Apocalipsis 17:4 - Qullan Arunaca

Aca warmisti wila morado isimpi ist'atänwa, korimpi, suma kalanacampi, perlanacampi c'achachataraqui. Amparaparusti mä kori copa ast'ataraquïnwa, uca copansti ajjtascañ k'añu luräwinacampi phokhantatänwa.

Aymar Bibliia 1986

Aca warmisti wila morado isimpi ist'atänwa, korimpi, suma kalanacampi, perlanacampi c'achachataraqui. Amparaparusti mä kori copa ast'ataraquïnwa, uca copansti ajjtascañ k'añu luräwinacampi phokhantatänwa.

Qullan Arunaka DC

Warmisti wila chupika suma isimpi isthapitänwa, qurimpi, suma qalanakampi, perlanakampi k'achachatarakïnwa. Kupi amparaparusti qurit lurat qiru ast'atänwa, uka qirusti ñanqha luratanakapampi, q'añusitanakapamp phuqhantatänwa;

Apocalipsis 17:4 Jak'a apnaqawi uñst'ayäwi

1 Reyes 14:24

Uqhamaraquiw uca orakenquir chachanacajja chacha masinacapampi jan wali lurañ yatipjjäna diosanacapataqui ascsa lurapcaspa uqhama, ucanacasti jucharar marcanacana jan wali luräwinacapänwa, cawquïr marcanacarutejj Tatitojj jakonuccäna israelitanacana nayrakatapata ucanaca.

2 Reyes 21:2

Ucampis jupan luratanacapajj jan walinacänwa Tatitun nayrakatapana, jupasti luränwa Tatitojj cawquïr marcanacarutejj israelitanacan nayrakatapata jakonuccäna ucanacan pachpa k'añu luräwinacapa.

Esdras 9:11

profetanaca, sirvirinacama toke churapquista lurañanacajjataqui ucanacjja. Jumasti nanacarojj ewjjapjjestawa cawquïr orakerutejj sarapcäyäta catuntañataqui ucajja, uca chekanquiri jakenacan ñankha lurañanacapampi phokhantatätapa, jupanacasti yakha diosanacaru sirviñampejj ajjtcaña luräwinacampiwa phokhantapjjäna.

Isaías 66:3

Ucampisa utjaraquiwa qhititejj mä orko vaca sacrificiot loktqui, uqhamarac mä jakjja jiwayapjje, mä ovejsa qharinucuraqui, ucamp chicsti anurus jiwayapjjaraquiwa, granonac loktasinsti ucampi chicsti qhuchin wilapsa loktapjjaraquiwa, inciensonac k'aphiyasasti, diosanacarus yupaychasipcaraquiwa. Take qhitinacatejj uqham yupaychañanac ajllipcän ucanacarojja walrac uqham lurañajj munasiraqui.

Jeremías 51:7

Babiloniasti nayan amparajjanjja mä kori copjamänwa, take aca orakpacharu umjayiriraquïnwa. Marcanacasti uca vino umapjjänjja, k'alwa p'eksa muytayaraquïnjja.

Lamentaciones 1:9

Isipasti k'ala k'añuchjatapuniwa; janiw uqhamar puriñjja amtcaraquïnti. Aynacht'atapasti jan amuyt'cayapuniwa; janiw jichhajj qhiti chuymachiris utjcaraquiti. ¡Tata, nayan t'akhesitajj uñtanita, uqhamarac uñisirejjan jach'ar tucutapsa!

Ezequiel 20:30

“Israel marcarojj saraquim: ‘Aqham siw Tatitojj: ¿Cunataraqui jumanacasti nayra awquinacamjamaraqui k'añuchasiñ munapjjta? ¿Cunataraqui nayarusti jan take chuymampi arcasa uca ajjtascañ yakha diosanacaru yupaychapjjtasti?

Ezequiel 24:11

janc'aqui mä ch'usa phuqhu ninar itjjatam, uca cobre phuqhojj nina sanc'aru tucuñapcama, take k'añu luräwinacapat k'omachasiñcama; uca sarusa apakatäñcama.

