Apocalipsis 11:13 - Qullan Arunaka DC

¹³ Ukapachaw mä jach'a uraq khathatix sartäna, uka uraq khathatisti markan mä qawqha chiqanakap t'unthapïna, paqallqu waranqa jaqinakarakiw uka uraqi khathatimpix jiwaräna. Qhiparirinakasti, axsarañatsa alaxpachankir Diosaruw yupaychapxäna.

Aymar Bibliia 1986

¹³ Uca horasasti uca marcanjja mä jach'a orak qhathatiw utjäna. Uca marcata tunquïri partesti chhaktänwa, pakallko waranka jakenacaraquiw uca orake qhathatimpejj jiwarapjjäna. Chicat jakesti ajjsarañatsa alajjpachanquir Diosaruw yupaychapjjäna.

Qullan Arunaca

¹³ Uca horasasti uca marcanjja mä jach'a orak qhathatiw utjäna. Uca marcata tunquïri partesti chhaktänwa, pakallko waranka jakenacaraquiw uca orake qhathatimpejj jiwarapjjäna. Chicat jakesti ajjsarañatsa alajjpachanquir Diosaruw yupaychapjjäna.

Apocalipsis 11:13 Jak'a apnaqawi uñst'ayäwi

Génesis 6:4

Kunapachatix Tatit Diosan wawanakapax jaqinakan phuchhanakapampi wawanïñatak mayachasipxän ukkhaxa, wali jach'a tansa jaqinakaw aka uraqin uñstäna. Jupanakasti nuwasiñatakix wali ch'amani jaqinakänwa, wali aytata jaqinakat nayratpach uñt'atänwa.

Jeremías 13:16

Tatitu Diosamar jach'añchapxam, jupax ch'amaka janïra puriyankipana, ch'amak qullunakan jumanakan janïr liwirtkipana; kawkïr qhantix jumanakax suyapkäyäta uk jupax ch'amakar janïr tukuykipana.

Malaquías 2:2

Jumanakasti nayarux jaysañanakamawa, sutixsa taqi chuymampiw jach'añchapxañama. Janitix ukham lurapkäta ukaxa nayax ñanqhachapxämawa. Taqi chuymampi jan jach'añchapxatamatxa, jumanakatak aski waxt'äwinakaxsa, ñanqhachañaruw tukuyä, sacerdote kankañ katuqapkta ukanaksa apaqapxämawa” siwa, taqi ch'aman Tatituxa.

Juan 9:24

Judionakasti wasitatampiw juykhükän uka jaqir jawsanipxi, ukatsti sapxarakiwa: —Diosan nayraqatapan chiq sapxita. Nanakax yatipxtwa uka jaqin juchararätapa —sasa.

Hechos 1:15

Ukürunakansti niya patak pä tunkan jilatanakaw tantacht'asipxäna. Pedrosti jupanak taypin sayt'asisin säna:

Josué 7:19

Ukatsti Josué chachax Acán jaqirux sänwa: —Wawaxay, Israel markan Tatitu Diosapar jach'añcham, jan k'arisisaraki kuntix lurkta uk arsusim jan kunsa imt'asa —sasa.

Apocalipsis 11:11

Uka kimsa uru chikatan qhipatsti, Diosax uka pani profetarux jakatatayxänwa, jupanakax wasitat sayt'asxapxäna; jaqinakasti jupanak uñjasax wal axsarapxäna.

Apocalipsis 11:19

Ukatsti Tatitun utapan punkunakapaw alaxpachan jist'artäna, uka utap manqhansti arust'äwipa arcaw uñstäna. Ukatsti lliju llijunakampi, qhixu qhixunakampiw utjäna, wali uxuñanaka, uraq khathatinaka, wali ch'aman chhijchhimpiw utjarakïna.

Apocalipsis 14:7

Jupax wali jach'a arumpiw art'äna: “Diosar axsartapxam, jupar yupaychapxarakim, taripañap urux purinxiwa. Alaxpacha, akapacha luririr yupaychapxam, qutanak luririru, uma jalsunak luririr yupaychapxam” sasa.

Apocalipsis 15:4

Tatay, ¿khitirak jumar jan axsarätamsti? ¿Khitirak sutimar jan yupaychanisti? Juma sapakïtaw qullanaxa; taqi markanakaw jumar yupaychir jutani, chiqa aski luratanakaman qhanstatap layku” sasa.

Apocalipsis 19:7

Kusisipxañäni, kusisiñan phuqt'at jupar jach'añchapxañäni, Corderon jaqichasiñap urux purinxiwa. Esposapasti wakicht'atäxiwa.

Apocalipsis 3:4

Ukampisa, Sardes iglesian mä qawqha jaqinakaw utjasktam, jupanakasti janiw ñanqha lurapkiti. Ukat jupanakax nayampi chika janq'ut isthapt'ata sarnaqapxani, askïpxatap layku.

Apocalipsis 6:12

Corderox suxtïr sello ch'iyaqkän ukkhasti, mä jach'a uraq khathati uñjarakta. Intix ch'amakt'awayxänwa, phaxsisti wilaruw tukuwayxäna.

Apocalipsis 8:5

Ukatsti angelax incienso q'apichañ katusinxa, altarankir nina sank'anakampiw ukar phuqhantäna, ukatsti aka uraqiruw uk wartanxäna; ukapachasti taqi chiqanakan qhixu qhixunakampi, uxuñanakampi, lliju llijunakampi, uraq khathatimpiw utjarakïna.

1 Samuel 6:5

Uka layku, jichhax qurit uka ch'uphunak lurapxam, ukhamarak markas t'unjkis uka achakunakar uñtasitanaka, ukatsti Israelan Diosapar jach'añchapxarakim, inampis jumanakarusa, diosanakamarusa, uraqinakamarus jan mutuykxapxiristamti.