Éxodo 15:16 - Qullan Arunaca

¹⁶ Tatitu, ¡jupanacasti sustjasipjjpan, ajjsarayasipjjaracpan! ¡Ch'amam uñjasinsti kalanacjama amuturac tucupjjaracpan, aca jumatac khespiyat marcamajj maqhatañapcama! Cawquïr marctejj jumatac alascta ucajja.

Aymar Bibliia 1986

¹⁶ Tatitu, ¡jupanacasti sustjasipjjpan, ajjsarayasipjjaracpan! ¡Ch'amam uñjasinsti kalanacjama amuturac tucupjjaracpan, aca jumatac khespiyat marcamajj maqhatañapcama! Cawquïr marctejj jumatac alascta ucajja.

Qullan Arunaka DC

¹⁶ Tatay, ¡jupanakax mulljasipxpan!, ¡axsarayasipxpan! ¡Ch'amam uñjasin qalanakjam tukupxpan, qhispiyat markaman makhatañapkama!

Éxodo 15:16 Jak'a apnaqawi uñst'ayäwi

Génesis 35:5

Cunapachatejj jupanacajj sarjjapjjäna ucapachasti, Diosajj uca yakha marcanacarojj wali ajjsarañanaca churäna, ucatwa jupanacajj jan Jacobon wawanacaparojj arctapcänti.

2 Samuel 7:23

Israel marcama toketsti, ¡janiw yakha marcajj jupjamajj utjquiti, marcamasti maya sapaquiw aca orakenjja! Jumaraquiw, Dios, khespiytajja juman marcamäñapataqui, ucatsti jach'aruraquiw apttajja, jupataquisti jach'a muspharcañanacwa luraractajja. Egiptot khespiyanita marcam nayrakatatsti jumaw apanucuractajja, yakha marcanacarusa, uqhamaraqui diosanacaparusa.

Salmos 105:38

Egipto orakenquirinacajj mistjjer uñjasajj cusisipjjänwa, jupanacajj wali mulljatäpjjänwa.

Salmos 74:2

Nayra pachatpach jicjjatasit marcamat amtasim, jumancañapatac khespiyat marcamat qhuyapayasim, utjäwim uchasit Sión kollut amtasiraquim.

Salmos 89:14

Chekapar uñjañampi, asqui cancañampiw reyi konuñamarojj thurjjäsiyi, munasiñamp, cheka cancañampiw jumar jicjjatirejj jutapjje.

Éxodo 11:7

Uqhamat jumanacajj yatipjjañamataqui, cunjämtï Tatitojj israelitanacarojj egipcionacat yakhachqui ucjja. Israelitanacarusti, uqhamarac uywanacaparusa janiw anus wajcaniti.

Éxodo 15:13

Ucampis aca marcamar jumatac khespiyasasti, wiñay munasiñampiw irptajja. Ch'amamampiraquiw kollan utjäwimarojj irparactajja.

Éxodo 15:5

Jupanacasti kalanacjamaw kota mankherojj williranttawayapjje, jach'a kota mankheruraquiw jupanacarojj chhaktayi.

Éxodo 15:6

Tatitu, jumasti cupi amparaman ch'amapampiw uñisirinacarojj tucjtajja.

Éxodo 18:8

Ucanwa Moisesajj awcch'iparu yatiyäna cuntejj Tatitojj faraonaru, uqhamarac egipcionacarus lurcäna israelitanacar arjjatasa. Uqhamarac yatiyaraquïnwa cuna jan walt'añanacatejj thaquin utjcäna, ucampis Tatitojj cunjämtejj jupanacar khespiycäna ucanacsa.

Éxodo 20:2

“Nayätwa juman Tatitu Diosamajja, nayaw Egiptotjja apsunsma cawqhantejj sirviñampi t'akhesiscayäta ucqhatjja.

Éxodo 23:20

“Nayasti angelajjwa juman ucaru qhithanëjja, ucatsti jupawa imätam thaquinjja, uqhamarac irparaquïtam cawqha oraktejj waquicharapcsma ucqharu.

Éxodo 23:22

Ucampis jumatejj jupan arunacap ist'asina jaysäta, uqhamarac cunanactejj sapcsma ucanacsa luraraquïta ucajja, nayawa uñisirinacaman enemigopäyäjja, uqhamaraqui nayajja janiwa muncaraquïti qhitinacatejj jan munapctam ucanacarojja.

Éxodo 23:27

“Nayasti juman nayrakatamanquirinacarojja ajjsaraña, wararis llaquisiñwa apayanëjja. Uqhamarac kawkha marcanactejj pasawaycäta ucanjja nayajj uñisirinacamarojj juma nayrakatatjja jaltayäwa.

Éxodo 6:7

Jumanacarusti nayan marcajjwa tucuyapjjäma, ucatsti nayawa jumanacan Diosamäyäjja. Uqhamatwa jumanacajj yatipjjäta nayajj jumanacan Tatitu Diosamätajja, uqhamat nayajj egipcionacan wali ch'ama lurañanacampi t'akhesiyapctam ucanacata khespiyätajja.

