2 Reyes 21:3 - Qullan Arunaca

³ Ezequías awquipajj tucjcäna uca alto chekan yakha diosanacar sirviñ santuarionacwa wastat lurayäna; Baal diosataquiw altaranaca lurayäna, ucatsti lurayänwa Asera diosan lantipa, cunjämtï Israelan Acab reyipajj luraycäna uqhama; ucjjarusti alajjpachanquir take warawaranacaruwa yupaychäna, alt'asiraquïna.

Aymar Bibliia 1986

³ Ezequías awquipajj tucjcäna uca alto chekan yakha diosanacar sirviñ santuarionacwa wastat lurayäna; Baal diosataquiw altaranaca lurayäna, ucatsti lurayänwa Asera diosan lantipa, cunjämtï Israelan Acab reyipajj luraycäna uqhama; ucjjarusti alajjpachanquir take warawaranacaruwa yupaychäna, alt'asiraquïna.

Qullan Arunaka DC

³ Ezequías awkipax qullu patanakan utjir yupaychañ utanak t'unjkatayna ukanak wasitat luräna; Baal diosatak altaranak luräna, ukatsti Astarté diosan lantip lurarakïna, kunjämtix Israelan Ahab reyipax luraykatayna ukhama; ukhamarusa alaxpachan utjir taqi warawaranakaruw yupaycharakïna,

2 Reyes 21:3 Jak'a apnaqawi uñst'ayäwi

1 Reyes 18:21

Ucatsti Eliasajj take jakenacar jac'achasisajj sänwa; —¿Cunapachcamasa jumanacajja pä chuyma sarnakapjjätajja? Tatitutejj cheka Diosächi ucajja, jupar arcapjjam, jan ucajj Baal diosatï chekächi ucajja, juparuwa arcapjjañamajja —sasa. Jakenacasti janiw camsapcänsa.

1 Reyes 18:26

Uqhamawa jupanacajj vaca kallu churapcäna uca catusina wact'ayapjjäna, ucatsti jupanacajj alwata chica urucamawa Baal diosaparu jach'at mayipjjäna, aqham sasa: “¡Ist'apjjetay Baal!” sasa. Jupanacasti altar lurapcäna uca thiyana thoktas thoktasaw muyupjjäna, ucampis janiw cuna arusa ist'ascänti.

2 Reyes 13:6

Ucampis janiw sarakapcänti Jeroboam chachajj Israel marcar juch luraycäna uca familiapana jucha luräwinacapata, jan ucasti juchjja lurasipcaquïnwa, uqhamarac Asera sat diosan lantipasa Samaria marcancascaquïnwa.

2 Reyes 17:16

Tatit Diosapan camachi arunacapa apanucusasti, bronceta pä vaca kallu lurasipjjäna, mayasti Asera sat diosan lantipänwa, ucarusti yupaychapjjaraquïnwa, uqhamarac alajjpacha take warawaranacarusa, Baal diosarus yupaychapjjaraquïnwa.

2 Reyes 18:22

Jumanacatejj sapjjetasma: ‘Nanacajj Tatit Diosajjaruwa iyawsapjjta’ sasinjja. ¿Janiti Ezequías reyisti apanucqui alto cheka kollunacan yupaychañanaca, uca Diosan altaranacapsa, uqhamarac Judá orakenquiri jakenacaru, Jerusalenanquirinacarusa arsquejja Jerusalén altar sapanaqui Tatitur yupaychañjja?

2 Reyes 18:4

Jupawa yakha diosanacar sirviñ alto chekan santuarionaca apakayäna, ajjsarata kalanacsa jisc'a jisc'a tucjayäna, Asera diosan lantinacapsa p'aquirayäna, uqhamarac Moisesajj bronceta mä catari lurcäna Nehustán sata ucsa tucjaraquïnwa. Israelitanacasti uca urunacanjja inciensonacjja uca catarir yupaychasinwa naqhayapjjäna.

