Apocalipsis 18:16 - Qullan Arunaca

¹⁶ Sapjjaraquiniwa: “¡Ay! ¡Jan cunani jach'a marca, cunaruraqui purt'astajja! Mä suma warmiru uñtatapunïnwa, suma lino isinacampi isthapita, suma wila color isinacani, korimpi, suma kalanacampi, perlanacampi c'achacht'ata.

Aymar Bibliia 1986

¹⁶ Sapjjaraquiniwa: “¡Ay! ¡Jan cunani jach'a marca, cunaruraqui purt'astajja! Mä suma warmiru uñtatapunïnwa, suma lino isinacampi isthapita, suma wila color isinacani, korimpi, suma kalanacampi, perlanacampi c'achacht'ata.

Qullan Arunaka DC

¹⁶ sapxani: “¡Ay! ¡Kunarurak purt'asta! ¡Llakkañätaw ch'aman jach'a marka! Suma lino isinakampi isthapitaw sarnaqäyätaxa, suma wila chupika isinakampi, qurimpi, suma k'ajkir qalanakampi, suma perlanakampiw k'achachasïyätaxa.

Apocalipsis 18:16 Jak'a apnaqawi uñst'ayäwi

Ezequiel 28:14

Mä angelaraquiw jumarojj uñjayätamjja; Diosan kollan kollupancaraquïyätawa, warawaranac taypinwa sarnakaraquïyäta.

Nahúm 2:9

¡Kollksa lunthatsupjjam! ¡Korsa lunthatsupjjaraquim! ¡Nínive marcan kamir cancañapasti jan tucusquiriwa!

Apocalipsis 17:3

Cuna unañchäwtï Ajayojj uñacht'ayquitu uca tokjja, angelajj wasararuw irpjjetu. Ucansti mä warmi uñjta mä jach'a wila ajjsarcañ animaljjaru lat'jjatata. Uca ajjsarcañ animalasti Dios contra sutinacampi kellksutänwa, pakallko p'ekeniraquïnwa, tunca wajjran cuna.

Apocalipsis 17:4

Aca warmisti wila morado isimpi ist'atänwa, korimpi, suma kalanacampi, perlanacampi c'achachataraqui. Amparaparusti mä kori copa ast'ataraquïnwa, uca copansti ajjtascañ k'añu luräwinacampi phokhantatänwa.

Apocalipsis 18:18

Uca marcan naqhatapat jek'e mistur uñjasasti, jach'at art'apjjaraquïna: “¿Cawquïri marcaquisa aca jach'a marcjamänjja? ” sasa.

Apocalipsis 18:19

Ucatsti lak'anacampiw p'ekenacapatjja willjjatasipjjäna, jachapjjaraquïnwa, wararipjjaraquïnwa: “¡Ay! ¡Jan cunani jach'a marca! Take barqueronacasa aca marcampiraquiw kamiriptapjjänjja, ¡jichhasti janc'aquiraquis uca kamir cancañapajja tucusiwayjjejjä!