Éxodo 15:17 - Qullan Arunaca

¹⁷ Tatitu, kollan kolluman jacañataqui irpapjjeta, cawqha oraktejj jumajj ajllcta jacañataqui ucaru. Uqhamarac cawqha kollan uttejj amparamampi waquichcaracta ucqharu.

Aymar Bibliia 1986

¹⁷ Tatitu, kollan kolluman jacañataqui irpapjjeta, cawqha oraktejj jumajj ajllcta jacañataqui ucaru. Uqhamarac cawqha kollan uttejj amparamampi waquichcaracta ucqharu.

Qullan Arunaka DC

¹⁷ Tatay, qullan qullumar jakir irpapxita, jakañatak jumax ajlliskta uka chiqaru, amparamamp sayt'ayat utamaru.

Éxodo 15:17 Jak'a apnaqawi uñst'ayäwi

2 Samuel 7:10

Uqhamarus marcajjataquejj mä orake waquicharactjja, ucaruraquiw Israel marcajj uscusta uca pachpa chekan jacapjjañapataqui, jan qhitis cun sascañapataqui, uqhamarac jan wali jakenacas jan t'akhesiyascañapataqui cunjämatï kalltanjja lurapcäna uqhama,

1 Reyes 8:13

Ucampis nayajj mä templwa jumataqui lurarapsma ucan jacañamataqui, mä utjäwi wiñay ucan jacañamataqui” sasa.

Salmos 114:2

Judá marcajj Tatitun kollan utjäwiparuw tucüna; Israel marcajj jupan apnakat marcaruw tucüna.

Salmos 2:6

“Naya pachpaw reyijjarojj ajllista, Sión, kollan kollojj patjjaruw utt'ayta” sasa.

Salmos 44:2

Diosar jan uñt'irinacarojj amparamampiw jakonuctajja, marcanacaruw mutuytajja, nayra awquinacajjar utt'ayañataqui.

Salmos 68:16

khatha kollunaca, ¿cunatarac Diosan utjasiñapatac ajllit kollur uñisipjjtasti? ¡Tatituw uca kollun wiñayatac jacani!

Salmos 76:2

kollan utapajj Jerusalenanquiwa, utjäwipajj Sión kollunquiwa.

Salmos 80:15

amparamamp ayruntat uva alïchejjaya, juman ch'amaniptayat aliraquïchejjaya.

Salmos 80:8

Jumaw Egiptot uva alir apsuntajja, Diosar jan uñt'ir jakenac jakonucusin ayrunttajja;

Éxodo 15:13

Ucampis aca marcamar jumatac khespiyasasti, wiñay munasiñampiw irptajja. Ch'amamampiraquiw kollan utjäwimarojj irparactajja.

Éxodo 23:20

“Nayasti angelajjwa juman ucaru qhithanëjja, ucatsti jupawa imätam thaquinjja, uqhamarac irparaquïtam cawqha oraktejj waquicharapcsma ucqharu.

Éxodo 25:8

Nayataquisti mä kollana utjäwi lurarapipjjetäta, ucan nayajj jacañajjataqui.

Éxodo 32:34

Jichhasti saram, uqhamarac jakenac irpam cawqha chekarutejj siscsma ucqharu, nayan angelajjawa irpascätam. Nayasti jupanacarojj mutuyañ urojj purincani uca uruwa juchanacapat mutuyascäjja.

Jeremías 2:21

Mä suma uva alïcasmas uqhamwa nayajj ayrusïyäsma, wali suma uva jathat jutirïcasmas uqhama. Ucampisa jichhajj k'ala jan wali tucutätawa, jan uñt'añjamäjjtawa.

Jeremías 31:23

Israelan Diosapa, take ch'amani Diosasti siwa: “Cunapachatejj nayajj Judá marcanquir jakenacan sarnakäwipa maysaru tucuyjjä, ucat jupanacajj wasitat orakenacapancjjapjjaraquini, uqhamaraqui marcanacapana, ucapachasti wasitatwa sapjjani: ‘¡Tatituy bendispan aca kollan kolluru, cawqhantejj cheka cancañajj utjqui ucaru!’

Jeremías 32:41

Jupanacaru asquinac lurasinsti nayajj cusisiraquïwa, take chuymaraquiwa jupanacarojj aca oraken utjasiyaraquï” sasa.

Ezequiel 37:26

Jupanacan jan cun ajjsarasa jacasipjjañanacapataquisti mä amtäwiruw mantäjja. Uca amtäwisti wiñaya amtäwïniwa. Jupanacarusti waljaniruw tucuyaraquëjja, jupanac taypirusti wiñayataquiw nayan kollan templojja ucharaquëjja.

Ezequiel 37:28

Cunapachatejj nayan kollan templojjajj jupanac taypin wiñayataqui ucancani ucapachaw yakha marcanacajj nayan Israel marcaru ajllisitajja yatipjjani, nayataquejja mä suma kollana ajllisitajjäcaspas uqhama.’ ”

Deuteronomio 33:19

Take marcanacaw kolluru jawsatäpjjani, ucanwa cheka sacrificionac loktapjjani; cusisipjjaraquiniwa cunatejj utjqui ucanacampejja, uqhamaraqui kota lacan imantatäqui ucanacampisa” sasa.

Josué 22:19

Cawquïri orakenactï jumanacaru churapjjtam ucanacatejj jan Diosatacjamäcchi ucajja Diosan orakepäquis ucaru jutapjjam, cawqhantï Diosampi Jiquisiñ Carpajj jicjjatasqui ucqharu, ucatsti nanacan orakenacajj taypin mä cheka catusipjjaraquim; Dios contra jan sayt'apjjamti, ni nanac contrasa, uca mä yakha altar lurasisina, Diosan altärap utjquipanjja.