kamisatix nayax atipjasin Awkixampi chik qhapaq qunuñapan qunt'askta ukhama.

Apocalipsis 4:1

Uka qhipatsti alaxpachan mä punku jist'arat uñjta; ukatsti trompetan phust'atapar uñtat nayraqat parlxaykitu uka arux sarakituwa: “Akawjar makhatanim, ukatsti kunanakatix akat qhipar luraskani ukanak uñacht'ayäma” sasa.