2 Reyes 8:18

Ucampis jupajj sarnakänwa cunjämtï Israelan reyinacapajj sarnakapcäna uqhamaraqui, ucatsti Acab reyita sarakapqui ucanacan sarnakatapjamaraqui, warmipajj Acab castätap laycu, uqhamasti luratanacapajj jan walinacänwa Tatitun nayrakatapana.

2 Reyes 8:27

Ocozías reyisti Acab reyin sarnakäwipwa arcäna, uqhamarac mayni reyinacapjamaraqui, ucatjja Acab reyin familiapampi sumancatap laycusti, jupan luräwinacapajja jan walinacänwa Tatitun nayrakatapana.

2 Crónicas 32:12

¿Janiti Ezequiasasti apakayquisti Diosar yupaychaña chekanaca, altaranacsa, ucatjja Judá, Jerusalén orakenquiri jakenacarusa saraqui lurapjjañapataqui Diosar yupaychañataquisa, incienso loktañataquesa mä sapa altaranacjja?

2 Crónicas 34:3

Quimsakallko mara apnakascäna ucqhasti jupajj waynäscänwa, ucqharaquiwa nayra David awquipana Diosapar thaktäna. Cunapachatï tunca payan mara apnakascäna ucqhawa Judá orakeru k'omachayäna, uqhamarac Jerusalén marcarusa yakha diosanacan santuario utanacapata, Asera diosan lantinacapatsa, yakha diosanacatsa, uqhamarac hierrot umatatayasa lurat lantinacatsa.

Job 31:26

Intin khanatapsa uñjtwa, phajjsina suma c'ajatapsa uñjaractwa,

Isaías 65:11

Ucampis jumanaca, qhitinacatejj Tatitut jayarst'apjjta, kollana kollojjatsa armasipjjaracta, uqhamaraqui Gad y Mení sisqui uca kamir cancañ churiri diosanacaruw mank'sa, vinsa churapjjaractajja.

Jeremías 7:30

Tatitusti siwa: “Judá orakenquir jakenacasti mä jan walwa lurapjje nayaru ñankhachquiri: uca ajjtascañ c'ari diosanacapwa nayar loktat templorojj uchasjjapjje, uqhamat templojja k'añuchapjje.

Miqueas 6:16

Jumajj Omri jakena, uqhamarac Acab jaken familianacapan arsutanacapa, uqhamaraqui luräwinacapwa lurtajja uca laycu, ucatsti cunjämtejj jupanacajj sarnakcänjja uqhamracwa sarnaktajja. Ucatwa jichhajj jumatjja, uqhamarac jakenacamatsa mä ajjsarayascaña, laruscañraqui lurapjjämajja, marcajjan p'enkapasti jumjjaruraquiw purini.’ ”

Deuteronomio 16:21

“Jan cuna kokanacsa ayrupjjamti yakha diosanacar jach'añchañataqui ni Diosaman altarap jac'arus ayrupjjamti.

Deuteronomio 17:2

“Cawquïri marcanactejj Tatitu Diosamajj churapcätam uca marcanacantejj cawquïri jakesa, warmisa Diosaru ñankhachäwinac lurani uqhamaraqui suma arust'äwipsa p'aquintaraquini,

Deuteronomio 17:3

yakha diosanacaru yupaychasina uqhamaraqui ucanacar quillt'asiraquini, phajjsirüpasa, intirüpasa, warawaranacarüpasa, cawquïri luräwinactejj Diosajj jan lurañas munqui ucanac lurasa.

Deuteronomio 20:18

Uqhamata jan jumanacar uca ajjtascañ sarnakäwinacap yatichañapataqui, cunjämtejj diosanacaparu yupaychapqui, Tatitu Diosam contra jucha lurayasa.

Deuteronomio 4:19

Cunapachatï alajjpach uñtasina intiru, phajjsiru, warawaranacaru uqhamaraqui take ucanacar uñtapjjät ucqhajj jan ucanacar yupaychapjjamti, ucanacsti Dios Tatitu Awquisaw luri take acapach orakenquir marcanacataqui.