Ezequiel 24:13

“Jerusalén marca, nayajj munañamaru sarnakasin k'añuchasitanacamatjja k'omachañwa munayäsma, ucampisa janiw k'omachatäctati. Cunapachatejj nayajj jumjjaru colerasiñajja wartanï ucapachaquiw k'omachata uñjasïta.

Ezequiel 28:13

Diosan pankar yapupana, Edén chekanwa utjasiraquïyätajja, suma kalanacampi c'achachataraqui: Rubí, crisólito, jade, topacio, cornalina, jaspe, zafiro, granate, esmeralda; ucanacampi, aretenacamasa, yakha yänacamasa koricamaquïnwa, cunürütejj jumajj aca oraken uñstcta uca urutpacha waquichataraqui.

Ezequiel 36:25

K'oma umampiw jarekjjapjjaraquïma, take k'añunacamatsa k'omachjjapjjaraquïmawa.

Daniel (hebreo) 11:38

Ucampisa cawquïri diosatejj ch'ama churir satäqui uca diosarusti yupaycharaquiniwa; nayra awquinacapajj uca diosaru jan yupaychapjjatap laycu, uca diosarusti loktaraquiniwa kori, kollke, suma kalanaca, uqhamaraqui jila alani yänacampi.

Oseas 9:10

Tatitojj siwa: “Cunapachatejj Israelar jicjjatcäyät ucapachajj cusisiyätwa, cunjämatejj wasaran uva jicjjatirejj cusisquejj uqhama. Nayra awquinacamajj nayataquejj, nayräwiri achoker higonacjamänwa. Ucampis cunapachatejj Baal-peor chekaru puripjje ucqhajja, c'ari diosanacaruquiw catuyasjjapjje, ucatsti wali jisc'achcañawa tucupjjaraqui, jupanacajj munapcänsa uca yakha diosanacjama.

Deuteronomio 29:17

cawqhantejj c'ari diosanac uñjtan, jan munat yakha diosanaca, cawquïrirutejj uca jakenacajj yupaychapqui ucanaca.

Apocalipsis 14:8

Ucatsti yakha angelaraquiw uñsti aqham sasa: “Aynacht'jjewa, aynacht'jjewa jach'a Babiloniajja, marcanacarusti vinompjamawa macharayi jan wali sarnakäwipampi” sasa.

Apocalipsis 18:12

Ucanacasti acanacänwa: kori, kollke, suma kalanaca, perlanaca, linot lurata suma telanaca, uqhamarac suma seda telanaca, suma wila morado coloranaca, suma k'aphini maderanaca, marfilat lurat yänaca, suma maderanaca, bronce, hierro, uqhamarac marmolasa.

Apocalipsis 18:16

Sapjjaraquiniwa: “¡Ay! ¡Jan cunani jach'a marca, cunaruraqui purt'astajja! Mä suma warmiru uñtatapunïnwa, suma lino isinacampi isthapita, suma wila color isinacani, korimpi, suma kalanacampi, perlanacampi c'achacht'ata.

Apocalipsis 19:2

Jupasti chekaparuw marcanacarojj tariparaqui. Acapachan wachoka juchan sarnaker k'añu warmirusti juchañcharaquiwa. Uca warmisti jucha lurañanacapampejj take jakenacaruw jan waliru apascäna. Diosan wawanacapar jiwarayatapatsa Tatitojj juparojj juchañcharaquiwa” sasa.

Apocalipsis 21:21

Tunca payani puncusti perlat luratänwa. Sapa puncuwa mä perlänjja. Uca marcan jach'a callepasti koricamaquiraquïnwa, mä suma khanquiri vidrior uñtata.

Apocalipsis 9:21

Janiraquiw arrepientisipcänsa jake jiwayapjjatanacapatjja, laykasitanacapatsa, wachoka juchan sarnakatanacapatsa, ni lunthatasipjjatapatsa.