Éxodo 24:12 - Qullan Arunaca

¹² Tatitojj Moisesarojj sänwa: —Maqhatanim kolluru cawqhanctejj nayajj ucqharu, ucatsti ucana suyt'ita. Nayasti kalat lurata tablanaca churäma, ucaruw nayajj kellkta leyinacajja, uqhamarac camachinacajjsa israelitanacar yatichañataqui —sasa.

Aymar Bibliia 1986

¹² Tatitojj Moisesarojj sänwa: —Maqhatanim kolluru cawqhanctejj nayajj ucqharu, ucatsti ucana suyt'ita. Nayasti kalat lurata tablanaca churäma, ucaruw nayajj kellkta leyinacajja, uqhamarac camachinacajjsa israelitanacar yatichañataqui —sasa.

Qullan Arunaka DC

¹² Tatitux Moisesar sänwa: —Qullur makhatanim, nayan ukaru, ukan suyt'ita, nayasti qalat lurat tablanak churäma, ukaruw nayax kamachinakampi, kamachi arunakamp qillqta israelitanakar yatichañataki —sasa.

Éxodo 24:12 Jak'a apnaqawi uñst'ayäwi

1 Reyes 19:11

Ucatsti Tatitojj sänwa: “Ankar mistunim, ucatsti nayan nayrakatajjanraqui sayt'asiraquim, kollu patjjana” sasa. Uca horasanwa Tatitojj pasawayi, ucatjja mä jach'a wali ch'amani thayawa kolljja allinucuraqui, uqhamarac Tatitun nayrakatapana karkanacjja jaljtayaraqui; ucampis Tatitojj janiw uca thayanccänti. Uca thayjjarusti mä orake qhathatiraquiw utjaraquïna; ucampis Tatitojj janiw uca orake qhathatinccänti.

Esdras 7:10

Esdras chachasti take chuymawa amtasïna Tatitun leyipa yatjjataña, uqhamarac uca leyinac phokhañsa, ucatsti israelita jakenacarusa yatichañaraqui Tatitun leyinacapa, camachinacapa.

Nehemías 9:13

“Ucatjja Sinaí kolluruwa sarakaniractajja, uqhamarac jupanacampiraquiwa alajjpachatpacha parlaniractajja; jupanacarusti churtawa suma asqui arsüwinaca, cheka yatichäwinaca, uqhamarac leyinaca, suma camachi arunacampi.

Nehemías 9:14

Jupanacarojj yaticharactawa samarañ uru jumatac imapjjañapataqui, ucatjja Moisés sirvirim tokejj churaractawa camachi arunaca, leyinaca, uqhamarac yatichäwinaca.

Salmos 19:12

¿Qhitirac pantasitanacap yatisti? Tatay, imantat juchanacajjat k'omachjjeta,

Éxodo 19:3

Ucansti Moisesajj, Diosampi jiquisiñataquiw kollur maqhatäna, ucatsti Tatitojj kollutwa parlanïna: —Yatiyam aca arunaca Jacobon israelita wawanacaparu:

Éxodo 24:15

Uqham sawayasinsti Moisesajj kolluruw maqhatawayäna. Ucatsti kollurojj kenayawa wali urpjjatäna.

Éxodo 24:18

Moisesasti kenay taypinjamwa kollurojj maqhatäna, kollunjja pusi tunca urumpi, pusi tunca arumampiwa ucancäna.

Éxodo 24:2

Ucatsti juma sapaquiw jac'achasinïta cawqhancctejj nayajj ucqharu, ucampis mayninacajj janiw jac'achasinipjjañapäquiti, ni jakenacasa jumampi chicajj sarapjjañapäquiti —sasa.

Éxodo 31:18

Tatitojj Sinaí sat kolluna Moisesampi parlañ tuct'ayasinsti pä kalat lurata tablanacwa churäna, uca tablansti Diosan ampar luc'anapampi kellkat tunca camachi arunacapaw kellkatänjja.

