2 Samuel 7:10 - Qullan Arunaca

Uqhamarus marcajjataquejj mä orake waquicharactjja, ucaruraquiw Israel marcajj uscusta uca pachpa chekan jacapjjañapataqui, jan qhitis cun sascañapataqui, uqhamarac jan wali jakenacas jan t'akhesiyascañapataqui cunjämatï kalltanjja lurapcäna uqhama,

Aymar Bibliia 1986

Uqhamarus marcajjataquejj mä orake waquicharactjja, ucaruraquiw Israel marcajj uscusta uca pachpa chekan jacapjjañapataqui, jan qhitis cun sascañapataqui, uqhamarac jan wali jakenacas jan t'akhesiyascañapataqui cunjämatï kalltanjja lurapcäna uqhama,

Qullan Arunaka DC

Ukhamarus Israel markaxatakix mä chiqawja wakicharakta, ukaruw jupanakar uchta pachpa uraqipan jakasipxañapataki, jan khitis kun jupanakar saskañapataki, janiraki jan wali jaqinakas t'aqhisiyaskañapataki, kunjämtix qalltan lurapkän ukhama,

2 Samuel 7:10 Jak'a apnaqawi uñst'ayäwi

2 Reyes 21:8

Janiw israelitanacar wastat jakonuccäti cawquïr oraktejj nayra awquinacaparu nayajj churcta ucatjja, jupanacaqui sum phokhapjjpan, uqhamarac lurapjjaracpan take cuntï nayajj ewjjapcsma ucana, uqhamarac Moisés sirvirejjasa take yatichäwinaca churawayapctam ucanacsa ucajja” sasa.

1 Crónicas 17:9

Ucjjarusti, Israel marcajjataquejja mä chekwa waquicharapta, ucatsti ucanaracwa wact'ayarapiracta jupanacataqui ucan jacapjjañapataqui, cawquintï jan qhitis camscani, ni ñankha lurir jakenacasa t'akhesiycaniti cunjämtejj kalltan lurapcän uqhama,

2 Crónicas 33:8

Ucatsti israelitanacarojj janiw wasitat jakonuccäti cawqha orakerutejj nayra awquinacaparu churcta ucatjja, jupanacatejj phokhapjjani, lurapjjaraquini take cunanactejj ewjjawaycta, uqhamarac take yatichäwinacsa, leyinacajjsa lurañanacsa churawaycta Moisés toke ucanacaru ucajja” sasa.

Salmos 44:2

Diosar jan uñt'irinacarojj amparamampiw jakonuctajja, marcanacaruw mutuytajja, nayra awquinacajjar utt'ayañataqui.

Salmos 44:4

¡Reyejjay! ¡Diosajjay! Jumaw Israel marcaman atipjañapatac ch'am churtajja,

Salmos 80:8

Jumaw Egiptot uva alir apsuntajja, Diosar jan uñt'ir jakenac jakonucusin ayrunttajja;

Salmos 80:9

jumaw orak korsusajj k'omachtajja, uva alisti, saphintänwa, orakpacharuw phokhantaraquïna;

Éxodo 1:22

Faraón reyejja take marcaparuw säna: “Take israelitanacan yokall wawanacapajj nasqui ucanacarojja jawirar jakontanipjjam, ucampis imilla wawanacasti jacascpan” sasa.

Éxodo 15:17

Tatitu, kollan kolluman jacañataqui irpapjjeta, cawqha oraktejj jumajj ajllcta jacañataqui ucaru. Uqhamarac cawqha kollan uttejj amparamampi waquichcaracta ucqharu.

Isaías 5:2

Uca orakwa onjjtayi, kalanacwa sum pallsuraqui, ucatsti suma ajllit alinacracwa ayruntänjja. Uca yapu taypirusti mä torre sayt'ayaraqui, uqhamaraqui uvanac ch'irwsuñataquisa mä cheka waquicharaquïna. Amigojjasti mojjsa uvanacwa suyt'äna, ucampis c'allc'u uvanacaquiw achjjänjja.

Isaías 5:7

Take ch'amani Tatitun uva yapupajja, suma munat yapupajja, Israel marcawa, Judá marcawa. Tatitusti jupanacatjja munaraquïnwa leyipajj ajjsaratäñapa, ucampisa jake jiwayañanacacwa jicjjatejja; cheka luräwinacwa suyaraquïnjja, ucampisa t'akhesiñat warariñanacacwa jicjjataraquejja.

Isaías 60:18

Orakemansti janipuniw ch'ajjwañanacajj mayampis ist'ascjjaniti, uqhamaraqui orakemansa janiw t'unjatäñajj, aynacht'añas utjcjjaniti, jan ucasti perkanacamarojj: ‘Khespiyasiña’ sasaw sutichäta, puncunacamarusti: ‘Yupaychaña’ sasaraqui.

Isaías 60:21

“Marcamanquiri take jakenacasti suma jakenacäniwa, orakepatsti wiñayataquiw jupanacancjjani; cawquïri altï nayajj ayrcäyätjja ucat sartirïpjjtawa, amparajjampi uscutäpjjtawa, nayan jach'a cancañajj uñacht'ayañataqui.

Jeremías 18:9

Yakha horasanwa mä marca jan ucajj mä reino sayt'ayañjja amtaracta, uqhamaraqui jilt'ayañsa amtaracta.

Jeremías 24:6

Nayaraquiw jupanacarojj suma uñjascä, ucatsti aca marcaruw cuttayanjjaraquï; acanwa jupanacarojj wali suma jacasiyaraquï, janiraquiw mayampi jupanacarojj t'unjcjjäti; ayruntäwa, ucatsti janiraquiw jiq'inuccäsa.

Ezequiel 28:24

“Israel marcasti janiw mayampsa t'akhescjjaniti, cunjämatejj yakha marcanacan jisc'achatanacapampejj ch'aphinacampjama t'akhesïnjja uqhama. Ucapachaw yatisini nayan Tatitütajja” sasa.

Oseas 2:18

“Qhä urunsti, Israel marcar munatajj laycojja, pampanquir animalanacampisa, jamach'inacampisa, catarinacampisa, mä suma arust'äwiruw mantäjja, aca marcatsti, nuwasiñsa, armanacsa, espadanacsa apakasinjja k'al t'unthapëjja, uqhamat marcajjajj suman sarnakasiñapataqui.

Amós 9:15

Uqhamajj jupanacarojj quipca orakeparuw ayruntaraquëjja, ucatsti janipuniw wasitat jiq'sutäcjjapjjaniti, nayajj jupanacar churcta uca oraketjja.” Tatitu Diosaw ucjja arsu.

Apocalipsis 21:4

Diosajj take jachanacapwa nayranacapatjja picharani, janiraquiw jiwañas, jachañas utjcjjaniti, warariñasa ni usuyasiñasa. Take cunanacatï nayrajj utjcän ucanacajj tucusjjewa” sasa.

Jueces 4:3

Jabín sat reyisti llätunca pataca fierrot lurata carronacanïnwa. Uca laycusti pä tunca maranacawa israelitanacarojj t'akhesiyapjjäna. Uqham t'akhesiñana jicjjatasisajja israelitanacajja Diosaruw arnakasjjapjjäna yanapt'añapataqui.

1 Samuel 13:17

Filisteonacajj campamentonacapat quimsa tama guerrilleronaca mistunipcchïn ucasa, maynïri tamajj Ofra sisqui ucsaruw sarapjjäna, Sual tokeru.