Isaías 51:10

jach'a lamar kotsa wañt'ayaractawa, jach'a p'iya mankhanquir umanacsa wañt'aytawa, jach'a kota mankhsti wañt'ayasinjja thaqui lurtajja, khespiyatanacajj uca cheka maqhatapjjañapataqui.

Isaías 63:12

qhititejj uca jach'a ch'amapsa Moisesar churcaraqui; marcap nayrakatansa jach'a kotjja payar jaljaraqui, uqhamat wiñayataqui aytatäñapataqui;

Jeremías 31:11

Tatitusti Jacobon marcaparojj khespiyiwa; mä jach'a ch'aman marcatwa khespiyaniraqui.

Ezequiel 16:8

“Wasitat juma jac'a pasawayaracta, ucat jumar uñcatsma. Wali tawaköjjaraquïyätawa, niyas chacht'asirjama. Nayajj mantojjampiw jumjjar janjjatsma, uca k'alala janchima imjjataracsma, ucat jumampi parlthapiracta; jumampisti mä arust'äwi luraractan, jumasti nayancjjaraquïyätawa. Naya Tatituw ucjja arsta.

Hechos 20:28

Uqhamasti jumanac quicpa amuyasipjjam, take iyawsirinacarus uñjapjjaraquim. Ucataquiw Kollan Ajayojj Tatitun iglesiap uñjapjjañamataqui ajllipjjtamjja. Tatitusti wilapampiw uca iglesiap alasiwayi.

Deuteronomio 11:25

Janiraquiw cawquïri marcas jumanac contra sayt'añ puedcaniti. Jumanacan Tatitu Diosamaw uca marcanacar ajjsaraña, qhathatiña uscuntani, cawqha chekanjamtï pasapcäta ucanacanjja, cunjämtï Diosajj arupampi arscänjja uqhamar phokhasa.

Deuteronomio 2:25

Jichha urut ucsarusti nayaw take marcanacaru jumanac nayräjjana ajjsaraña, sustjasiña churä. Cunapachatï jumanacat parlasiri ist'apjjan ucqhajj, jupanacajj wal qhathatipjjani, uqhamarac llaquisipjjanisa’ sasaw Tatitojj säna.

Deuteronomio 2:4

Aca ewjjanacarac marcarojj churam: Jumanacasti Esaú chachan wawanacapan orakepanjam pasapjjaraquïta, cawquïrinacatï Seir oraken jacapqui, jupanacasti jumanacan familianacamawa, jumanacarojj ajjsarapjjtamwa, ucampisa wal amuyasipjjam.

Deuteronomio 32:6

¿Aqhamti Diosaru pagapjjta? Pisi chuyma jan yatiñan jakenaca, ¿janit jupasti awquimäqui, irnokerimäcaraqui? ¡Jupaw irnoktam, jacañsa churaractam!

Deuteronomio 32:9

Diosan herenciapasti, jakenacapawa Jacobon marcapawa.

Tito 2:14

Jupawa jiwas laycu jiwawayi jan walinacat jiwasar khespiyañataqui, k'omachañataqui, uqhamata jupancañataqui jan karjasisa asqui lurañasataqui.

Josué 2:9

—Nayasti yattwa Diosan jumanacaru aca orake churatapa, ucatsti nanacajj jumanacat parlasir ist'asinaqui qhathatipjjta, uqhamaraquiw aca marcan jaquir jakenacajj ajjsarañatsa jiwarirjamäpjjewa jumanacat ist'asajja.

Josué 4:24

Uqhamatwa take acapachan jaquir jakenacajj yatipjjani cunja ch'amanïquitï Dios Tatitojj uca, ucatsti jumanacajj ajjsarapjjapunim Dios Tatitumarojja” sasa.

1 Pedro 2:9

Ucampis jumanacajj ajllit jakenacäpjjtawa, reyir sirviri tucuyat sacerdotenacäpjjaractawa; mä k'oma marcäpjjtawa; Diosan ajllisit marcapäpjjaractawa. Acasti lurasiwa, jumanacajj Diosan muspharcañ luräwinacap yatiyapjjañamataqui. Uca Diosaraquiw jumanacarojj ch'amacat irpsusinjjapjjtam, suma muspharcañ khanapar mantjjapjjañamataqui.

2 Pedro 2:1

Ucampis Diosan Israel marcapanjja utjaraquïnwa c'ari profetanaca, uqhamaraquiw jumanac taypinjja c'ari yatichirinacajj utjaraquini. Jupanacasti jan wali amtäwinacapjja jamasanacanwa yatichapjjani, khespiyiri Tatituparus jan uñt'ir tucusa, uca yatichäwipampisti jupanacpachaw mäqui t'unjtasipcani.

1 Samuel 2:9

Jupaw asqui jakenacan sarnakäwipjja uñjasqui, ucampisa ñankha jakenacajj ch'amacanwa jiwarapjjani, janiraquiw qhitis ch'amapampiquejj atipcaspati.

1 Samuel 25:37

Khepärmanthi alwasti cunapachatejj Nabal jaken machatapajj apaktjjäna ucapachaw Abigail warmipajj cunatejj pascatayna ucjja khanwa yatiyäna. Uc ist'asasti Nabal jakejj jan sartquiriw lurasiwayäna.