2 Reyes 21:2 - Qullan Arunaca

² Ucampis jupan luratanacapajj jan walinacänwa Tatitun nayrakatapana, jupasti luränwa Tatitojj cawquïr marcanacarutejj israelitanacan nayrakatapata jakonuccäna ucanacan pachpa k'añu luräwinacapa.

Aymar Bibliia 1986

² Ucampis jupan luratanacapajj jan walinacänwa Tatitun nayrakatapana, jupasti luränwa Tatitojj cawquïr marcanacarutejj israelitanacan nayrakatapata jakonuccäna ucanacan pachpa k'añu luräwinacapa.

Qullan Arunaka DC

² Ukampis Manasesan luratanakapax Tatitun nayraqatapan jan walinakänwa, jupasti kawkïr markanakarutix Tatitux israelitanakan nayraqatapat jaqunukkatayna ukanakan pachpa q'añu luräwinakap luräna:

2 Reyes 21:2 Jak'a apnaqawi uñst'ayäwi

2 Reyes 17:2

Ucampis luratanacapajj jan walinacänwa Tatitun nayrakatapana, janisa sintïcchïna jupat nayra reyinacajj utjcäna Israel marcana uqhamajja.

2 Reyes 21:11

“Manasés reyin jan wali k'añu luräwinacapata, ñankha luräwinacapajj juc'amp jilätapata, jupat sipana nayra jacapcäna uca amorreonacata sipana juc'ampi, uqhamarac Judá marcarusa yakha diosanacapampi jucha lurayatapatjja:

2 Reyes 21:16

Manasés reyejj Judá marcar juchanac luraycäna, uqhamarac jupan jan wali luratanacapatsa Tatitun nayrakatapana ucanacat ucjjarojja, Jerusalenanjja walja jan juchaninacan wilanacapwa wartäna, mä thiyata mä thiycama uca lurañanacamp phokhantasa.

2 Reyes 21:20

Ucampis jupan luratanacapajj jan walinacänwa Tatitun nayrakatapana, cunjämatï Manasés awquipanjama.

2 Reyes 21:21

Jupasti awquipana jan wali sarnakäwipwa arcäna, uqhamaraquiw yupaychäna, alt'asiraquïna awquipana uca pachpa c'ari diosanacaparu.

2 Reyes 21:7

Uqhamaraquiw Tatitun templopana Asera diosan lantipa uchäna. Uca toketsti Tatitojj sänwa Davidaru, uqhamarac Salomón yokaparusa, aqham sasa: “Jerusalenan aca templo ajlliscta, ucjja Israelan take tribunacapatwa ajllista, sutejjajja wiñay ucancañapataqui.

2 Reyes 22:17

Jupanacasti nayar apanucusinjja yakha diosanacaruwa inciensonaca naqhayapjje, uqhamatwa take luratanacapampi nayar colerayapjjetu; ucatwa nayan colerajjajj akti aca chekataqui, ucasti janiw t'acurcaniti’ ”.

2 Reyes 23:32

Ucampis Tatitun nayrakatapanjja luratanacapajj jan walinacänwa, cunjämtï nayra awquinacapanjama.

2 Reyes 24:9

Ucampis jupan luratanacapajj jan walinacänwa Tatitun nayrakatapana, cunjämtï nayra awquinacapjama.

2 Crónicas 36:14

Uqhamaraquiw Judá orakenquir jilïrinacasa, sacerdotenacasa, uqhamarac jakenacasa juc'amp jan walinaca lurapjjäna, jucharar marcanacan ajjtcaña luräwinacapa lurasina, uqhamarac Tatitun templopa taquichasina, cuntejj Tatitojj Jerusalenan santuario ajlliscäna uca.

Eclesiastés 9:18

Nuwasiña armanacata sipana, yatiñ cancañaw asquejja. Mä sapa pantjasïwiquiw, jach'a tucjasïwir puriyi.

Isaías 66:4

Nayaraquiw jupanacatac t'akhesiña ajllï, cuntejj jupanacajj wal ajjsarapqui ucanac apayaniraquëjja. Cunapachatejj jawscäyäta ucapachajj janiw ist'apquitänti uca laycu, parlascäyätwa ucampis janiraquiw ist'apquitänti; cuntejj nayajj jan munctjja uca lurapjjaraquejja, cuntejj nayarojj colerayquitu uca lurañwa ajllisipjjaraquïnjja.”

Jeremías 15:4

Take cunanactejj jupanacaru lurcä ucanacatsti yakha marcanacampejj ajjtasiyäwa, Judá orakenquir reyina, cawquïritejj Manasés satäqui, Ezequiasan yokapäcaraqui ucan Jerusalén marcan jan wali luratanacap laycu.

Ezequiel 11:12

Ucapachaw jumanacajj yatipjjäta nayan Tatitütajja. Jumanacajj janiw nayan arunacajjarjama sarnakapctati, janiraquiw leyinacajjsa phokhapctati, jan ucasti cawquïri marcanacatejj jumanacaru muyuntatäqui ucanacan saräwinacaparjamaw sarnakapjjtajja’ ” sasa.

Ezequiel 16:51

Samaria marcat parlañansti, uca marcajj janiw ni chicat juchanacamsa lurquiti; jumasti jupat sipansa juc'ampi ajjtascaña juchanacwa lurtajja; uqham juchanac sinti luratamajja, uca marcanacajj janis juchanïpcaspa uqhamäpjjew juma nayrakatanjja.

Ezequiel 22:3

Ucatsti jupanacarojj saraquïtawa: ‘Aqham siw Tatitojja: Jakenacamar jiwarayir marca, k'añuchasiñatac c'ari diosanac lurasir marca, ¡horasamajj niyaw purinjje!

Deuteronomio 12:31

Jan jumanacajj uqham Tatitu Diosamarojj lurapjjamti. Diosajj jan uñjañ munqui ucanacwa uca marcanacasti diosaparu wakaychañataquejj lurapjje, uqhamaraquiwa quipca wawanacapsa ninampi phichhantapjje sacrificiot loktasa.