Éxodo 32:1

Ucampis jakenacajja Moisesajj jan janc'as kolluta sarakanjjatapatsti Aaronar muyuntasinsti sapjjänwa: —Mä diosanac lurarapipjjeta jiwasaru irpañapataqui, cunapunejj Egiptota apsunquistu uca Moisesampejj pasjjchi, janipuniw cunas yatiscjjeti —sasa.

Éxodo 34:1

Tatitusti Moisesarojj sänwa: —Waquicham pä kala tablanaca nayrïr tablanacäqui uqhama, nayasti ucaruwa kellkäjja cawquïr arunactejj nayrïr t'unjcta uca tablanacana kellkatäcän uqhama.

Jeremías 31:33

Cuna arust'äwtejj qhaya urun Israelampi lurcä ucajj aqhamäniwa: Nayan leyinacajjsti chuymanacaparuw uscü, p'ekenacaparuw kellkantaraquï. Nayasti jupanacan Diosapäyäwa, jupanacasti nayan marcajjaraquïniwa. Naya Tatituw ucjja arsta.

Mateo 5:19

Ucatpï sapjjsmajja, take qhititï uca camachir jan phokcchejja, mä jisc'a camachïcchi ucasa, ucatsti uqhamaraqui jakenacarojj yatichchejja, ucasti alajjpach marcanjja sinti jisc'at uñt'atäniwa; ucatsipan qhititejj camachir phokchejja, ucat uqham yaticharacchi phokhañjja, ucasti jach'añchatäniwa alajjpach marcanjja.

2 Corintios 3:3

Uca cartasti jumanacäpjjtawa pachpa Criston kellkataraqui, nanacan churataraqui. Uca cartajj janiw tintampi kellkatäquiti, jan ucasti jacquir Diosan Ajayupampi kellkatawa. Uca cartajj janiw kalar kellkatäquiti jan ucasti jakenacan chuymapar kellkatawa.

2 Corintios 3:7

Aca Moisesan leyipajj letranacampi mä kalar kellksutänwa. Mä jach'a khanampiraquiw jutänjja, israelita jakenacas janiraquiw uca khana laycojj Moisesan ajanupsa uñcatañataqui ch'amanïpcänti, ucampis uca khanajj chhaktawayjjaquïnwa. Uca leyitejj uqham jach'a khanampi jutcchïna jiwañatac juchañchañataqui ucajja,

Deuteronomio 4:14

Nayaruw Tatitu Diosajj ewjjetu jumanacaru leyinaca, arsutanacapa yatichañataqui, cawquïri oraktï churapctam ucan phokhañanacamataqui.

Deuteronomio 5:22

“Aca arunacsti Tatitu Diosaw jach'at parläna mä nina ch'iyara kenay taypita, cunapachatejj take jumanacajj kollu thiyana tantachasipjjäyäta ucqha. Ucatsti Tatitojj janiw cunsa arscjjänti, uqhamaraquiwa uca arunacsa pä kala tablanacaru kellkäna, ucsti nayaruwa catuyitu.

Deuteronomio 5:31

Ucatsti jumajj nayampi aca chekan kheparam. Nayaw churäma camachi arunaca, leyinaca, arsutanacajja, jupanacar yatichañamataqui, uqhamata sarnakäwinacapan uca camachi arunacarjam sarnakapjjañapataqui cawquïri oraktï churcä ucana.’

Hebreos 9:4

Ucansti mä kori altaraw utjaraquïna, incienso naqhayañataqui, uqhamarac arust'äwi arca korimpi apaquipata. Uca arca mankhansti mä kori chatuw ucancäna, maná sat t'ant'araquiw uca chatu mankhancaraquïna, Aaronan ch'ojjñatatcänsa uca varapasa ucancaraquïnwa, uqhamarac arust'äwi kellkat kalanacasa.